Эклц 18:1 - Хальмг келнд орчулсн Әрүн Бичлһс

¹ Өдрәр һал үдлә Мамрен хар моддын хаҗуд шатриннь үүднд суухлань, Абрахам тал Деед Эзн баралҗ ирнә.

Эклц 18:1 Iomraidhean Croise

Эклц 12:7

Деед Эзн Абрамд үзгдәд келнә: – Би эн һазриг чини хөөт үйнрт өгнәв. Үзгдәд ирсн Деед Эзнд Абрам тенд бәрц бәрдг бәәр кев.

Эклц 13:18

Абрам шатрмудан ормаснь көндәһәд, Хевронас хол биш бәәсн Мамрен алдр хар моддын хаҗуд бүүрлхәр һарад йовна. Тендән Абрам Деед Эзнд бәрц бәрдг бәәр кенә.

Эклц 14:13

Теднәс зулад әмд үлдсн нег күн ирәд, энүнә тускар еврей Абрамд келнә. Абрам аморей Мамрен алдр хар моддын хаҗуд бүүрлҗәҗ. Мамре, Эшкол болн Анер гидг төрлмүдтәһән, Абрамла негдҗ көдлдг улс болна.

Эклц 15:1

Энүнә хөөн Абрамд үзгдл болҗ Деед Эзн келнә: – Бичә ә, Абрам, Би чини халхцв. Чини ачлвр йир ик болх.

Эклц 17:22

Абрахамла күүндврән чиләһәд, Бурхн йовҗ одна.

Эклц 18:22

Залус эргәд, Содом тал йовна, болв Абрахам Деед Эзнә өмн зогсад үлдв.

Эклц 20:1

Тендәсн Абрахам Негев гидг һазр тал һарад, Кадеш Шур хойран хоорнд бүүрлнә. Герар балһснд тер күүнә күн болҗ бәәв.

Эклц 26:2

Деед Эзн Ицхакд үзгдәд иигҗ келнә: – Египет бичә ор. Мини келсн һазрт чи бә.

Эклц 35:27

Яков эцк талан ирнә. Мамред Керьят-Арба балһсна хаҗуд (өдгә цагт Хеврон нертә) түрүләд Абрахам, дәкәд Ицхак бәәҗ.

Эклц 48:3

Канана һазрин Луз балһсна хаҗуд Хамгин Күчтә Бурхн үзгдәд, нанд әдс өгәд

Нүүдл 4:1

– Кемр нанд итклго, намаг соңслго Деед Эзн чамд үзгдсн уга гиҗ келхләнь, би яахмб? – гиҗ Моше келҗәнә.

Апостолмуд 7:2

– Ахнр-дүүнр болн эцкнр! Намаг соңстн! Мана өвк эцк Абрахам Месопотамьяд бәәсн цагтнь тиигхд, Харан балһсн тал һарчах кемд, Туурмҗта Бурхн үзгдлә, – гиҗ Степан келв. –

Евреймүд 11:9

Иткләрн Абрахам Бурхна өгнәв гисн орн-нутгт хәр күн болҗ бүүрлҗ. Абрахам Ицхак Яков хойрла сегт бәәсмн. Тедн Абрахамла әдл Бурхна өгнәв гисн өнч авх улс бәәсмн.

Евреймүд 13:2

Зуульч улсиг кезәчн гиичлүлхән бичә марттн. Тиигҗ кеһәд зәрмснь медлго, Бурхна элчнриг гиичлүлсмн.