Эклц 17:1 - Хальмг келнд орчулсн Әрүн Бичлһс

¹ Абрамиг йирн йистәднь Деед Эзн терүн тал баралҗ ирәд келнә: – Би Хамгин Күчтә Бурхнв, Мини эв-арһар бә, нерән бичә һута.

Эклц 17:1 Iomraidhean Croise

Эклц 12:1

Деед Эзн Абрамд келнә: – Эврәннь бәәх һазрасн, төрл-саднасн, эврәннь эцкин гертәс һарад Мини үзүлсн һазрур йов.

Эклц 12:7

Деед Эзн Абрамд үзгдәд келнә: – Би эн һазриг чини хөөт үйнрт өгнәв. Үзгдәд ирсн Деед Эзнд Абрам тенд бәрц бәрдг бәәр кев.

Эклц 16:16

Хагар Ишмаилиг һарһхд Абрам найн зурһата билә.

Эклц 18:1

Өдрәр һал үдлә Мамрен хар моддын хаҗуд шатриннь үүднд суухлань, Абрахам тал Деед Эзн баралҗ ирнә.

Эклц 18:14

Деед Эзнд күцәҗ болшго кецү юмн бәәхий? Би тадн тал җил болад ирнәв, Сарра көвүтә болх.

Эклц 24:40

Тер келв: «Мини җирһл Деед Эзнә өмн ил. Мини Деед Эзн чамла Эврәннь элчән илгәх, чини зуульчллһнд күцәмҗ өгх. Иигхләрн көвүндм мини төрләс болн мини эцкин өрк-бүләс герг авч өг.

Эклц 26:2

Деед Эзн Ицхакд үзгдәд иигҗ келнә: – Египет бичә ор. Мини келсн һазрт чи бә.

Эклц 28:3

Хамгин Күчтә Бурхн чамд әдс өгтхә, чамас олн улс үүддгәр чамаг өслттә кетхә, чамаг тооһарчн икдүлтхә.

Эклц 35:11

Бурхн терүнд бас иигҗ келнә: – Би Хамгин Күчтә Бурхмб. Чи өслттә, өнр-өргн бол, Чамас улс үүдх, Олн улс! Чамас олн хан үүдх!

Эклц 43:14

Күчтә Бурхн нойиг цаһан саната кетхә, терүнә хәәрлт таднд күрттхә: Шимониг, Беняминиг бас хәрү йовултха. Кемр мини тускар үрдән геетхә гиҗ заяч заясн болхла – арһ уга, – гиҗ Израиль келнә.

Эклц 46:3

– Би Бурхмб, чини эцкин Бурхмб. Египет орхасн бичә ә. Тенд чини хөөт үйнрәс Би алдр улс үүдәнәв.

Эклц 48:15

Дәкәд тер Йосипиг әдсләд иигҗ келнә: – Мини эцкнрин – Абрахам Ицхак хойрин Бурхн, эндр күртл наснам туршартм намаг хәләҗ йовсн Бурхн,

Эклц 48:3

Канана һазрин Луз балһсна хаҗуд Хамгин Күчтә Бурхн үзгдәд, нанд әдс өгәд

Эклц 5:22

Метушелахиг төрснә хөөн Ханок Бурхнла 300 җилдән өөрхн холвата бәәв. Тер бас чигн көвүд, күүкдтә билә.

Эклц 5:24

Ханок Бурхнла өөрхн холвата бәәв, дәкәд тер уга болв. Яһад гихлә, Бурхн терүг авчкв.

Эклц 6:9

Ноахин туск келвр эн. Ноах үннч күн билә, эврәннь үйдән һаң уга: тер Бурхнла өөрхн холвата бәәв.

Йов 1:1

Уц гидг һазрт Йов гидг нертә күн бәәҗ. Тер цеврцер болн чик седклтә, Бурхнас әәдг, хамг хар саната йовдлас зулдг бәәҗ.

Йов 11:7

Бурхна хаасн юмиг секҗ чадхвчи? Хамгин Күчтәг күцц медҗ чадхвчи?

Псалмс 115:3

Деед Эзн цаһан санаһан күртәснд Би ю өгхмби?

Нүүдл 6:3

Би Хамгин Күчтә Бурхн болҗ Абрахамд, Ицхакд болн Яковд үзгдәд ирләв, болв «Яхве» гидг нерән Би эднд медүлсн угав.

Цецн селвгүд 10:9

Үннч күүнд шалтан уга, худлч күн худлдан бәргдх.

Әмтнә то авлһн 11:23

Болв Деед Эзн Мошед келв: – Деед Эзнә һар күчн уга болхий? Нә, хәлә, Мини келсн үг күцхий аль угай!

Әмтнә то авлһн 24:16

Бурхна үг соңсчахнь, Деед Бурхна медрл авчахнь, Хамгин Күчтәһин үзгдлинь үзҗәхнь һазр деер унҗана, нүднь секәтә.

Матай 19:26

– Күн әмән аврҗ чадшго, Бурхн күүнә әм аврҗ чадх, – гиҗ Исус теднүр ширтҗ хәләһәд келв.

Матай 5:48

Тегәд Тана Теңгрин Эцклә әдл буйн төгс болтн!

Лука 1:6

Тедн хоюрн Деед Эзнә чирәд чик седклтә улс болад, Бурхна зааврмуд болн герәсд алдлго күцәдг бәәсмн.

Апостолмуд 23:1

– Ахнр-дүүнр! Эндр өдр күртл мини ухан-седкл Бурхна өмн цевр, – гиҗ Павел цуглрсн улсиг хәлән бәәҗ келнә.

Апостолмуд 24:16

Тер учрар Бурхна нернд олн улсин өмн би эврәннь ухан-седклән, бийән цеврәр бәрх санатав.

Епесинхн 3:20

Бурхн Эврәннь күчәр мадн дотр бәәнә. Тер мана сурҗаснас эс гихлә ухалҗаснас икәр кеҗ чадна. Бурхнд иткдг улсар, Исус Христосар оньдин тууртха! Тиигтхә!

Давтх Закан 10:17

Яһад гихлә Деед Эзн, тана Бурхн, – бурхд деер Бурхн болн нойд деер Нойн. Тер – алдр Бурхн, күчтә болн әәмшгтә. Тер үннч, авлһ авдго.

Давтх Закан 18:13

Деед Эзнә, тана Бурхна, өмн цевр болтн!

Давтх Закан 30:20

Тегәд Деед Эзнд, тадна Бурхнд, дурта болхит, Терүг соңсхит, Терүнд итклтә болхит. Деед Эзнд тадна җирһл, тадна өвкнр Абрахамд, Ицхакд болн Яковд андһарлад өгх болсн һазрт тадн ут нас наслад җирһхит.

Пилипинхн 4:13

Нанд чидл өгдг Христос Исусла нииләд, би цугиг дааҗ күцәҗ чадҗанав.

Евреймүд 12:28

Тер учрар мадн ормаснь көндәҗ болшго орн-нутг авчах төләдән ханлтта бәәхм. Бурхнд сөгдәд, күндләд, Терүнәс әәһәд, Бурхнд тааста болад, Терүнд ханлт өргхм.

Евреймүд 7:25

Эн учрар Терүгәр дамҗад Бурхнд ирсн күн болһниг Тер аврҗ чадна. Яһад гихлә, Исус теднә төлә Бурхнас сурхар мөңкиндән бәәнә.