Эклц 16:12 - Хальмг келнд орчулсн Әрүн Бичлһс

¹² Терчн зерлг элҗгнә бәәдлтә болх: цуг әмтнлә тер өшәркх, цугтан терүнлә өшәркх. Терчн цуг эврәннь төрл-садндан өшәтн болҗ бәәх, – Деед Эзнә элч зарцд бас иигҗ келнә.

Эклц 16:12 Iomraidhean Croise

Эклц 21:20

Көвүн өстл, Бурхн терүнлә бәәв. Көвүн Паран гидг эҗго көдәд бәәһәд, саадгар хадг күн болв. Экнь энүнд Египетәс күүк авч өгв.

Эклц 25:18

Терүнә хөөт үйнр Ашур ордг хаалһар Египетин меҗән хаҗуд Хавилас Шур күртл бәәх һазрт бүүрлцхәв. Тедн эврәннь ахнр-дүүнртәһән өшәркҗ бәәцхәв.

Эклц 27:40

Чи үлдәрн бәәхич, эврәннь дүүдән заргдхич. Болв цагнь ирхлә, чи буцхларн, терүнә ярмиг эврәннь күзүнәсн авч хайхич.

Эклц 37:25

Йосипин ахнр хотан эдлхәр суухларн, Гилад талас аашх Мидьяна кувцнрин цувсн темәд үзцхәв. Тедн Египет тал сәәхн үнртә модна салм, ладан, бальзам ачҗ йовцхаҗ.

Йов 11:12

Зерлг элҗгн герин бәәдлд эс иҗлтл, Терүнәс эрт һәргд ухан оршго.

Йов 24:5

Зерлг элҗгнс мет Угатя әмтн теегт һарад, Хот хәәҗ гүүцхәнә, Көдә һазр теднә болн теднә үрдин теҗәл.