Эклц 12:7 - Хальмг келнд орчулсн Әрүн Бичлһс

⁷ Деед Эзн Абрамд үзгдәд келнә: – Би эн һазриг чини хөөт үйнрт өгнәв. Үзгдәд ирсн Деед Эзнд Абрам тенд бәрц бәрдг бәәр кев.

Эклц 12:7 Iomraidhean Croise

Эклц 12:8

Тендәс тер Бет-Эләс дорд үзг тал бәәх уулта һазрур йовна. Тенд Бет-Эль балһсна барун үзгин болн Ай балһсна дорд үзгин хоорнд шатрмуд бәрнә. Тенд бәрц бәрх бәәр Деед Эзнд кенә. Деед Эзнә нер тер дуудна.

Эклц 13:15

Чини үзҗәх цуг һазриг Би чамд болн чини хөөт үйнрт мөңкинд өгнәв.

Эклц 13:17

Чи босад, эн һазрар утднь, өргнднь йовад үз. Яһад гихлә Би энүг чамд өгнәв.

Эклц 13:18

Абрам шатрмудан ормаснь көндәһәд, Хевронас хол биш бәәсн Мамрен алдр хар моддын хаҗуд бүүрлхәр һарад йовна. Тендән Абрам Деед Эзнд бәрц бәрдг бәәр кенә.

Эклц 13:4

Тер һазрт Абрам экләд йовхдан бәрц бәрлһнә бәәр кесмн. Абрам тенд Деед Эзнә нер дуудла.

Эклц 15:18

Тер өдр Деед Эзн Абрамла бооца кеһәд келнә: – Чини хөөт үйнрт Би эн һазр өгчәнәв – Египетин һолас Епрат гидг нертә алдр Һол күртл:

Эклц 17:1

Абрамиг йирн йистәднь Деед Эзн терүн тал баралҗ ирәд келнә: – Би Хамгин Күчтә Бурхнв, Мини эв-арһар бә, нерән бичә һута.

Эклц 17:3

Абрам Бурхна өмн түргүр унна. Бурхн терүнд келнә:

Эклц 17:8

Чи оруд күн болҗ бәәх Канана һазриг чамд болн чини хөөт үйнрт мөңк эзллһнд өгнәв, теднә Бурхн болхв.

Эклц 18:1

Өдрәр һал үдлә Мамрен хар моддын хаҗуд шатриннь үүднд суухлань, Абрахам тал Деед Эзн баралҗ ирнә.

Эклц 22:9

Бурхна заасн һазрт тедн күрхләрн, Абрахам тәкл тәкх бәәр белднә, терүн деер модан тәвәд, деернь эврәннь Ицхак көвүһән күләд кевтүлнә.

Эклц 24:7

Эцкинм гертәс болн мини төрсн һазрас намаг дахулҗ һарһсн Деед Эзн, теңгрин Бурхн, нанла күүндәд иим андһар өглә: «Би эн һазриг чини хөөт үйнрт өгнәв». Тегәд Тер Эврәннь элчиг илгәһәд, мини көвүнд күүк авч өгхд чамд дөң болх.

Эклц 26:25

Тенд Ицхак тәкл тәкдг бәәр кенә, Деед Эзнә нер дуудна, тенд шатр бәрнә, зарцнрнь болхла худг малтна.

Эклц 26:3

Эн һазрт бүүрләд бә, Би чамта бәәхүв, чамд әдс өгнәв. Яһад гихлә чини эцк Абрахамд өгсн Эврәннь андһаран күцәхәр чамд, чини хөөт үйнрт Би цуг эн һазриг өгнәв.

Эклц 28:13

Яковин хаҗуд Деед Эзн зогсчана: – Би Деед Эзн болҗанав, чини өвк Абрахамин болн Ицхакин Бурхнв. Чини кевтх һазриг чамд болн чини хөөт үйнрт өгнәв.

Эклц 28:4

Талын күн болад ода чини бәәх һазриг – Бурхн Абрахамд өгсн һазриг – чи эзләд авдгар, Тер чамд болн чини хөөт үйнрт Абрахамд өгсн әдсән күртәтхә.

Эклц 32:30

Тер ормд Яков Пени-Эль нер өгнә. Яһад гихлә «Би Бурхиг нүүрцәд үзүв, болв әмд үлдүв», – гиҗ тер келнә.

Эклц 33:20

Тендән тер тәкл тәкдг орм һарһад, Эл-Элохе-Израиль гидг нер терүнд өгнә.

Эклц 35:12

Абрахамд болн Ицхакд мини өгсн һазриг Би чамд болн чини хөөт үйнрт өгнәв.

Эклц 35:7

Тенд тәкл тәкдг орм тер белднә. Тер ормиг Эль-Бет-Эль гиҗ нерәднә, юңгад гихлә Яков ахасн зулҗ йовхд тенд терүнд Бурхн үзгдлә.

Эклц 50:24

– Би удлго өңгрхүв, – гиҗ Йосип ахнр-дүүнртән келнә. – Болв Бурхн, маһд уга, таднд дөңгән күргхәр ирх, тадниг эн һазрас дахулҗ һарһад, Абрахамд, Ицхакд болн Яковд өгх болад андһар тәвсн һазрт күргх.

Эклц 8:20

Ноах Деед Эзнд тәкл тәкдг орм тәкнә. Цевр малын болн шовудын цуг зүсн болһнас терүн деер бәрц бәрәд шатана.

Нүүдл 17:15

Моше бәрц бәрлһнә орм босхад, терүнд Яхве-Нисси гидг нер өгәд

Нүүдл 24:4

Моше Деед Эзнә келсиг цугтаһинь бичәд авна. Өрүнднь уулын дор тәкл тәкдг орм босхад Израилин отгудын тооһар арвн хойр чолун бахн тәвнә.

Нүүдл 32:13

Бийиннь мухласан – Абрахамиг, Ицхакиг болн Израилиг санлт, теднд Та Бийәрн андһар өгләт: «Тадна үйнр тооһарн олн болх – теңгртк одн мет. Мини өгх һазриг мөңкинд үйнртн эдлх гиҗ үгән өгчәнәв».

Нүүдл 33:1

Деед Эзн Мошед келнә: – Египетәс дахулҗ һарһсн әмтнләһән йов эндәс. Абрахамин, Ицхакин болн Яковин хөөт үйнрт өгх болад андһар тәвсн һазр тал йовтн.

Нүүдл 6:3

Би Хамгин Күчтә Бурхн болҗ Абрахамд, Ицхакд болн Яковд үзгдәд ирләв, болв «Яхве» гидг нерән Би эднд медүлсн угав.

Нүүдл 6:4

Би теднлә бооцаһан батлад, Канана һазриг, эдн күүнә һазра улс болҗ бәәсн нутгиг, эднд өгх боллав.

Әмтнә то авлһн 26:53

– Әмтнә тооһар һазр хуваҗ өггдх зөвтә.

Әмтнә то авлһн 32:11

«Египетәс һарад йовсн 20 настаһас даву улс, Нанд өгсн үгән сольснь Аврамд, Ицхакд болн Яковд өгхәр андһарлсн һазриг үзшго.

Апостолмуд 7:5

Энүнд Абрахамд нег чигн ишкм һазр өгсмн уга. Болв Абрахамд эн һазриг өгх болла. Эн һазр Абрахам болн түүнә хөөтк үйнрнь эзлх гиҗ Бурхн үгән өгсмн. Тер цагт Абрахам үрн уга бәәҗ.

Риминхн 9:8

Талданар келхлә экәс һарсн хөөт үйнр Бурхна үрдүд болҗахш. Болв Бурхна өгсн үгәр төрсн үрдүд йосн хөөт үйнр болҗана.

Һалатьянхн 3:16

Абрахамд болн терүнә хөөт үрнд Бурхн олн үг өглә. Бурхна Бичгт иигҗ бичәтә бәәнә: «Олн хөөт үрдүдт биш, зуг һанцхн хөөт үрнд». Эннь Христос болҗана!

Һалатьянхн 4:28

Ахнр-дүүнр, тадн Бурхнд үг өгснәс иштә төрсн Ицхакла әдл үрдүд.

Давтх Закан 1:8

Эн һазриг цугтаһинь Би таднд өгчәнәв! Йовад тер һазриг эзлтн! Тадна өвк Абрахамд, Ицхакд болн Яковд, теднә хөөт үйнрт өгх болҗ Би, Деед Эзн, андһар өгләв».

Давтх Закан 30:20

Тегәд Деед Эзнд, тадна Бурхнд, дурта болхит, Терүг соңсхит, Терүнд итклтә болхит. Деед Эзнд тадна җирһл, тадна өвкнр Абрахамд, Ицхакд болн Яковд андһарлад өгх болсн һазрт тадн ут нас наслад җирһхит.

Давтх Закан 34:4

Тегәд Деед Эзн Мошед келв: «Мини Абрахамд, Ицхакд болн Яковд андһар өгсн һазр эн. Энүг теднә хөөт үйнрт өгх боллав! Би терүг чамд үзүлләв, болв чи тиигәрән оршгоч».

Давтх Закан 6:10

Деед Эзн, чини Бурхн, чамаг эн һазрт күргх. Энүнә тускар чини өвкнрт Абрахамд, Ицхакд болн Яковд чамд өгх болад Деед Эзн андһар өгч. Тенд ик болн цецгәлҗәх балһсд бәәнә – чини тосхсн биш.

Давтх Закан 9:5

Тадн ирәд, теднә һазриг эзләд авхит. Тернь зөвтә болн чикәр кесәр биш болҗана. Яһад гихлә Деед Эзн, тана Бурхн, эн һазриг таднд өгчәхләрн, тер әмтиг бурута гиҗ тоолҗана. Дәкәд тадна өвкнрт – Абрахамд, Ицхакд болн Яковд – өгсн андһаран күцәхәр тиигв.

Евреймүд 11:13

Эн улс цугтан Бурхнд иткәд өңгрв. Эдн Бурхна өгх юмиг авсн уга, болв холас үзәд байрлдг бәәсмн. Эн һазр деер бидн ирсн хәр улс болн зуульчнрвидн гиҗ тедн бийиннь тускар келдг бәәҗ.

Евреймүд 11:8

Өнчән авх һазр тал йовтха гиҗ Бурхн Абрахамиг дуудв. Иткләрн Абрахам Бурхиг соңсв. Тер альдаран йовхан эс медсн бийнь йовсмн.