Эклц 12:2 - Хальмг келнд орчулсн Әрүн Бичлһс

² Чамас Би алдр әмт һарһад, Чамд әдс өгнәв. Чини нериг Би өөдән өргнәв, Чи йөрәлин көрң болхич.

Эклц 12:2 Iomraidhean Croise

Эклц 13:16

Чини хөөт үйнриг һазрин шора мет тооһарнь икдүлнәв. Тегәд кемр кен негнь шора тоолҗ чадх болхла, чини хөөт үйнр бас тоолгдад бәәх.

Эклц 15:5

Деед Эзн Абрамиг һазаран дахулҗ һарад иигҗ келнә: – Теңгрүр хәләлч: кемр одд тоолҗ чадх болхла, тедниг тоол. Чини хөөт үйин улс тооһарн тиим болх.

Эклц 17:20

Ишмаилин туск чини сурвр Би соңсув. Терүг Би бас әдслнәв. Терүг Би өнр-өсклңтә болһнав, тооһарн олн болдгар бас икдүлнәв. Арвн хойр нойна эцк тер болх. Би терүнәс алдр улс үүдәҗ һарһнав.

Эклц 18:18

Абрахамас маһд уга алдр болн чидлтә улс үүдх. Һазр деерк келн-улс цугтан терүгәр дамҗад әдс авх.

Эклц 18:19

Би терүг шүүҗ авхларн, тер эврәннь үрдтән, цуг хөөт үйнртән Деед Эзнә хаалһар йовтха гиҗ заквр өгтхә гиләв: үнн болн чик бәәдлтәһәр бәәтхә. Би, Деед Эзн, Абрахамд өгх болсан күцәхүв, – гиҗ Деед Эзн келв.

Эклц 19:29

Тиигҗ Бурхн Лотын бәәсн балһсдыг уга кехләрн, Абрахамин тускар тодлад, Лотыг үкләс авч һарв.

Эклц 24:1

Абрахам көгшрҗ одсн билә, зөвәр наста. Деед Эзн терүнә цуг кесн тоотднь әдс өгв.

Эклц 24:35

Деед Эзн мини нойнд элвгәр цаһан санаһан күртәв, тегәд тер байҗв. Деед Эзн терүнд хөд, ямад болн бод мал, цаһан мөңг болн алт, залу болн күүкд улс-зарцнр, темәд болн элҗгд өгв.

Эклц 25:11

Абрахамиг өңгрснә хөөн Бурхн тиигхд Беэр-лахай-ройин хаҗуд бәәсн терүнә көвүн Ицхакд әдс өгнә.

Эклц 26:3

Эн һазрт бүүрләд бә, Би чамта бәәхүв, чамд әдс өгнәв. Яһад гихлә чини эцк Абрахамд өгсн Эврәннь андһаран күцәхәр чамд, чини хөөт үйнрт Би цуг эн һазриг өгнәв.

Эклц 26:4

Чини хөөт үйнриг теңгртк одд мет тооһарн олн болдгар Би кенәв. Теднд цуг эн һазрмудыг өгнәв. Чини хөөт үйнрәр дамҗад һазр деерк цуг улс әдс авцхах.

Эклц 27:29

Отгарн чамд заргдтха, Өмнчнь улс сөгдтхә. Төрл-саднаннь нойн бол, Чини экин көвүд чамаг күндлҗ йовтха. Чамаг харасн күн эврән харалла харһтха, Чамаг йөрәсн күн эврән йөрәл автха.

Эклц 28:14

Тедн һазрин элсн мет олн болх, дөрвн үзгт делгрҗ өргҗх. Һазр деерк цуг улс чамар болн чини хөөт үйнрәр дамҗҗ әдс авх.

Эклц 35:11

Бурхн терүнд бас иигҗ келнә: – Би Хамгин Күчтә Бурхмб. Чи өслттә, өнр-өргн бол, Чамас улс үүдх, Олн улс! Чамас олн хан үүдх!

Эклц 46:3

– Би Бурхмб, чини эцкин Бурхмб. Египет орхасн бичә ә. Тенд чини хөөт үйнрәс Би алдр улс үүдәнәв.

Йов 35:8

Чини му йовдл, Чини үннч бәәдл зуг әмтнд күрх.

Нүүдл 1:7

Израилин улс болхла олн үртә бәәсмн, эдн тооһарн олн болад, күчнь икдәд, цуг эн орн-нутгиг дүүргв.

Нүүдл 32:10

Тегәд бичә нанд харшл. Эврәннь цухлан эдн деер асхад, эдниг алнав. Чамас Би алдр әмт һарһнав!

Әмтнә то авлһн 14:12

Би теднд маальг гем өгәд алнав. Чамас Би шин әмт һарһнав. Тедн улм олн болн чаңһ-чиирг болх.

Әмтнә то авлһн 22:12

Бурхн Баламд иим хәрү өгнә: – Бичә теднлә йов. Чи тер әмтиг бичә хара, яһад гихлә тедн әдслгдсн әмтн.

Әмтнә то авлһн 23:20

Әдслтхә гиҗ намаг шүүҗ авла. Бурхн әдсллә. Нанд терүгинь эвдх арһ уга!

Риминхн 4:11

Абрахам хөөннь керчүлгдлә. Керчүлгдәд уга цагт иткләр дамҗад Абрахамиг Бурхн чик седклтәд тоолв гисн темдг эн керчлһн болв. Тегәд эс керчүлгдв чигн Бурхнд иткдг болн Бурхн чик седклтәд тоолсн цуг улсин эцк Абрахам болҗана.

Һалатьянхн 3:14

Учрнь иим: Абрахамд өгхәр бәәсн әдсиг Бурхн Христос Исусар дамҗад буру номта улст күргх. Бидн болхла Бурхна өгхәр бәәсн Әрүн Сәкүсиг иткләрн авнавидн.

Һалатьянхн 3:7

Иткҗәх улс цугтан Абрахамин үрдүд болсинь медҗ автн!

Давтх Закан 26:5

Чи Деед Эзнә, чини Бурхна, өмн зогсад кел: «Мини өвк тенәд йовдг арамей билә. Цөөкн улс дахад тер Египет орад, тенд нүүҗ ирсн күн болҗ бәәв. Терүнәс тенд алдр, чидлтә болн тооһарн олн улс үүдв.