Luke 10:7 - Хӑнты Перевод Библии

⁷ Щи хотән хӑщаты, щит ԓэваты па йиԋщаты, мўйән мӑԓайты, рупәтты хŏйат рупәттаԓ урәӈән мŏԓтыйән сŏхәптәԓа. И хот эԓты кимет хота аԓ йӑӈхаты.

Luke 10:7 Iomraidhean Croise

Luke 10:6

Щита йӑм нŏмәс нŏх катԓәпты хŏйат ки уԓ, нын йӑм нŏпсән ԓўвеԓа питәԓ, ӑнта ки – нынана йŏхлы йŏхәтәԓ.

Luke 9:4

мўйсыр хота ԓŏӈԓәты, щита хӑщаты, щиԓта йэԓԓы мӑнаты.

Acts 16:15

Хун пӑ ԓўв йиӈка ԓŏӈәԓтыса пӑ ԓўв йŏԓән уԓты мŏхиԓаԓ па, мўӈев ԓўв хŏщайәԓ вохсәԓы, пŏтәртман: «Нын мӑнэм Турәм Куща пеԓа тŏрԓы уԓты верэм йӑнайа ԓўӈәтсәԓԓән ки, ма хотэма ԓŏӈаты пӑ ма хŏщайэм уԓаты». Пӑ мўӈев эвԓәптәсԓы.

Acts 16:34

Щӑԓта, ԓынан йŏхи хотәԓа тўвмаԓ йўпийән, ԓэты пӑсана вохсәԓы пӑ хŏт тэԓәԓ пиԓән амтәс, Турма эвәԓмаԓ урәӈән.

Acts 16:40

Ԓын пӑ, касна хот эԓты ким этман йўпийән, Лидия хŏща йŏхәтсәӈән пӑ, хӑнам йохԓән шийаԓәман кемән, ԓывиԓаԓ утәԓтәсԓән, пӑ йэԓԓы мӑтсәӈән.