Lukas 9:3 - Abun Scripture

³ Yefun Yesus ki nai án do, ”Nin mu it yo, nin gwat suk nde. Nin gwat kwepu nde, nin gwat yu nde, nin gwat sugit nde, nin gwat sugum nde, nin gwat san sun dik yo o dom nde.

Lukas 9:3 Iomraidhean Croise

Markus 6:7

Yefun Yesus kendo bi pakon ge musyu dik sop we ne ma, ete An syogat An bi pakon gewe-gewe mubot nat ne. Yefun Yesus syo suktinggi nai pakon ne subere án nggiwa syun semda wé kadit ye gato semda ben ne.

Lukas 12:22

Orete Yefun Yesus ki nai An bi pakon o do, ”Sane, Ji ki sare do, sugit wa nin git ne, suk gato nin mitmo wa nin kem mo bur ré, nin nutbot teker eta nde. Sane dom, san wa nin it mo nin kaim, nin nutbot teker eta nde.

Lukas 12:28

Yefun Allah syo es u tepsu san wa es gato dakai kom ne. Es ne kom su kam ré, sarewo bere ik ete es ne te, orete yé syo bot git wé re. Yefun bi sukjimnut sye wai subot men yetu, sane bere An mewa nin su san gato ndo wai kadit ne o re. Sane nin onyar yo kem ri mo Yefun nde wa suma ne? Bere Yefun Allah syo suk gato nin mitmo ne.

Lukas 22:35

Orge Yefun Yesus ndo mo An bi pakon do, ”Tomga u, Ji syogat nin mu ne, Ji ki do, nin gwat sugum nde, nin gwat yu nde, nin gwat sepatu nde. Sugato nin mu ne te, nin yewa suk yo, bado?” Pakon bok ne ki do, ”Nde re.”

Lukas 3:11

Yohanes ki do, ”Ye gato bi san sun we mó yo, ye ne syo dik yo nai ye gato bi san sun yo mo nde. Sane dom, ye gato bi sugit mó yo, ye ne syo sugit nai ye gato bi sugit yo mo nde.”

Lukas 5:29

Orge Lewi kon pesta wa Yefun Yesus mo Lewi bi nu. Lewi kendo yé mwa gato nai sugum kadit nje wa pemerintah si ye yi yo o ma sisu Yefun Yesus si bi pakon git sugit sino mone.

Lukas 9:4

Nin mu ré, nin kom mo kota dik yo, ete nin mu sok mo ye yo bi nu mone yo, nin kem mo nu dik ne sor nin mu kadit kota ne.

2 Timotius 2:4

Yesukmise gato benbot án bi yekwesu bi sukdu it yo, án yo ben suk yi nde, wo án iwa án ben suk tepsu án bi yekwesu mit sor.