Lukas 9:2 - Abun Scripture

² Yefun Yesus syo suktinggi nai An bi pakon ne, orete Yefun Yesus syogat An bi pakon mu ki sukdu subot os ndo gato Yefun Allah fro wa men yetu subere Yefun Allah nai men gum sok mo An bi rus-i, ete An tepsu men bi Yekwesu mone. Yefun Yesus syogat An bi pakon mu ki sukdu ne sor nde, wo pakon ne mu ben ye gato i ne ge kadit án bi suki ne dom.

Lukas 9:2 Iomraidhean Croise

Matius 10:5

Yefun Yesus bi pakon ge musyu dik sop we ré, Yefun Yesus syogat mu ben suk, An ki nai pakon ne do, ”Nin mubot yewis yi neya bi bur-i nde. Nin mubot kota mo bur Samaria dom nde,

Matius 13:19

Mbet gro gato ges mo os mit ne anato tepsu ye gato jam sukdu subot os ndo gato Yefun Allah fro wa An tepsu men bi Yekwesu, sarewo án yo but nde, wo biris bi yekwesu ma ete nai sukdu ne wé kadit án mit or re.

Matius 24:14

Bere ye ki sukdu subot os ndo gato Yefun Allah fro wa men yetu subere Yefun Allah nai men gum sok mo An bi rus-i, ete An tepsu men bi Yekwesu mone. Sukdu gato ndo ne, bere yé ki frek subot yewis mwa mo bur ré or sino, eteyo bere bur ré kru it anane.”

Matius 3:2

An ki do, ”Yefun Allah ma jowa nin tepsu nin bi Yekwesu it anare! Sane nin kwet kadit sukibit gato nin ben ne, nin jammo Yefun Allah et.”

Markus 16:15

Orete Yefun Yesus ki nai An bi pakon do, ”Nin mu mo yewis mwa ne sino mo bur ré iwedewe. Nin mu ki sukdu subot os ndo gato Yefun Allah fro wa yetu subere yé ku os wa yé gum sok mo Yefun Allah bi rus-i.

Markus 6:12

Sane Yefun Yesus bi pakon mu, ete duno nje subere yé kwet kadit sukibit gato yé ben ne, ete yé brek ma jammo Yefun.

Lukas 10:1

Orete Yefun Yesus bes yetu ge musyu mufit o wa án mu ben Yefun bi suk-i. Yefun Yesus syogat pakon ne gewe-gewe mu nyim mo kota si nat mwa gato bere Yefun Yesus mu mone sino.

Lukas 10:11

’Nin bariwa wa men, sane bofuf kadit os ré gato út mo men gwes, bofuf ne men ndot ges wé kadit men gwes tak re, subere nin jam do, nin ben sukibit nai men re. Kapre nin ben sukibit nai men, nin jammo sukdu gato men ki ré et, Yefun Allah ma wa An jowa nin tepsu nin bi Yekwesu it anare!’

Lukas 10:9

Ye gato i mone, nin ben yé ne ge, ete nin ki nai nje mone do, ’Yefun Allah ma wa An jowa nin tepsu nin bi Yekwesu it anare!’

Lukas 16:16

”Kadit ketke sor kom mo kam gato Yohanes, gato ras nje mo syur ma ne, yé duno nje su Musa si yenabi bi sukduno-i. Wo kadit kam gato Yohanes ma ne, Ji si Ji bi pakon duno nje subot os ndo gato Yefun Allah fro wa Yefun nai nin yetu gum sok mo An bi rus-i, ete An tepsu nin bi Yekwesu mone. Yé mwa jam sukdu ne anato yé mwa wergat nggwa wa án sok mo Yefun Allah bi rus-i.

Lukas 9:11

Sarewo yé mwa mo kota bok neya jam do, Yefun Yesus si An bi pakon mu mo Betsaida sa, yé mwa ne boribot án dom. Yé mwa ne ma mone sa, Yefun Yesus kak An mit wa yé mwa ne, ete Yefun Yesus ki sukdu subot os ndo gato Yefun Allah fro wa nai men gum sok mo An bi rus-i subere An tepsu men bi Yekwesu. Yé bok ne gato i mone, Yefun Yesus ben yé bok ne ge dom.