Lukas 8:2 - Abun Scripture

² Nggon ge bok yo si Yefun Yesus mu sino dom. Nggon ge bok ne Yefun Yesus ben ge kadit bi suki, Yefun Yesus syun semda wé kadit re. Nggon ge bok ne, dik yo gum do Maria gato bi nat mo Magdala. Yefun Yesus syun semda ge mufit wé kadit Maria ne.

Lukas 8:2 Iomraidhean Croise

Matius 4:24

Yé ki sukdu subot Yefun frekbot bur Siria sino, sane yé gwat yé mwa gato i ne ma mo An. Yé gwat nje gato i su suki wisyo-wisyo e, nje gato kaim yó wai o re e, nje gato semda bok nggwa mó, nje gato semda ben e, nje gato út e ne, ete Yefun Yesus ben nje mwa ne sino ge re.

Markus 16:1

Kam Sabat ne or, Maria gato bi nat mo Magdala, si Maria gato Yakobus bi im ne, si Salome, nggon ka gri ne mu so manik gato grik ndo ne, subere án ka gri gwat mu wa án ka gri sye mo Yefun Yesus mukri mo makwe.

Markus 16:9

Kam Ari nyotkwo, Yefun Yesus sun kadit sukkwop sa, ketke Yefun Yesus kadum An nggwa nai Maria gato bi nat mo Magdala. (Maria ré, suga nyim Yefun Yesus syun semda ge mufit wé kadit mom.) Nggon ka gri ne mu ku Petrus si bi yesyim bok ne, orete an ka gri ki sukdu sap subot suk mwa gato pa yemsok ki nai án.

Lukas 23:27

Yé mwa yé re mu boribot Yefun Yesus. Nggon ge bok yo si nje mu boribot An dom. Nggon ne nderku nggwa, nggon ne wo wa Yefun Yesus.

Lukas 23:49

Yefun Yesus bi yesyim bok ne sino, si nggon ge bok gato simo Yefun Yesus kadit bur Galilea ne dom, án sino ti ko kadit, án ndarwa suk mwa gato bor mone.

Lukas 23:55

Nggon gato simo Yefun Yesus ma kom mo Yerusalem kadit bur Galilea, nggon ge bok ne sisu Yusuf gwat Yefun Yesus mukri mu grem mo jokwak mit. Nggon ne sokwa jokwak ne, ete nggon sokwa Yefun Yesus mukri gato yé grem mone dom.

Lukas 8:30

Orete Yefun Yesus ndo mo semda ne do, ”Nan gum sa u ne?” Semda ne ki do, ”Ji gum do Legiun,” we semda mwa bok nggwa mo ye ne it. {Legiun bi sukjimnut do yesukmise mwa yé re, ge ribu dik wai.}

Yohanes 19:25

Yefun Yesus bi im e, Yefun Yesus bi im dowok e, Maria gato Klopas bi nggon ne si Maria gato bi nat mo Magdala, án ge at ti karowa kwesukwin gato yé mban Yefun Yesus mone.

Suk Gato Yerasul Ben Ne 1:14

Án sino tepsu dik wa ki suk su Yefun petok sor. Nggon ge bok yo dom mone, sisu Maria gato Yefun Yesus bi im, sisu Yefun Yesus bi nji, án sino ki suk su Yefun petok sor.