Lukas 8:16 - Abun Scripture

¹⁶ ”Men ndum kak it yo, men grem suk yo wa nde, men grem mo bokor desnak nde, men grem mo kwatka desnak dom nde. Wo men grem sukru ne mo pe gato kok, subere ye gato sok mo nu mit yo, sukru rer ku án mone.

Lukas 8:16 Iomraidhean Croise

Lukas 11:33

”Men ndum kak it yo, men yo grem suk yo wa nde. Men gurik mo bokor desnak dom nde. Wo men grem sukru ne mo pe gato kok, subere sukru rer ku ye gato sok mo nu mit ne.

Lukas 8:15

Mbet gro gato ges mo bur ka gato ndo anato tepsu yé gato but sukdu ne, ete án jom pe mo án mit. Yé ne onyar kwo, án bi sukjimnut ndo. Án jamwa sukdu ne pe sane sor án ben suk gato ndo. Sane sukndo gato án ben ne tepsu mbet gro gato kom sane sor i-bo mwa wai o re.”

Suk Gato Yerasul Ben Ne 26:18

subere nan ki sukdu subot Ji kak án bi sukjimnut, subere án kwet kadit ndendu bi os-i ete brek ma simo os gato ndo ne sor. Ji syogat nan mu mo án, subere án misyar yerom e, aboksye e ne bi suktinggi-i ete brek ma jammo Yefun Allah bi suktinggi-i. Án onyar kem mo Ji, sane bere Yefun Allah ki do, sukibit gato án ben ne or kadit án, Yefun Allah yo nutbot o nde. Sane dom, án gum sok mo Yefun Allah bi rus-i.’ ”

Wahyu 1:20

Ji ki rer subot bí mufit gato nan me mo Ji syim ge ne si suk gato ka sa dem sor gato ye ben kadit emas wa ye dum sukru bo mufit ne. Suk we ne bi sukjimnut ne Yefun gurik kadit yetu, wo su ré Ji ki bi sukjimnut ne rer wa nan jam. Bí mufit bi sukjimnut do, malaikat ge mufit gato mewa yé gato onyar kem mo Yefun Yesus mo nu ari mo kota mufit ne {Efesus e, Smirna e, Pergamus e, Tiatira e, Sardis e, Filadelfia si Laodikia ne}. Or o, suk gato ka sa dem sor wa ye dum sukru mufit mone bi sukjimnut do, yé gato onyar kem mo Yefun Yesus mo nu ari mo kota mufit ne.”

Wahyu 11:4

Ye we ne gato kibot Yefun bi suktaru ne, an we tepsu kwe zaitun ke we yo. Ye we ne tepsu suk gato ka sa dem sor wa ye dum sukru mó dom. Ye we ne ti mo Yefun Allah gato jom bur ré iwedewe gwem.