Lukas 4:16 - Abun Scripture

¹⁶ Yefun Yesus mu mo An bi nat-i gato An sye mó, mo kota Nazaret. Kam Sabat, ye Yahudi bi kam sye ne, Yefun Yesus sok ari mo ye Yahudi bi nu ari sagana An ben ne. Mo nu ari mit ne, Yefun Yesus ti wa An baca Yefun Allah bi sukdu sa,

Lukas 4:16 Iomraidhean Croise

Matius 2:23

Yusuf si an bi rus kem mo kota gato gum do Nazaret. Sane sukdu gato yenabi ki subot Pa ne bor mone. Yenabi ki do, ”Bere ye kendo Pa ne do, An ye Nazaret.”

Lukas 2:39

Yusuf si Maria benbot suk mwa gato yé krom mo Yefun Allah bi sukdu mo Yerusalem ne, orete an we satu mu mo an we bi kota Nazaret mo bur Galilea.

Lukas 2:42

Sane, Yefun Yesus kaim sye tepsu kom mo tahun musyu dik sop we sa, An si An bi im si bi ai mu mo Yerusalem wa án sino konwa kam sye ne, sagana An bi yenggras we ben ne.

Lukas 2:51

Orge Yefun Yesus simo An bi im si an bi ai satu mu mo Nazaret, ete An jammo An bi im si an bi ai petok sor. An bi im napawa suk mwa gato Yefun Yesus ben ne pe.

Lukas 4:15

Yefun Yesus duno nje mo ye Yahudi bi nu ari mo bur Galilea ne, ete yé mwa ne sino un An mo suk gato An ben ne.

Lukas 4:17

yetu ge dik yo syo yenabi Yesaya bi buku nai Yefun Yesus wa An baca mone. Yefun Yesus kak buku ne sa, An ku sukdu gato Yesaya krom sare do,

Lukas 4:21

Yefun Yesus kem mone sa, An ki do, ”Yefun Allah bi sukdu gato Ji baca wa nin jam ne bor mo Ji sugato nin jam sukdu ne it.”

Lukas 4:23

Yé mwa yeket Yefun Yesus mone, sane Yefun Yesus ki nai yé mwa ne do, ”Ji jam do, bere nin ki sukamno dik yo nai Ji sare do, ’Yewon bam, nan dakai kwa nan dakai ge sor.’ Sane suk gato men jam ye nukbot mo Kapernaum ne gato ben yé yeket mone, Nan waii ben mo Nan bi nat-i more dom et.”

Yohanes 18:20

Yefun Yesus ki nai yekwesu ne do, ”Ji ki ji bi sukdu rer mo yé mwa gwem petok sor re. Sagana Ji duno nje mo ye Yahudi bi nu ari e, Ji duno nje mo Yefun Allah bi nu e, mo nat gato ye Yahudi sino sum mone, Ji duno nje mo bobor, Ji yo duno nje mo bobor fo mo nde.

Suk Gato Yerasul Ben Ne 17:2

Sane, kam Sabat, ye Yahudi bi kam sye, Paulus sok mo ye Yahudi bi nu ari ne sagana ne. Paulus kibot sukdu gato ye krom mo Yefun Allah bi sukdu ne subere kak nje mone bi sukjimnut. Paulus ben sane su kam Sabat, wam gri.