Lukas 23:6 - Abun Scripture

⁶ Pilatus jam yé ki do, Yefun Yesus duno nje mo Galilea sa, Pilatus ndo mo yé ne do, ”Ye ré te, ye Galilea, bado?”

Lukas 23:6 Iomraidhean Croise

Matius 26:69

Petrus kem mo yekwesu gato gum kok wai mo Yefun Allah bi nu ne bi nu de saresa, nggon kwerut dik yo ma ki nai an do, ”Nan dom simo Yesus, ye Galilea ne fe!”

Lukas 13:1

Sugane yé bok yo mone nuk sukdu subot ye Galilea ge bok yo gato gre suge mo bot wa un Yefun Allah. Ye Galilea gre suge saresa, Pilatus syogat yesukmise gu án bok ne wé.

Lukas 23:5

Sarewo yepasye gato gwat Yefun Yesus ma mone, án ndak Yefun Yesus gat sor, án ki o do, ”Ye ré duno men yé mwa mo bur Yudea sino su os ibit. Ye ré duno men subere men yo jammo men bi yekwesu mo bur ré nde. Su ketke Ye ré duno nje mo bur Galilea, orete An ma kom more, An duno men dom.”

Lukas 23:7

Pilatus jam do, Yefun Yesus ma kadit bur gato Herodes jowa ne sa, Pilatus syogat yé gwat Yefun mu mo Herodes. Sugane Herodes ma mo Yerusalem.

Suk Gato Yerasul Ben Ne 5:37

Ye gu Teudas kwop wé, or ye Galilea ge dik yo gato gum do Yudas waii bes nggwa tepsu yekwesu wa yé bok yo simo an. Tomgane ye Roma krom yetu mwa gum mo sensus {subere ye Roma nai pajak kadit nje.} Yudas ré tepsu yekwesu wa yetu ge bok yo gato werwa syun ye Roma wé kadit ye Yahudi bi bur-i, subere ye Yahudi dakai ti mo an dakai. Ye gu Yudas kwop wé dom, orge ye gato simo an satu mu mo bi nat-i o re, suk yo mo nde.