Lukas 23:5 - Abun Scripture

⁵ Sarewo yepasye gato gwat Yefun Yesus ma mone, án ndak Yefun Yesus gat sor, án ki o do, ”Ye ré duno men yé mwa mo bur Yudea sino su os ibit. Ye ré duno men subere men yo jammo men bi yekwesu mo bur ré nde. Su ketke Ye ré duno nje mo bur Galilea, orete An ma kom more, An duno men dom.”

Lukas 23:5 Iomraidhean Croise

Matius 11:1

Yefun Yesus ki sukdu bok ne nai bi pakon ge musyu dik sop we, orete An mu kadit nat ne, An mu duno nje ete gwat Yefun Allah bi suktaru ki nai nje gato kem mo kota bok neya mo bur Galilea karowa mone.

Matius 2:1

Yenggras Herodes gum yeraja mo bur Yudea sa, Maria kem su Yefun Yesus mo kota Betlehem mo bur Yudea ne. Maria kem su Pa, orete yepasye ge bok yo gato watbot bí ma kadit nobu nim ma mo kota Yerusalem.

Matius 27:24

Pilatus nutbot do, an yo ku os o nde, we bergan yé mwa mone maskwa ete saiye daret. Sane an nai syur, an mus an syim mo yé mwa ne gwem, ete an ki do, ”Nin dakai gu Ye ré kwop sor, ji yo sok mone nde.”

Matius 4:23

Yefun Yesus mubot bur Galilea. Yefun duno nje mo ye Yahudi bi nu ari mo kampung bok yo mone. Yefun Yesus ki sukdu subot os ndo gato Yefun Allah fro wa nai men yetu gum sok mo An bi rus-i, ete An tepsu men bi Yekwesu mone. Sane dom, Yefun Yesus ben nje gato i ne ge kadit suki wisyo-wisyo.

Markus 1:14

Yé grem Yohanes mo penjara or sa, Yefun Yesus mu mo bur Galilea wa An ki sukdu subot os ndo gato Yefun Allah tarubot An.

Lukas 11:53

Yefun Yesus do mu kadit pe ne sa, yeguru agama si ye Farisi kabor Yefun Yesus gat. Yé ne iswen sukdu gato Yefun Yesus ki ne. Yé ne duwer Yefun Yesus gat, án ndogat Yefun Yesus subot suk mwa,

Lukas 23:23

Sarewo yé mwa ne bariwa jammo Pilatus bi sukdu-i ne. Yé mwa ne saiye nggi wai o re. Án saiye gat do, ”Nan mban Ye ne mo kwesukwin sor dei!” Yé mwa saiye gat sane sor, Pilatus jammo sukdu gato yé mwa ki ne.

Lukas 23:6

Pilatus jam yé ki do, Yefun Yesus duno nje mo Galilea sa, Pilatus ndo mo yé ne do, ”Ye ré te, ye Galilea, bado?”

Yohanes 1:43

Bi ik, ete Yefun Yesus bi sukjimnut do, An mu mo bur Galilea. Yefun Yesus yo mu nde tó, An ku Filipus ete Yefun Yesus ki nai Filipus do, ”Nan simo Ji et!”

Yohanes 19:15

Wo án saiye do, ”Nan gu An kwop wé se! Nan gu An kwop wé se! Nan mban An mo kwesukwin tom!” Pilatus ndo mo án do, ”Nin iwa ji mban nin bi yeraja mo kwesukwin sor re bado?” Yekwesú mo Yefun Allah bi nu ge bok yo ki nai an do, ”Kaisar sor anato tepsu men bi yeraja.”

Yohanes 2:11

Yefun Yesus ben syur tepsu nau anggur rom ne mo kota Kana mo bur Galilea. Yefun Yesus ben suk doketke gato ben yetu yeket mone. Yefun Yesus kadum An bi Ai bi suktinggi bor wa yetu jam mone. Sane anato An bi pakon onyar kem mo An.

Yohanes 7:41

Ye deyo o ki do, ”Ye gare anato Kristus gato Yefun Allah syogat ma wa nai men yetu kadit sukye ete jowa men.” Sarewo ye deyo o ki do, ”Nde ré, Kristus anare nde. Yekwesu gato Yefun Allah syogat ma wa jowa men yo ma kadit bur Galilea nde.

Yohanes 7:52

Ye Farisi ki nai Nikodemus do, ”Sane nan dom si ye Galilea sino onyar kem mo Ye ne bado? Nan watbot Yefun Allah bi sukdu sisu ndo et! Bere nan jam mone do, yenabi yo ma kadit bur Galilea nde.” [

Suk Gato Yerasul Ben Ne 10:37

Sane dom, nin jam suk mwa gato Yefun Yesus ben mo bur Yudea. Ketke mo bur Galilea, Yohanes ki bi sukdu-i subot an ras nje mo syur, orete Yefun Yesus ben bi suk mwa ne kas.

Suk Gato Yerasul Ben Ne 23:10

Ye duwer yu nggi, nggi, nggi sor, yesukmise bi padosye nyuwa, sawe bere ye gwa Paulus kete mone or re. Sane padosye ne syogat yesukmise mu nai Paulus wé kadit yepasye ne, ete gwat an mu mo yesukmise bi nu-i.

Suk Gato Yerasul Ben Ne 5:33

Yepasye mwa ne jam Petrus bi sukdu-i sa, án on sa ndo nde. Sane án iwa gu yerasul bok ne kwop wé,

Suk Gato Yerasul Ben Ne 7:54

Yepasye mwa gato sum mone jam suk gato Stefanus ki ne, orge án maskwa, án on sa ket Stefanus ndo nde.

Suk Gato Yerasul Ben Ne 7:57

Yepasye mwa ne bariwa suk gato Stefanus ki ne, sane án rem án syim kewa án dabe. Án syim kewa án dabe saresa, án saiye, án bapu daret subere án jam sukdu gato Stefanus ki ne o nde, ete án kas mu but Stefanus,