Lukas 23:2 - Abun Scripture

² Yepasye ne gwat Yefun Yesus mu kom mo Pilatus sa, án ndak Yefun Yesus, án ki do, ”Ye ré ben kidar men bi nje. An ben kidar men anato men simo os ibit, ete men yo jammo men bi yekwesu mo bur ré o nde. Ye gato iwa bi sugum pajak nai nin ye Roma bi yekwesu, Kaisar ne, An duwer yé ne. Ye ré ki do, An anato Kristus, Yekwesu gato Yefun Allah syogat ma wa jowa men ye Yahudi, tepsu men ye Yahudi bi Yekwesu.”

Lukas 23:2 Iomraidhean Croise

Matius 17:27

Wo kapre men yé gato Yefun bi nje-i yo bi nde, sa ndo sa, men bi pajak ne sor, subere án yo maskwa men daret nde. Sane nan mu paper em et. Nan do tik boge dofutmo, ete nan kak boge ne syokwet yo, bere nan ku sugum det dik yo mone. Sugum ne bere tep wa Ji si nan bi pajak ne sino, sane nan gwat sugum ne, ete nan biwa men ka we bi pajak et.”

Matius 22:21

Yé ki do, ”Yé krom Kaisar kaim mone si yé krom Kaisar gum mone.” Sane Yefun Yesus ki nai án do, ”Sane, Kaisar bi suk-i yo, men syo nai Kaisar, wo Yefun Allah bi suk-i yo, men syo nai Yefun sor.”

Matius 27:11

Yé gwat Yefun Yesus mu ku Pilatus gato gum yekwesu mo pe ne sa, Pilatus ndo mo Yefun Yesus do, ”Nan anato ye Yahudi bi Yekwesu bado?” Yefun Yesus ki do, ”Suk gato nan ki ne sangge.”

Markus 12:17

Sane Yefun Yesus ki nai án do, ”Sane, Kaisar bi suk-i yo, men syo nai Kaisar, wo Yefun Allah bi suk-i yo, men syo nai Yefun sor.” Yé jam suk gato Yefun Yesus ki ne sa, yé yeket sukdu ne.

Markus 15:2

Pilatus ndo mo Yefun Yesus do, ”Nan anato ye Yahudi bi Yekwesu, bado?” Yefun Yesus ki do, ”Suk gato nan ki ne sangge.”

Lukas 23:14

Yé mwa ne ma sum mo Pilatus gwem sa, Pilatus ki nai yé mwa ne do, ”Nin gwat Ye ré ma mo ji wa ji ndobot An. Nin ndak An do, ’Ye ré ben kidar men bi nje subere án syun yekwesu mo bur ré wé.’ Sane Ji ndobot An mo nin gwem it, ete ji ki do, An yo ben sukibit gato nin ki ne nde.

Lukas 23:5

Sarewo yepasye gato gwat Yefun Yesus ma mone, án ndak Yefun Yesus gat sor, án ki o do, ”Ye ré duno men yé mwa mo bur Yudea sino su os ibit. Ye ré duno men subere men yo jammo men bi yekwesu mo bur ré nde. Su ketke Ye ré duno nje mo bur Galilea, orete An ma kom more, An duno men dom.”

Yohanes 18:29

Sane gubernur Pilatus, an syesyar mo nden. An ndo mo ye Yahudi do, ”Nin ndak Ye ré su suk sato suma ne?”

Yohanes 18:30

Ye Yahudi ki nai Pilatus do, ”Ye ré ben sukibit, ondesor sa, men yo gwat An ma mo nan nde.”

Yohanes 19:12

Pilatus jam sukdu ne sa, an meret os wa an sombok Yefun Yesus wé. Sarewo ye Yahudi saiye gat do, ”Nan sombok Ye ne wé yo, nan tepsu Kaisar bi yesyim nde. Ye gato ki mo yé mwa gwem do, an yeraja, ye ne yo jammo Kaisar o nde, ye ne tepsu yeko wa Kaisar go!”

Suk Gato Yerasul Ben Ne 24:13

Án ndak ji daret ko ré go! Suk gato án ki ne yo sangge mo nde, án bi sukdu i-ke yo mo nde.

Suk Gato Yerasul Ben Ne 24:5

Men me do, ye gare ben sukibit. An krokgat ye Yahudi, an ben ye Yahudi maskwa yu e, an ben ye Yahudi saiye daret e ne mo bur ré iwedewe. An yekwesu, an gwat ye Nazaret bi sukdu-i ki frekbot buryo-buryo.

Roma 13:7

Sane sugum pajak gato yekwesu mo bur ré syogat men bi ne, men bi sor. Men bi yekwesu syogat men bi sugum wa sukyo-sukyo it yo, men bi sor. Men un men bi yekwesu sino ete bes an gum kok mo sukndo gato an ben tepsu Yefun Allah bi pakwerut ne.