Lukas 21:12 - Abun Scripture

¹² Sane suk mwa gane yo bor nde tó, bere yé but nin, bere yé ben sukye nai nin. Yé gwat nin deyo mu mo ye Yahudi bi nu ari dom, ete yé ndobot nin mone. Yé gwat nin deyo sok mo sel dom. Bere yé but nin, we nin onyar kem mo Ji, ete nin ben Ji bi suk-i. Bere yé gwat nin mu mo yepasye gato jowa bur ré, bere nin ti mo yeraja si gubernur gwem.

Lukas 21:12 Iomraidhean Croise

Matius 22:6

Deyo o but pakwerut ne ete kwam pa ne, ete gu pa bok ne kwop or re.

Matius 24:8

Nin me suk bok gane bor it yo, karowa bur ré kru it anane, tepsu nggon gato nukwe i su pa, bere nggon ne kem su bi pa.

Lukas 21:11

Bere sui sye juwai bur ré ram mo peyo-peyo. Bere sukonde sye bor mo peyo-peyo dom. Bere suki ben yé mwa ne i. Bere suk bok yo gato kadum Yefun bi suktinggi bor mo gu nim ben nje mo bur ré nyu ndo nde.

Yohanes 15:20

Nin napawa Ji bi sukdu-i gato Ji ki nai nin ne do, ’Pakwerut yo sye wai kadit bi yenggras gato kon an nde.’ Ye deyo ben sukye nai Ji it yo, bere yé ne ben sukye nai nin dom. Ye deyo benbot Ji bi sukduno-i yo, bere ye ne benbot nin bi sukduno-i dom.

Yohanes 15:21

Bere yé ben sukye nai nin mo gato nin sok mo Ji bi rus-i, we yé ne jam nde Yefun gato syogat Ji ma mo bur ré.

Suk Gato Yerasul Ben Ne 22:30

Yesukmise bi padosye ne iwa jam suk gato ben ye Yahudi mwa ne maskwa ket Paulus. Padosye ne iwa jam rer kom mo mit. Sane bi ik, ete padosye ne kendo ye Yahudi bi yepasye si yekwesú gato sum sino wa kibot sukdu, subere yepasye mwa ne sum sino. Orge an sombok rantai wé kadit Paulus. An gwat Paulus mu ti mo ye Yahudi bi yepasye mwa ne gwem.

Suk Gato Yerasul Ben Ne 5:40

Sane yé kendo yerasul bok ne ma o, yé kwam án su bus, yé syaugat án ki subot Yefun Yesus gum o nde, orete yé sombok án wé.

Suk Gato Yerasul Ben Ne 8:3

Saulus werwa ben sukye nai ye gato sok mo Yefun Yesus bi rus-i. Saulus mubot nu, an do ku ye gato onyar kem mo Yefun Yesus it yo, an ben sukye nai yebris si nggon ne sino, an gwat mu sok mo penjara.

Suk Gato Yerasul Ben Ne 9:4

Saulus ges gwa mo bur. An jam yetu ge dik yo ki sare do, ”Saulus, Saulus, nan ben sukye nai Ji wa suma ne?”

1 Petrus 2:13

Nin jammo yesu mwa neya mo bur ré et, subere án un Kristus gum mo suk gato nin ben ne. Nin jammo pemerintah bi yekwesu gato gum kok wai kadit yesu yi neya dom et.

Wahyu 2:10

Bere nin ku sukye, wo nin nyuwa nde. Ji ki sare do, bere biris bi yekwesu ben yetu ge bok yo but nin ge bok yo, ete sok nin mo sel. Sane bere biris bi yekwesu gato ben sukibit ne werwa gwat os wa nin subere nin misyar Yefun mone. Mo sel mit ne bere nin ku sukye sor kom mo kam musyu dik rek. Kapre karowa nin kwop rok mone, nin onyar kem mo Ji, nin ben Ji bi suk-i sane sor kom mo pe gato or mó yo, bere Ji bi os wa nin kem ndo to kapyo mato kapyo, tepsu ye gato nggi wai ku hadiah mo koirut.