Lukas 2:7 - Abun Scripture

⁷ Orete Maria kem su Pa yebris, Maria bi Pa dofutmo. Maria nggwot Pa ne su san det, orete mom grem Pa ne sem mo suk gato ka sa ndurbe, gato sagana yé grem suksi bi sugit mó. Maria si Yusuf sem mo suksi bi dur, we nu mwa ne sino mo Betlehem buk wa an we re, nu yo wa yekam gato ma ne sem mo nde, nu mwa ne ses sino.

Lukas 2:7 Iomraidhean Croise

Matius 1:25

An we kra pe, sarewo Maria kem su pa nde tó, Yusuf si Maria yo sem su yu nde tó. Maria kem su Pa ne, orete Yusuf kendo Pa ne gum do Yesus.

Matius 13:55

Ye ré anato bi ai ye gato jam ben suk su kwe sato meja e, kursi e ne bado? An bi im gum do Maria, bado? An bi nji gum do Yakobus e, Yusuf e, Simon si Yudas bado?

Matius 8:20

Yefun Yesus ki do, ”Ndar krok sa, bi jokwak wa kem mó, ndam sa, bi bat wa kem mó, wo Yetu bi Pa to Ji ré yo ku nat wa Ji kem not yo mo nde.”

Lukas 10:34

Sane, ye Samaria ma karowa ye ne. Ye Samaria syé manik si nau anggur mo ye ne wip, ete an far san det bot wip ne. Orete ye Samaria bes ye ne mo an bi keledai yu, an gwat mu mo nu pos. Ye Samaria mewa ye ne mo nu ne.

Lukas 2:6

An we mu kom mo Betlehem sa, Maria nukwe i.

Lukas 2:8

Mo Betlehem ne, ye gato mewa domba, án mewa domba mo nden karowa Betlehem. Sane noru ne sa, án sem mo nden mewa án bi domba kadit suge krok e ne.

Yohanes 1:14

Sukdu ne ma mo bur ré ka tepsu yetu re. An ma si men kem mo bur ré sino. An ben sukndo mwa yé su men dakai yi. An kadum Yefun Allah wa men jam sisu sangge. Men dakai me su men gro do, An gum kok sye wai o re. Yefun Allah anato An bi Ai, Yefun Allah bi Gan ge dik ne sor re, anato Yefun Allah bes An gum kok sye wai. {An anato Yefun Yesus.}

2 Korintus 8:9

Men jam do men bi Yekwesu Yesus Kristus ben An bi suk-i ne ndo dakai yi su men, men yo ben suk yo nyim wa An nde. An tepsu yepasye gato bi suk mwa. An da bi suk mwa, sarewo An ma mo bur ré sa, An bi sukjimnut sye kas subot men yetu anato An ben An nggwa tepsu ye gato yewa suk, subere An kak os ndo wa men, subere ri ma, men ku os wa men ku suk mwa mo Yefun Allah bi de-i o re.

Galatia 4:4

Sarewo tepsu kam gato Yefun Allah fro ne, Yefun Allah syo An bi Gan ma mo bur ré. Nggon dik yo kem su An. An kem mo bur ré, An jammo ye Yahudi bi sukduno.