Lukas 2:51 - Abun Scripture

⁵¹ Orge Yefun Yesus simo An bi im si an bi ai satu mu mo Nazaret, ete An jammo An bi im si an bi ai petok sor. An bi im napawa suk mwa gato Yefun Yesus ben ne pe.

Lukas 2:51 Iomraidhean Croise

Matius 12:46

Yefun Yesus si nje mone nuk sukdu saresa, Yefun Yesus bi im si bi nji ne ma. Yefun bi im si bi nji ti mo nu de nden, án iwa nuk sukdu su Yefun Yesus.

Matius 3:15

Sarewo Yefun Yesus ki do, ”Nan ras Ji sor. Nan ras Ji, we Yefun Allah mit iwa nan ben sane.” Sane Yohanes ras Yefun Yesus mo syur.

Markus 1:9

Yohanes ras nje mo Syur Yordan sa, sugane Yefun Yesus ma kadit kota Nazaret gato mo bur Galilea. Yefun Yesus ma mone, ete Yohanes ras Yefun Yesus mo Syur Yordan.

Markus 6:3

Ye ré, An ye gato jam ben suk su kwe sato meja e, kursi e ne. An jam sukduno mwa ne sa u ne? Ye ré, An Maria bi gan, fe! An bi nji anato Yakobus e, Yoses e, Yudas si Simon fe! Anga bi nyanggon ge bok ne si men kem more sino fe! Ye ré, An nut do An bes An nggwa tepsu yepasye ete An ma more, ete An duno men bado?” Sane yé mwa mone bariket Yefun Yesus re.

Lukas 18:37

Yé ki nai an do, ”Yesus, ye Nazaret, wai ket os tore.”

Lukas 2:19

Sarewo Maria napawa sukdu ne pe, mom jimnutbot suk mwa ne pe sor.

Lukas 2:39

Yusuf si Maria benbot suk mwa gato yé krom mo Yefun Allah bi sukdu mo Yerusalem ne, orete an we satu mu mo an we bi kota Nazaret mo bur Galilea.

Lukas 4:16

Yefun Yesus mu mo An bi nat-i gato An sye mó, mo kota Nazaret. Kam Sabat, ye Yahudi bi kam sye ne, Yefun Yesus sok ari mo ye Yahudi bi nu ari sagana An ben ne. Mo nu ari mit ne, Yefun Yesus ti wa An baca Yefun Allah bi sukdu sa,

Lukas 4:23

Yé mwa yeket Yefun Yesus mone, sane Yefun Yesus ki nai yé mwa ne do, ”Ji jam do, bere nin ki sukamno dik yo nai Ji sare do, ’Yewon bam, nan dakai kwa nan dakai ge sor.’ Sane suk gato men jam ye nukbot mo Kapernaum ne gato ben yé yeket mone, Nan waii ben mo Nan bi nat-i more dom et.”

Efesus 5:21

Nin jammo Kristus, sane yo nin waii jammo yu dom et.

1 Petrus 2:21

Yefun Allah fro nin wa nin ku sukye, we Yesus Kristus dakai ku sukye wa nin mó re. Mone An kadum os wa nin, subere nin waii ben nin bi suk-i tepsu An ben ne. An da ku sukye, sarewo