Lukas 2:10 - Abun Scripture

¹⁰ Sane, malaikat ne ki nai án do, ”Nin nyu nde. Ji ma wa ji frot Yefun Allah bi suktaru nai nin. Suktaru ré ndo wai o re, bere nin si yé mwa ne sino mit at wa sukdu ré.

Lukas 2:10 Iomraidhean Croise

Matius 14:27

Wo sugane Yefun Yesus ki nai án do, ”Nin nyu nde. Ji ré anato Yesus. Nin nokwa Ji nde.”

Matius 28:18

Orete Yefun Yesus ma karowa pakon ne, ete An ki do, ”Yefun Allah bes ji gum tepsu Yekwesu mo gu nim si bur ré sino.

Matius 28:5

Malaikat ne ki nai nggon we ne do, ”Nin nyu nde. Ji jam do, nin meret Yefun Yesus gato ye mban mo kwesukwin ne, sarewo

Markus 1:15

Yefun Yesus ki nai nje mone do, ”Yefun Allah ma jowa nin tepsu nin bi Yekwesu it anare! Sane nin kwet kadit sukibit gato nin ben ne, ete nin onyar kem mo sukdu subot os ndo gato Yefun Allah fro wa nin ne et.”

Markus 16:15

Orete Yefun Yesus ki nai An bi pakon do, ”Nin mu mo yewis mwa ne sino mo bur ré iwedewe. Nin mu ki sukdu subot os ndo gato Yefun Allah fro wa yetu subere yé ku os wa yé gum sok mo Yefun Allah bi rus-i.

Lukas 1:13

Sarewo malaikat ki nai Zakaria do, ”Zakaria, nan nyu nde. Suk gato nan ndek mo Yefun Allah ne, Yefun Allah jam re. Bere nan bi nggon Elisabet ku pa yebris dik yo mone tó. Bere nan kendo pa ne gum do Yohanes.

Lukas 1:19

Malaikat ne ki nai Zakaria do, ”Ji gum do Gabriel, ji kem mo Yefun Allah gwem. Yefun Allah anato syogat ji gwat suktaru gato ndo ne wa nan.

Lukas 1:30

Malaikat ne ki do, ”Maria, nan nyu nde, we Yefun Allah dakai jimnotku nan.

Lukas 2:11

Su kam ré, mo Daud bi nat-i ne, nggon dik yo kem su Pa gato bere ós men. Pa ne anato Yekwesu gato Yefun Allah syogat ma mo bur ré wa nai men yetu kadit sukye ete jowa men. Yefun Allah bes Pa ne gum Kristus.

Lukas 24:47

Bere yé mu kibot suk gato Kristus ben ne nai yewis mwa mo bur ré sino jam. Bere yé ki do, ’Nin onyar kem mo Yekwesu gato Yefun Allah syogat ma mo bur ré et! Nin onyar kem mo An eteyo, nin kwet kadit sukibit gato nin ben ne, ete nin jammo An yo, bere Yefun Allah yo maskwa nin mo sukibit mwa gato nin ben ne o nde, tepsu An tot sukibit ne wé kadit nin re.’ Bere yé ki sukdu ne frekbot bur ré iwedewe, yé ki nai nje mo kota Yerusalem jam nyim, orete yé ki nai yewis mwa ne mo bur ré or sino jam re.

Lukas 8:1

Orge Yefun Yesus mu kadit pe ne sa, Yefun Yesus mubot kampung si kota bok yo mone, Yefun Yesus ki sukdu subot os ndo gato Yefun Allah fro wa nai men yetu gum sok mo An bi rus-i, ete An tepsu men bi Yekwesu mone. Yefun Yesus mu saresa, An bi pakon ge musyu dik sop we si An mu sino.

Suk Gato Yerasul Ben Ne 13:32

Sane, ré ne, men ki sukdu subot os ndo gato Yesus Kristus kak wa men subere nin jam, sare do: suk gato Yefun Allah tom su men bi amui,

Roma 10:15

Ye syogat nje mu ki sukdu ne nde tó, bere ye ki sukdu subot Kristus nai nje jam sa u ne? An jam sukdu mo nde. Ye krom mo Yefun Allah bi sukdu subot ye gato gwat sukdu ne do, ”Yé mit iwa ye gato ma ki sukdu subot os ndo gato Yefun Allah fro ne ma ku án et.”

Efesus 3:8

Kadit yé mwa gato sok mo Yefun Allah bi rus-i ne sino, ji ré anato gum wok teker mu bur, sarewo Yefun Allah dakai bes ji wa ji mu ki sukdu subot os ndo ne. Ji mu frot sukdu subot Kristus gato ndo wai o re nai yewis yi jam.

Kolose 1:23

Nin onyar kem mo sukdu subot os ndo ne tepsu jam biro kom mo kwe guk ne yo, bere Yefun Allah nai nin gum sok mo An bi rus-i. Nin brek kadit os ndo ne nde, wo nin jom sukdu ne krat yo, bere nin si Yefun Allah kem ndo mo An bi nat-i. Sukdu ne anato sukdu gato yé ki nai nin jam re. Sukdu ne, yé mu ki frekbot bur ré iwedewe re. Ji gato gum do Paulus ré anato tepsu pakwerut wa ji mu kibot sukdu ne.