Lukas 2:1 - Abun Scripture

¹ Elisabet kem su mom bi pa Yohanes or, sugane Kaisar Agustus gum yekwesu wa ye Roma bi bur-i {Kaisar jom ye Yahudi bi bur-i dom}. Sane Kaisar syaugat yé mubot ye Roma bi bur-i subere yé krom yé mwa gato kem mone sino gum o re.

Lukas 2:1 Iomraidhean Croise

Matius 22:17

Sane, men iwa men jam Nan bi sukjimnut subot sukdu ré et, sare do, pemerintah bi yekwesu gato gum do Kaisar syogat men bi sugum pajak nai an, sane men ye Yahudi bi sukduno-i ki suma ne? Men bi sugum pajak anato ndo tepsu sukduno ne bado, siri kadit e?”

Matius 24:14

Bere ye ki sukdu subot os ndo gato Yefun Allah fro wa men yetu subere Yefun Allah nai men gum sok mo An bi rus-i, ete An tepsu men bi Yekwesu mone. Sukdu gato ndo ne, bere yé ki frek subot yewis mwa mo bur ré or sino, eteyo bere bur ré kru it anane.”

Markus 14:9

Suk gato Ji ki ré suksangge anare, bere yé mu mo pe mwa ne sino mo bur ré, yé ki sukdu subot os ndo gato Yefun Allah fro wa yetu ne yo, bere yé ki subot suk gato nggon ré ben ne dom. Bere yé napawa suk gato nggon ré ben ne.”

Markus 16:15

Orete Yefun Yesus ki nai An bi pakon do, ”Nin mu mo yewis mwa ne sino mo bur ré iwedewe. Nin mu ki sukdu subot os ndo gato Yefun Allah fro wa yetu subere yé ku os wa yé gum sok mo Yefun Allah bi rus-i.

Lukas 2:3

Sane yetu bok ne sino kadik-kadik mu mo nat gato án bi amui ontu mó. Yé mu mone wa yé krom án gum mo pemerintah bi buku ne, tepsu Kaisar syogat án ben ne.

Lukas 2:5

Yusuf si Maria mu mo Betlehem sino. Maria gato Yusuf nggorwa ne, Maria syimfar re. An we mu mo Betlehem subere an we krom an we gum mone.

Lukas 3:1

{Yohanes gato Zakaria bi pa ne, an kem mo pe gato kwe yo kom mo nde mo bur Yudea.} Sugane ye Roma jom ye Yahudi bi bur. Sane, ye Roma bi yekwesu Kaisar Tiberius jowa ye mone sa, an bes Pontius Pilatus gum gubernur mo bur Yudea. Kaisar bes Herodes jowa nje mo bur Galilea dom. Herodes bi nji, Filipus jowa nje mo bur Iterea si Trakhonitis. Lisanias jowa nje mo bur Abilene. Kaisar jom nje mo ye Yahudi bi bur mu kom mo tahun musyu dik sop mek sa,

Suk Gato Yerasul Ben Ne 11:28

Yenabi ge dik yo gum do, Agabus. An ti mo yé mwa gwem, Yefun Allah Gen bok nggwa mo an, ete an ki do, ”Kapyo tak, bere sukonde sye ma mo bur gato ye Roma jowa ré sino.” (Ri ma, sangge, sukonde ne bor sugato Kladius jowa ye Roma.)

Suk Gato Yerasul Ben Ne 25:11

Ji do ben suk yo siri kadit ye Roma bi sukduno-i tepsu ye gu ji kwop mone it yo, ji simo sor. Sarewo suk gato ye Yahudi ki ré yo sangge nde yo, ye yo nggiwa syo ji mo án syim-i nde. Ji kiwa Kaisar dakai kibot ji bi sukdu ré sor.”

Suk Gato Yerasul Ben Ne 25:21

Sarewo Paulus bariwa re, wo an kiwa Kaisar dakai kibot sukdu ne sor. Sane ji syogat ye mewa an mo penjara more, sane sor men ku os wa men top an mu ku Kaisar mo kota Roma.”

Roma 1:8

Ji ki suk su Yefun Allah sa, ketke, ji ki suk nai Yesus Kristus tepsu yemiten, subere Kristus waii ki ndo mo Yefun Allah, ji bi yenggras gato jom ji ne. Ji ki ndo mo Yefun Allah, we yé ki sukdu subot nin onyar kem mo Kristus ne frekbot yetu mo bur ré iwedewe jam o re.

Filipi 4:22

Ye gato onyar kem mo Yesus Kristus gato kem mo kota ré, án sino ki ndo mo nin. Yé gato ben suk mo Kaisar bi nu more, án ki ndo mo nin dom.