Lukas 19:6 - Abun Scripture

⁶ Sane Zakheus is it anane, an mit iwa Yefun Yesus ma sem mo an bi nu-i.

Lukas 19:6 Iomraidhean Croise

Lukas 19:5

Yefun Yesus kom mo kwe ne sa, Yefun Yesus sok mu nim, An ki do, ”Zakheus, nan is ma kekro et! Bere kam ré yo, Ji mu sem mo nan bi nu-i.”

Lukas 19:7

Yé mwa gato mone me Yefun Yesus mu sem mo Zakheus bi nu sa, án maskwa, án ki nai yu do, ”Mban! Yefun Yesus mu sem mo ye gato ben sukibit mwa ré bi nu-i anare go!”

Lukas 2:16

Sane yé bok gato mewa domba ne mu kamas mo Betlehem. Yé bok ne mu kom mone sa, án ku Maria si Yusuf, án me pabom mone dom. Pabom ne sem mo suk gato ka sa ndurbe.

Lukas 5:29

Orge Lewi kon pesta wa Yefun Yesus mo Lewi bi nu. Lewi kendo yé mwa gato nai sugum kadit nje wa pemerintah si ye yi yo o ma sisu Yefun Yesus si bi pakon git sugit sino mone.

Suk Gato Yerasul Ben Ne 16:15

Sane Lidia ndekwa ye ras mom si mom bi rus-i ne sino mo syur, orge mom kendo men ma kem mo mom bi nu, mom ki do, ”Nin nut do ji onyar kem mo Yefun Yesus sisu sangge it yo, nin ma nin sem mo ji bi nu sor.” Lidia ki bi sukdu-i ne nai men sane sor, kom mo rut sa, men simo mom, men sem mo mom bi nu-i.

Suk Gato Yerasul Ben Ne 16:34

Yekwesu mo penjara ne gwat an we mu mo an bi nu, ete syo sugit nai an we git. Yekwesu ne mit iwa, we an si an bi rus-i sino nai sukjimnut dik do, an jammo Yefun Yesus tepsu an bi Yekwesu, an onyar kem mo os be gato Yefun Allah fro ne it.

Suk Gato Yerasul Ben Ne 2:41

Ye gato onyar kem mo sukdu gato Petrus ki ne, ye ras án mo syur re. Sane su kam gane, karowa yetu ge ribu gri sok mo Yesus Kristus bi yetugei tó ye gato nyim ne.