Lukas 19:44 - Abun Scripture

⁴⁴ Bere yeko gu nin kwop or sino, ete yeko ne ma ben suk mwa mo kota mit ne ibit sino. Jok mwa gato yé nggo nu su ré, bere yé ma krut jok mwa ne or re, dik yo ut mo dik yo o nde. Nin jam nde Yefun Allah syogat Ji ma wa nai nin kadit sukye ne. Nin bariwa, sane bere nin ku sukye re.”

Lukas 19:44 Iomraidhean Croise

Matius 24:2

Yefun Yesus ki do, ”Nin dom sokbot nu ne et. Suk gato Ji ki ré suksangge anare, ri ma jok mwa gato yé nggo nu su ne, bere yé ma krut jok mwa ne or re, dik yo ut mo dik yo o nde.”

Markus 13:2

Yefun Yesus ki nai an do, ”Nan dom sokbot nu gato sye wai ne et. Yefun Allah bi nu ne ndo wai, sarewo kapyo tak nu ne ibit or re. Ri ma jok mwa gato yé nggo nu su ne, bere yé ma krut jok mwa ne or re, dik yo ut mo dik yo o nde.”

Lukas 1:68

”Men un Yefun Allah, men bi Yekwesu, An anato jom men ye Israel. An ma ós men, An bi rus-i. An tot suktot mo sukibit gato men ben ne wé.

Lukas 1:78

Yefun Allah gato jom men ne, An dakai jimnotku men ndo nde anato An fro os ndo wa men. An syogat Yetu ge dik yo is kadit gu ma mo bur ré. Yefun Allah syogat Ye ne ma ós ete jowa men tepsu Yefun Allah syogat kam it, ete kam gat men.

Lukas 19:42

Yefun Yesus wo, An ki do, ”Kamapa! Su kam ré nin yé gato kem mo Yerusalem jam nde os gato bere Ji kak subere nin kem not, subere nin si Yefun Allah kem ndo su yu. Nin jam os ne sa, bere nin yo ku sukye nde. Sarewo nin bi sukjimnut yo kak wa nin jam kom mone nde, nin bariwa os ndo gato Yefun Allah fro wa nin re.

Lukas 21:6

”Suk mwa gato nin me more, kam sari ne ma ibit sino. Jok mwa gato yé nggo nu su ne, bere yé ma krut jok mwa ne or re, dik yo ut mo dik yo o nde.”

1 Petrus 2:12

Nin si yé gato jam nde Yefun Allah kem mo bur ré yo, nin werwa nin ben nin bi suk-i ne ndo wai, subere kapre án iwa ki nin gum ibit yo, án yo ku os wa án ki nin gum ibit mó nde, wo án me do, nin sa, ben sukndo. Sane bere su kam gato Yefun ma wa ndobot men yetu mo bur ré, bere án bes Yefun Allah gum kok sye wai mo sukndo gato nin ben ne.