Lukas 19:42 - Abun Scripture

⁴² Yefun Yesus wo, An ki do, ”Kamapa! Su kam ré nin yé gato kem mo Yerusalem jam nde os gato bere Ji kak subere nin kem not, subere nin si Yefun Allah kem ndo su yu. Nin jam os ne sa, bere nin yo ku sukye nde. Sarewo nin bi sukjimnut yo kak wa nin jam kom mone nde, nin bariwa os ndo gato Yefun Allah fro wa nin re.

Lukas 19:42 Iomraidhean Croise

Lukas 19:41

Yefun Yesus mu karowa Yerusalem anane. Yefun Yesus sokme kota ne sa, An wo wa nje mone.

Lukas 19:43

Kam yo tak bere nin ku sukye. Bere yeko futma wairi wa nin sino mo kota ré, ete yeko gu nin kadit deyo-deyo.

Lukas 19:44

Bere yeko gu nin kwop or sino, ete yeko ne ma ben suk mwa mo kota mit ne ibit sino. Jok mwa gato yé nggo nu su ré, bere yé ma krut jok mwa ne or re, dik yo ut mo dik yo o nde. Nin jam nde Yefun Allah syogat Ji ma wa nai nin kadit sukye ne. Nin bariwa, sane bere nin ku sukye re.”

Suk Gato Yerasul Ben Ne 10:36

Yefun Allah taru sukdu subot men ye Israel ne do, An syogat Yesus Kristus ma mo bur ré wa kak os ndo wa men yetu subere Yefun Allah nai men gum sok mo An bi rus-i. Sane Yesus Kristus gato gum Yekwesu wa men sino ne kak os wa men si Yefun Allah kem ndo su yu re. Nin dakai jam sukdu ne mó re.

Suk Gato Yerasul Ben Ne 13:46

Orge Paulus si Barnabas ki suk, an we yo nyu nde, an we ki pet mo nje mone do, ”Men ka we ki Yefun Allah bi sukdu nai nin ye Yahudi nyim sor, wo nin bariwa sukdu ne. Nin nai sukjimnut do, nin bariwa nin kem ndo to kapyo mato kapyo, sane it yo, men ka we misyar nin it anare. Ré ne, men ka we mu ki sukdu ne nai yewis yi jam,

Ibrani 3:13

Wo men duno yu su sukdu gato ndo kamdik-kamdik petok sor, sawe suk yo gato ibit tik men mit ete ben kidar men bariket Yefun Allah o re. Sane men duno yu tepsu bi kam-i gato Yefun Allah syo nai men wa men kem mo bur ré sane sor kam dik yo gwet mo nde.

Ibrani 3:15

Ye krom sukdu ré mo Yefun Allah bi sukdu do, ”Su kam ré nin do jam Yefun Allah ki sukdu nai nin it yo, nin su krat wa nde, sagato nin bi amui bariket sukdu gato Yefun Allah ki nai án tomgatu án kem mo pe gato kwe yo kom mo nde. Tomgane nin bi amui bariket sukdu gato Yefun Allah ki ne.”

Ibrani 3:7

Sane men ben suk tepsu ye Israel nde, wo men jammo Yefun Allah bi sukdu-i pe sagato Yefun Allah Gen ki sare do, ”Su kam ré nin do jam Yefun Allah ki sukdu nai nin it yo,