Lukas 19:12 - Abun Scripture

¹² Sane Yefun Yesus gwat sukamno sare do, ”Yepasye dik yo, an mu mo bur yi gato os syu kadit an bi bur-i. Yepasye mu mo bur ne subere yé bes an gum tepsu yeraja wa an jowa nje mo an bi nat-i. Yé bes an gum yeraja orete yo, an satu ma mo an bi nat-i.

Lukas 19:12 Iomraidhean Croise

Matius 21:38

Wo ye gato mewa nggwe ne do me pa ne ma sa, án ki nai yu do, ’Yenggras gato bi bur det ré bi gan anare. Men gu pa kwop wé et, subere bur det ré sok mo men.’

Matius 28:18

Orete Yefun Yesus ma karowa pakon ne, ete An ki do, ”Yefun Allah bes ji gum tepsu Yekwesu mo gu nim si bur ré sino.

Markus 12:1

Orge Yefun Yesus gwat sukamno bok yo, An ki nai yekwesú mo Yefun Allah bi nu, yeguru agama si ye Yahudi bi padosye mone. Yefun Yesus ki nai án do, ”Yetu ge dik yo ben nggwe anggur, orete an gat ros wairi wa, ete an po bur wak wa yé jomuk anggur bo mó. Orete an nggo nu gwes kok wa yé ti mó subere yé mewa nggwe ne. Suk mwa ne fro orete yenggras syogat yetu ge bok yo mewa nggwe ne. An ki nai yé bok ne do, ’Anggur ré do bo it yo, nin wat i-we, napyo wa ji, napyo wa nin.’ Orete yenggras ne mu mo nat yi kadit.

Markus 16:19

Yefun Yesus ki An bi sukdu nai An bi pakon, or Yefun Yesus it mu mo gu, ete Yefun Yesus kem tak Yefun Allah de syim ge subere Yefun Yesus si Yefun Allah, An we jowa suk mwa ne sino.

Lukas 20:9

Yefun Yesus duno nje mone saresa, An gwat sukamno sare do, ”Yetu ge dik yo ben nggwe anggur, orete yenggras ne syogat yetu ge bok yo mewa nggwe ne. Yenggras ré ki nai yé ne do, ’Anggur ré do bo it yo, nin wat i-we, napyo wa ji, napyo wa nin.’ Orge yenggras ne mu mo nat yi kadit re, an kem nam mo nat ne.

Lukas 24:51

Yefun Yesus do ki suk su Yefun Allah wa An bi pakon saresa, Yefun Allah kar Yefun Yesus it mo gu kadit pakon ne re.

Yohanes 18:37

Pilatus ki nai Yefun Yesus do, ”Sane Nan anato yeraja e?” Yefun Yesus ki nai an do, ”Nan dakai ki do, Ji anato yeraja. Sangge. Ji bi im pe Ji mo bur ré. Ji ma wa Ji ki rer subot suk dik yo sor re. Ji ma wa Ji ki rer subot suk gato sangge. Ye to iwa sukdu gato sangge, bere án jammo Ji bi sukdu-i.”

Suk Gato Yerasul Ben Ne 17:31

Yefun Allah syogat men yetu kwet, we An fro kam gato bere An ndobot men yetu sino mo suk gato men ben ne. Yefun Allah bes yetu ge dik yo wa ndobot men yé mwa ne sino. Ye ne bere ndobot nje sisu ri-roi sor. Men jam do, sangge, bere Yefun Allah bes Ye ne, we Yefun Allah sun Ye gato An bes ne kadit sukkwop it.”

1 Korintus 15:25

Sane Kristus jom suk mwa ne sor suk mwa gato bariket Yefun Yesus ne jammo Kristus et.

Ibrani 9:28

Sane dom, Kristus bi nggwa kwop wam dik wa men yetu mwa ne tepsu suktot wa tot sukibit gato men ben or wé re. Or o, bere Kristus ma wam kedowe o. An ma o yo, An kwop wa tot men bi sukibit ne o nde, wo bere An ma wa nai men yé gato eswa An ma ne, ete An gwat men mu sok mo An bi nat-i.

1 Petrus 3:22

Yesus Kristus sun ete it mu mo gu re. Motu An kem tak Yefun Allah de syim ge, An si Yefun Allah jom suk mwa neya o re. An nggi wai kadit malaikat mwa ne sino e, yerom e, aboksye si suk mwa gato i-mok nggi mone sino o re.

Wahyu 1:7

Sare, bere Yesus Kristus is kadit gu sisu nyotem ne ma. Yetu mwa ne sino bere me An dakai ma ne. Yé bok gato syer An bere ku An kaim ne dom. Sugane bere yé mwa ne sino mo bur ré iwedewe nderku nggwa mo An ndo nde. Digane it. Sangge.