Lukas 16:3 - Abun Scripture

³ Sane pakwerut ne nut mo an syidem do, ’Ji ben suma su ré ne? Ji bi yenggras syun ji kadit an bi nu it anare. Sane bere ji ku sugum wa ji so sugit su ne sa u ne? Ji yo nggiwa ji ben nggwe nde. Ji damen wa ji ndek suk mo nje dom.

Lukas 16:3 Iomraidhean Croise

Matius 20:8

Kom mo noru, ye gato bi nggwe ne ki nai an bi pa gato tepsu yesu wa yé mwa gato ben suk mone do, ’Nan kendo yé gato ma ben suk ma sum, ete nan syo sugum nai án mo án bi kamba et. Nan syo bi gaji nai yé gato ma ben suk kadit kre ne nyim, orete nan syo nai ye gato ma ben suk kadit nyotkwo wari.’

Markus 10:46

Yefun Yesus si An bi pakon mu sa, án ma kom mo kota Yerikho. Or o Yefun Yesus si An bi pakon mu kadit Yerikho, yé mwa si án mu sino. Yefun Yesus si yé mwa ne mu sino saresa, yetu ge dik yo gato gro ndu kem mo os de, an ndek suk mo ye gato mu wai ket os ne. Ye gato gro ndu ne gum do, Bartimeus, gato bi ai mo Timeus.

Lukas 12:17

Sane, yekaya ne nut mo an syidem do, ’Ji bi nu wa ji grem suk mwa ré yo tep nde, sane ji ben suma ne?’

Lukas 16:2

Sane yepasye ne kendo pakwerut ne ma ku an. Yepasye ne ki do, ’Sukdu gato ye ndak nan su ne, gato ye ki nai ji jam ne sangge bado? Sane nan krom subot suk mwa gato nan ben su ji bi sugum si ji bi suk mwa ne subere ji jam et. Nan ben suk tepsu ji bi pakwerut gato jom sugum ne o nde it anare.’

Lukas 16:20

Yetu ge dik yo o, an gum do Lazarus. Lazarus ré, an yewa suk mwa. An bi suk yo mo nde, an ndek suk daret. Lazarus ré, wip mok mwa git an kaim ndo nde. Lazarus kem mo yepasye ne bi nusyo de nden.

Lukas 16:22

Kom mo rut sa, Lazarus kwop re, ete malaikat ma kar an da gesyos mu mo pe gato Abraham kem mone, an we kem mo pe gato ndo ne. Sane yepasye ne waii kwop o, ete yé bi an mo bur.

Lukas 16:4

Ji bi sukjimnut dik yo anare, sa ndo sa, ji bi yenggras yo syogat ji mu nde tó, ji werwa ji ben suk yo subere yé mwa kak yé mit wa ji, bere yé mwa ne tepsu ji bi yesyim subere yenggras syun ji it yo, ji mu si án kem mo án bi nu.’

Lukas 18:4

Kam bok yo, ete yepasye ne bariwa ós nggonna ne. Sarewo kom mo rut sa, yepasye ne nut mo an dakai do, ’Ji yo nyuwa Yefun Allah nde, ji yo nutbot ye yi dom nde,

Yohanes 9:8

Tomga nyim ye gro ndu ne an kem mo os de wa ndek sugum mo yé gato muket os ne. Ye gato kem karowa ye gro ndu bi nu ne si ye gato me an ndek sugum mo ye yi ne, án ndo mo yu do, ”Ye gare anato tomga u an gro ndu, ete an ndek sugum mo nje bado?”

Suk Gato Yerasul Ben Ne 3:2

Yetu ge dik yo, ye ne gwes út kadit kam gato an bi im kem su an ne, yé sam ye gwes út ne ma. Ye grem an mo Yefun Allah bi nusyo dik yo gato ye kendo do, ”Nusyo gato ndo.” Kamdik-kamdik yé grem ye gato gwes út mone, subere an ndek sugum mo yé gato sok mo nu mit ket nusyo ne.

Suk Gato Yerasul Ben Ne 9:6

Nan ben suk sane o nde, wo ré yo, nan sun nan mu mo kota Damsyik et. Mone yetu ge dik yo bere ki rer nai nan subot suk gato bere Ji syaugat nan ben ne.”

2 Tesalonika 3:11

Men jam sukdu do, nin deyo bambrai wa ben suk mone. Kapre sukwokgan án yo ben dom nde, wo án iwa mu ki sukdaret bot nu sor re.