Lukas 12:2 - Abun Scripture

² Yefun Allah jam suk mwa ne sino, sane suk gato yé gurik su ré, ri ma bere bor wa yé mwa jam. Suk gato ye dumik wa yu waré, bere yé mwa jam or re.

Lukas 12:2 Iomraidhean Croise

Markus 4:22

Sane suk gato ye gurik ne bere Yefun Allah kak bor wa yé mwa me rer. Sane dom sukdu gato Yefun Allah gurik suga nyim tuya, bere Yefun Allah kadum rer wa yé mwa jam re.

Lukas 8:17

Yefun Allah jam suk mwa ne sino, sane suk gato yé gurik su ré, ri ma bere bor wa yé mwa jam rer, suk gato ye dumik wa yu waré, bere yé mwa jam or re.

Roma 2:16

Sane bere su kam gato Yefun Allah fro ne, tepsu sukdu gato ji kibot Kristus, bere Yefun Allah bes Yesus Kristus wa ndobot yewis yi tepsu sukwatum mo án mit ne do, yé ben suk tepsu sukwatum ne yo, bere Yefun Allah ben sukndo su yé ne, wo yé ben suk siri kadit sukwatum ne yo, bere Yefun Allah syo sukye nai án mone. Bere Kristus jam men bi sukjimnut mwa kom mo men mit gato ye yi jam nde, sane bere An nggiwa watbot men sino re.

1 Korintus 4:5

Sane su ré yo, men ki ye yi gum ibit mo suk yo daret nde. Kam gato men ki ye yi gum ibit anare nde tó, wo men eswa men bi Yekwesu Yefun Yesus ma mo bur ré, ete Yefun dakai kibot men yetu mwa ne. Bere Yefun Yesus rek suk mwa gato men gurik mo pe gato ndendu kadit yu ne bor wa yé mwa jam. Bere Yefun Yesus rek yé mwa ne sino bi sukjimnut-i ne bor wa yé mwa jam dom. Sane, sugane Yefun Allah un men yé gato ben sukndo mo suk gato men ben ne.

2 Korintus 5:10

we su kam gato Kristus ma ne, bere An ndobot men yetu mwa ne sino. Mone yetu gedik-gedik ku suk tepsu suk gato án ben mo bur ré. Men yé gato ben sukndo, bere men ku suk gato ndo mone, wo yé gato ben sukibit, bere yé ne ku sukye mone.