Lukas 12:10 - Abun Scripture

¹⁰ Ye gato ki sukdu kwa yo ibit ket Yetu bi Pa yo, bere Yefun Allah misyar sukibit ne, An yo nutbot o nde. Wo sukibit gato ye kiket Yefun Allah Gen, bere Yefun Allah yo misyar nde, wo Yefun Allah maskwa ket ye ne pe sor.

Lukas 12:10 Iomraidhean Croise

Lukas 23:34

Orge Yefun Yesus ki nai Yefun Allah do, ”Ji bi Ai, yesukmise ré jam nde suk gato án ben ne, sane Nan maskwa án mo sukibit ne nde, Nan misyar sor.” Orete yesukmise ne tik bit wa án wat Yefun Yesus bi san su yu.

1 Timotius 1:13

wo suga nyim tuya ji kiket Yesus Kristus gum ibit, ji ben sukye, ji ben sukot nai An bi nje-i, ji kabor An ket kwayo-kwayo. Ji da ben sukibit mwa ne, sarewo An ben sukndo su ji, An dakai jimnotku ji sor, we tomgato ji ben ji bi suk-i ibit ne, ji jam nde suk, ji yo onyar kem mo An nde tó, anato ji ben sukdaret sane.

1 Yohanes 5:16

Men do me ye Kristen ge dik yo ben sukibit, ete sukibit ne yo ben os yewa mit wa an si Yefun Allah nde yo, nin benadi wa, nin ndek mo Yefun Allah subere Yefun Allah ós ye ne kem ndo satu. Sarewo sukibit gato ben os yewa mit wa an si Yefun Allah, we an bariket Yefun Allah it yo, men ndek mo Yefun Allah wa ós ye gato ben sukibit sane nde.