Lukas 10:42 - Abun Scripture

⁴² wo suk dik sor anato ndo wa men yetu ben ne. Maria ré nai sukjimnut wa mom ben suk gato ndo ne, mom syaretwa Ji bi sukdu-i ne, kadit mom fro suk mwa neya, sane Ji duyawa mom mone nde.”

Lukas 10:42 Iomraidhean Croise

Markus 8:36

Nin ben suk ket nin mit-i subere nin ku suk mwa mo bur ré, ete nin ges mo os ibit mone, suk mwa gato nin ku ne sato sugum e, san e, nu e ne te, bere ós nin gum sok mo Yefun Allah bi rus-i sa u ne? Yo os nin nde.

Lukas 10:39

Marta bi njim dik yo gum do Maria. Yefun Yesus ma mo nu ne sa, Maria kem ga mo bur mo Yefun Yesus gwem. Maria syaretwa sukduno gato Yefun Yesus duno mom su ne.

Lukas 11:1

Kam dik yo, Yefun Yesus ki suk su Yefun Allah mo nat dik yo. Yefun Yesus do ki suk or sa, Yefun Yesus bi pakon dik yo ki nai An do, ”Yenggras, Nan duno men subere men jam men ki suk su Yefun Allah sisu ndo et, subere men waii jam men ki suk su Yefun sato Yohanes duno an bi pakon su ne.”

Lukas 12:20

Sarewo Yefun Allah ki nai ye ne do, ’Nan jimgon, su noru ré it yo, nan kwop it are. Sane bere je u anato ku nan bi suk mwa gato nan sum ré ne? Bere nan bi suk mwa ne sok mo ye yi.’ ”

Lukas 12:33

Sane nin mu nin so nin bi suk mwa gato nin ku ne, orete sugum gato nin ku mone nin syo nai ye gato yo ku suk yo mo nde, sane bere nin ku suk mwa mo gu. Nin do ben sane, bere tepsu nin grem nin bi suk mwa ne mo gu, tepsu nin bok mbre mo sun bafar gato kem to kapyo. Nin ku suk mwa mo gu ne, suk mwa ne kem pe, yo or nde. Sane dom ye yo ku os wa sok mo gu ete gitsi nin bi suk nde. Kundun yo ku os wa ben suk ne ibit dom nde.

Lukas 16:2

Sane yepasye ne kendo pakwerut ne ma ku an. Yepasye ne ki do, ’Sukdu gato ye ndak nan su ne, gato ye ki nai ji jam ne sangge bado? Sane nan krom subot suk mwa gato nan ben su ji bi sugum si ji bi suk mwa ne subere ji jam et. Nan ben suk tepsu ji bi pakwerut gato jom sugum ne o nde it anare.’

Lukas 16:25

Sarewo Abraham saiye o do, ”Nan napawa tomgato nan kem mo bur ne, nan ku suk mwa gato ndo, sarewo Lazarus gare yewa suk mwa. Su ré Lazarus kem mo pe gato ndo, wo nan anato kem mo pe gato yé, ete nan ku sukye mone.

Lukas 18:22

Yefun Yesus jam ye ne bi sukdu sa, Yefun Yesus ki nai an do, ”Suk dik yo anato nan yo benbot nde tó, sare do, nan mu nan so nan bi suk mwa gato nan ku ne, orete suk mwa ne bi sugum nan syo nai ye gato yo ku suk yo mo nde, sane bere nan ku suk mwa mo gu. Nan syo sugum ne nai ye gato yewa suk, orete nan ma simo Ji et.”

Lukas 8:18

Sane, Yefun Allah bi sukdu gato nin syaretwa ne, nin nutbot sisu ndo et. Ye to bi sukjimnut kak, bere jam Yefun Allah bi sukdu mwa wai o re, sane bere an jam sukdu ne kom mo mit re. Sarewo ye to da jam sukwokgan, ete an misyar, sukwokgan gato an jam ne, bere suk ne ges or wé kadit an re.”

Yohanes 11:1

Yetu ge dik yo gato gum do Lazarus, an kem mo kampung dik yo gato gum do Betania. An si an bi nyanggon Maria si Marta kem mone sino.

Yohanes 11:19

anato ye Yahudi mwa ma ku Marta si Maria subere bidek nggon we, subere nggon we ne yo jimnot an we bi nji gato kwop ne teker nde.

Yohanes 12:3

Orete Lazarus bi nyanggon Maria gwat manik narwastu botol napyo ma. Maria syé manik ne mo Yefun Yesus gwes. Manik ne grik ndo. Manik ne bi sugum sye. Maria syé manik mo Yefun Yesus gwes sa, mom singgri sa su mom sugo. Manik grik mo nu gato Yefun Yesus kem mone sino.

Yohanes 17:3

Án jam Nan, Yefun Allah ka dik gato sangge, ye yo nggi tepsu Nan mo nde. Án jam Ji, gato Nan bi Gan, Yesus Kristus gato Nan syogat ma more anato án kem gesyos.

Yohanes 4:14

Wo ye gato da syur gato Ji syo ne yo, an yo sosa o nde to kapyo mato kapyo. Syur gato Ji syo nai an ne tepsu syur gro mo an mit. Syur gro ne syé ete ben an kem ndo, an kem ndo to kapyo mato kapyo.”

Yohanes 5:24

Suk gato Ji ki ré suksangge anare, ye gato jammo Ji bi sukdu, orete an onyar kem mo Ji bi Ai gato syogat Ji ma mo bur ré it yo, ye ne kem gesyos it. Bere Ji yo syo sukye nai ye ne mo bot gesyos nde. Ye ne brek kadit os gato mu mo bot gesyos, ete an muket os gato mu mo pe gato an kem ndo to kapyo mato kapyo it.

Yohanes 6:27

Nin ben suk it yo, nin meret sugit gato bergan kwik kadit nin nde re. Wo nin ben suk it yo, nin meret sugit gato kem nam, gato ben nin mbau gesyos. Bere Yetu bi Pa to Ji ré syo sugit ne nai nin re, we Ji bi Ai Yefun Allah bes Ji gum kok subere Ji kak os ndo wa nin kem gesyos re.”

1 Korintus 13:3

Ji syo ji bi suk mwa nai ye gato yewa suk yo, ji bi ji nggwa wa yé gre mo bot, sarewo ji yo bi sukjimnut sye kas subot ye yi nde yo, suk gato ji ben ne yo ós nje nde, wokgan yo dom nde.

Galatia 5:6

Yesus Kristus kak os wa men anato men sok mo Yefun bi rus-i it. Sane yo, kapre men simo sunat e, men simo sunat nde e, suk ne yo ós men nde. Wo suk dik yo sor re anato tep wa ós men, sare do, men onyar kem mo Kristus. Men onyar kem mo Kristus sane sa, bere men ben sukndo su ye yi neya sor, bere yé mwa ne me bor re.