Lukas 10:1 - Abun Scripture

¹ Orete Yefun Yesus bes yetu ge musyu mufit o wa án mu ben Yefun bi suk-i. Yefun Yesus syogat pakon ne gewe-gewe mu nyim mo kota si nat mwa gato bere Yefun Yesus mu mone sino.

Lukas 10:1 Iomraidhean Croise

Lukas 1:17

Bere pa ne fro os wa Yefun, ye Israel bi Yekwesu, gato bere ma ne. Bere Yefun Allah Gen bok nggwa mo pa subere an ki Yefun Allah bi suktaru. Bere an ben an bi suk-i tepsu Elia, gato yenabi kam nyim ne. Yefun Allah Gen bok nggwa mo pa ne, subere pa ben yenggras gato maskwa ket bi pa ne kem ndo satu. Ye gato bariwa jammo Yefun, bere pa ne kar yé ne satu kadit os ibit ma mo os ndo, ete án ben sukndo tepsu Yefun mit. Bere pa ne fro yé mwa subere án kak án mit wa Yefun gato bere ma mo án.”

Lukas 1:76

{Orge Zakaria ki nai an bi pa do,} ”Nan, ji bi pa, bere yé kendo nan gum do yenabi, bere nan gwat Yefun Allah gato gum kok sye wai ne bi suktaru ma ki nai nje mo bur ré re. Yefun Allah syogat nan mu nyim mo men bi Yekwesu ne gwem, subere nan fro os wa An.

Lukas 7:13

Yefun Yesus do me nggonna ré sa, An jimnotku nggonna ndo nde, orete Yefun Yesus ki do, ”Im o, nan wo nde!”

Lukas 7:19

ete Yohanes syogat an we mu mo Yefun Yesus wa an we ndo mo do, ”Yenggras, Nan anato Yekwesu gato Yefun Allah syogat ma mo bur ré wa nai men yetu kadit sukye ete jowa men bado, men eswa ye yi yo o ma e?”

Lukas 9:52

Yefun Yesus yo mu nde tó, An syogat pá bok yo gwat suktaru mu nyim. Yé bok ne mu re, ete án sok mo kampung dik yo mo bur Samaria wa án ndek nje gato kem mone fro suk ndek Yefun Yesus ma mone.