Lukas 1:74 - Abun Scripture

⁷⁴ An nai men wé kadit sukibit gato yeko iwa ben nai men ne, subere men bi sukjimnut sye mo suk gato Yefun Allah iwa men ben ne, men yo nyuwa ye gato bariket men ne o nde re,

Lukas 1:74 Iomraidhean Croise

Lukas 1:71

An nai men wé kadit sukye gato yeko iwa ben nai men. An nai men wé kadit yé mwa gato bariket men, subere yé ne ku os wa ben sukibit nai men nde.

Lukas 1:73

An tom kot nai men bi amui, Abraham do,

Lukas 1:75

subere men ben suk tepsu Yefun Allah mit, men bi men nggwa wa ben Yefun Allah bi suk-i, su kam mwa ne sino gato men kem mo bur ré sor kom mo kam gato men kwop su.”

Roma 6:22

Sarewo su ré, Yefun Allah sombok nin wé kadit sukjimnut ibit gato jom nin ne it. Nin tepsu Yefun Allah bi pakwerut it. Mone nin ku suk gato ndo anato Yefun Allah nai nin wa nin ben Yefun Allah dakai bi suk-i sor, ete kom mo rut sa, bere nin kem ndo to kapyo mato kapyo.

Roma 8:15

Yefun Allah Gen, gato bok nggwa mo men ne, yo ben men tepsu pakwerut wa suknyu o nde, wo Yefun Allah Gen ben men tepsu Yefun Allah bi pa-i. Sane Yefun Allah Gen mo men mit ben men kendo Yefun Allah do, ”Ai o, ji bi Ai o.”

2 Timotius 1:7

we Yefun Allah Gen gato bok nggwa mo men, yo ben men nyuwa suk nde, wo An Gen ben men nggi wai kadit suk bok neya. An Gen ben men nggiwa men bi sukjimnut kas subot ye yi neya. An Gen ben men nggiwa men mewa men nggwa subere men ben sukdaret nde.

Ibrani 2:15

Yefun Yesus kwop wa ben biris bi yekwesu ibit sor nde, wo An kwop wa sombok men wé kadit suknyu dom. Ye gato nutbot sukkwop pe, ete nyuwa an kwop ne, bere ben an gum kwerut wa suknyu it. Sarewo su ré Yefun Yesus ma wa sombok ye gato nyuwa sukkwop ne wé kadit suknyu ne it.

Ibrani 9:14

Sane kambing si sapi dé-i, si sapi gato ye gre ne bi bofuf-i ne do nggiwa ós nje subere yé ne si Yefun Allah kem ndo su yu satu o it yo, bere Kristus dé-i ne te, sa u ne? Kristus dé-i nggiwa ós men wai kadit sapi dé-i ne o re fe! Yefun Allah Gen gato gesyos ne ben Kristus nggiwa Kristus dakai bi An nggwa mo Yefun Allah, An dé sye tepsu suktot win men. Kristus ben sukibit wokgan yo dom nde, sane suktot ne tep mó re. Kristus dé sye anato sombok men bi sukjimnut mo men mit ne wé kadit os gato nyim ne bi sukdu-i, subere men nutbot suk mone o nde, wo men bi sukjimnut sye mo suk gato Yefun Allah gato gesyos ne iwa men ben ne sor.

Wahyu 2:10

Bere nin ku sukye, wo nin nyuwa nde. Ji ki sare do, bere biris bi yekwesu ben yetu ge bok yo but nin ge bok yo, ete sok nin mo sel. Sane bere biris bi yekwesu gato ben sukibit ne werwa gwat os wa nin subere nin misyar Yefun mone. Mo sel mit ne bere nin ku sukye sor kom mo kam musyu dik rek. Kapre karowa nin kwop rok mone, nin onyar kem mo Ji, nin ben Ji bi suk-i sane sor kom mo pe gato or mó yo, bere Ji bi os wa nin kem ndo to kapyo mato kapyo, tepsu ye gato nggi wai ku hadiah mo koirut.