Filipi 1:1 - Abun Scripture

¹ Ji gato gum do Paulus, ji si Timotius, men ka we gato Yesus Kristus bi pakwerut anato krom surat ré wa nin. Men ka we krom sukdu ré wa nin yé gato onyar kem mo Yesus Kristus gato sum mo nu ari mo kota Filipi. Men ka we krom surat ré wa nin yé gato gum yekwesú mo nu ari si yé gato ós yekwesú mo nu ari ne sino.

Filipi 1:1 Iomraidhean Croise

Markus 13:34

Kam gato Ji ma su ne tepsu sukdu subot yenggras dik yo gato mu mo os syu mo bur yi. Yenggras ne syogat an bi pakwerut mewa an bi nu ne. An fro suk wa pa gedik-gedik ben mo an bi nu ne, ete an ki nai pakwerut gato mewa nusyo ne do, ’Nin kem su nin fra sor ji satu ma et.’

Yohanes 12:26

Ye gato bi nggwa mo Ji wa an ben Ji bi suk-i ne yo, ye ne si Ji mu sino. Pe gato Ji mó, Ji bi pakon ne sisu Ji mone dom. Ye gato bi nggwa mo Ji wa an ben Ji bi suk-i yo, bere Ji bi Ai bes ye ne gum kok.”

Suk Gato Yerasul Ben Ne 1:20

Daud krom sukdu subot Yudas, sane Petrus ki do, ”Daud krom mo buku Mazmur do, ’Sa ndo sa, an bi nat-i ne, nje yo kem mo nde. Yetu ge dik yo kem mone dom nde.’ Or o Daud krom o do, ’Sa ndo sa, ye bes yetu ge dik yo win an tepsu yesu.’

Suk Gato Yerasul Ben Ne 20:28

Nin mewa nin nggwa subere nin jom sukdu ne petok sor. Nin mewa yé gato onyar kem mo Yefun Yesus. Nin mewa yé gato Yefun Allah Gen bes nin gum yekwesu wa ne sor. Nin mewa yé gato gum sok mo Yefun Allah bi rus-i ne sisu ri-roi tepsu ye gato mewa suksi ne mewa bi suksi sisu ri-roi ne sor. Ye gato gum sok mo Yefun Allah bi rus-i, Yefun Yesus bi nggwa kwop wa, Yefun Yesus dé sye wa anato ye ne gum sok mo Yefun Allah bi nje-i, sane nin mewa sisu ndo sor.

Suk Gato Yerasul Ben Ne 9:13

Ananias ki do, ”Sarewo Yefun, ji jam ye nuk sukdu subot ye ne. An ben sukye nai ye gato onyar kem mo Nan mo kota Yerusalem.

Roma 1:1

Ji gato gum do Paulus anato krom surat ré wa nin yé gato onyar kem mo Yefun Yesus gato kem mo kota Roma. Yefun Allah bi sukjimnut sye kas subot nin. Yefun nai nin gum sok mo An bi rus-i it. Yefun Allah bes ji gum yerasul subere ji mu ki sukdu subot os ndo gato Yefun Allah fro wa men yetu subere men ku os wa men gum sok mo An bi rus-i.

Roma 1:7

Sane anato ji krom surat ré wa nin yé gato onyar kem mo Yefun Yesus gato kem mo kota Roma ne sino. Men bi Ai, Yefun Allah si men bi Yekwesu Yesus Kristus ete mewa nin, Yefun Allah si Yesus Kristus ete uttok nin petok sor.

1 Korintus 16:10

Timotius ba ku nin it yo, nin mewa an sisu ndo, subere an yo nokwa suk daret nde, we an ben men bi Yekwesu Yefun Yesus bi suk-i, sato ji ben Yefun bi suk-i ne dom.

2 Korintus 1:1

Ji gato gum do Paulus, gato Yefun Allah bes gum yerasul wa ben Yesus Kristus bi suk-i, ji si men bi nji, Timotius men ka we anato krom surat ré wa nin. Men ka we krom sukdu ré wa nin yé gato onyar kem mo Yefun Yesus mo kota Korintus. Men ka we krom sukdu ré wa nin sor nde, wo men ka we krom sukdu ré wa Yefun Allah bi rus-i mo bur Akhaya ne sino dom.

Galatia 1:10

Sane ji ki ji bi sukdu-i wa meret os subere yetu iwa ji bado? Sane nde re, wo ji ki ji bi sukdu-i subere Yefun Allah iwa ji sor. Ji krom sukdu wa tik yetu mit subere yetu mit iwa ji bado? Nde re. Ji do ki sukdu subere yetu iwa ji yo, ji tepsu Kristus bi pakwerut nde.

Galatia 3:26

Nin onyar kem mo Yesus Kristus, sane anato nin tepsu Yefun Allah bi pa-i mone it.

Galatia 3:28

Sane ye Yahudi e, ye Yunani e, pakwerut e, ye gato dakai ti mo an dakai e, yebris e, nggon e ne, men sino yo tara kadit yu nde, wo men sino si Yesus Kristus tepsu yedik, men sino si Yesus Kristus sok mo rus dik it.

Efesus 1:1

Ji gato gum do Paulus, gato Yefun Allah bes gum yerasul wa ben Yesus Kristus bi suk-i, ji anato krom surat ré wa nin. Ji krom sukdu ré wa nin yé gato Yefun Allah nai sok mo An bi rus-i mo kota Efesus. Ji krom surat ré wa nin yé gato onyar kem mo Yefun Yesus mone.

Efesus 1:15

Sane, kadit kam gato ji jam do, nin yé Efesus onyar kem mo men bi Yekwesu Yefun Yesus, ete nin bi sukjimnut sye kas subot ye gato onyar kem mo Yefun Yesus ne sino sa,

Efesus 6:24

Nin yé gato bi sukjimnut sye kas subot men bi Yekwesu Yesus Kristus sane sor yo or mo nde yo, Yefun Allah ete mewa nin sino sor.

Filipi 2:19

Sane yo, ji kwabom kam mo men bi Yekwesu Yesus Kristus do, bere An kak os wa ji subere ji syokom Timotius ba ku nin, subere Timotius gwat sukdu kadit nin satu ma wa ji more. Ji do jam sukdu subot nin ne yo, ji yo kwabom dek subot nin teker o nde.

Filipi 2:5

Sane yo, nin bi sukjimnut-i tepsu Yesus Kristus bi sukjimnut-i et:

Filipi 3:12

Ji dakai yo jam Yesus Kristus kom mo mit nde tó. Ji yo jam An bi suktinggi ne sisu ndo nde tó. Ji yo ben ji bi suk-i mwa ne sino tepsu Yesus Kristus iwa ne sisu ndo nde tó. Sarewo ji wergat ji nggwa subere ji ku suk gato Yesus Kristus fro wa ji ne, we ji ré, Yesus Kristus nai ji sok mo An bi rus-i it.

Filipi 3:3

Men ré anato yé gato simo sunat gato sangge, wo án yo simo sunat gato sangge nde re. {Men yo onyar kem mo suk gato án ben sato sunat nde. Ye Israel gato simo sunat, án nut do, án sok mo Yefun Allah bi rus-i it anane. Sarewo sunat ne ye ben mo men kaim de nden ne sor re.} Wo men sa, Yefun Allah Gen bok nggwa mo men anato men bes Yefun Allah gum kok. Men si Yesus Kristus tepsu dik ete men un An, sane men sok mo Yefun Allah bi rus-i mone it, tepsu ye bisunat men sisu sangge anane. Men yo onyar kem mo sunat gato yetu ben mo men kaim de nden ne nde.

Filipi 3:8

Sane dom, suk mwa gato mo bur ré sino yo ós ji yo mo nde. Suk gato ndo wai o re anato ji jam Yesus Kristus, ji bi Yekwesu, kom mo mit, tepsu ji bi yesyim it. Yesus Kristus anato ndo wai o re. Sane suk mwa gato ji ben suga nyim neya, gato ji onyar kem mone, suk mwa ne ji bare wé re. Suk mwa ne ji nut do, tepsu sukkwik sor re, subere ji ku os wa ji sok mo Yesus Kristus bi rus-i,

1 Tesalonika 1:1

Men ka gri gato gum do, Paulus, Silas si Timotius anato krom surat ré wa nin. Men ka gri krom sukdu ré wa nin yé gato onyar kem mo men bi Yekwesu Yesus Kristus, nin yé gato sok mo men bi Ai, Yefun Allah bi rus-i mo kota Tesalonika. Men bi Ai, Yefun Allah si men bi Yekwesu Yesus Kristus ete mewa nin. Yefun Allah si Yesus Kristus ete uttok nin petok sor.

1 Tesalonika 2:2

Men yo ba ku nin mo Tesalonika nde tó, yé ben sukye nai men, yé kabor men ket kwayo-kwayo mo kota Filipi wé re, nin dakai jam re. Sarewo kapre yé mwa duwer men kete sane, men bi Ai, Yefun Allah syo suktinggi nai men anato men nggiwa men ki sukdu subot os ndo gato Yesus Kristus kak wa men yetu, gato Yefun Allah fro ne, men ki nai nin jam re.

2 Tesalonika 1:1

Men ka gri gato gum do, Paulus, Silas si Timotius anato krom surat ré wa nin. Men krom sukdu ré wa nin yé gato onyar kem mo men bi Yekwesu Yesus Kristus. Men krom sukdu ré wa nin yé gato sok mo men bi Ai, Yefun Allah bi rus-i gato kem mo kota Tesalonika.

2 Tesalonika 1:10

Suk mwa ne bere bor su kam gato Yefun Yesus satu ma mo bur ré. An ma ne yo, bere An bi rus-i bes An gum kok sye wai o re. Bere yé mwa ne sino gato onyar kem mo An un An gum. Sugane nin dom si yé mwa ne sino sok mo Yefun Allah bi rus-i mone, we nin jammo sukdu gato men frot nai nin re.

1 Timotius 3:8

Sane dom, ye gato ós yekwesu mo nu ari, an ben an bi suk-i sato ré, ye yi un an gum, an ye gato ben bi suk-i ne ri-roi sor, an brek nden we nde; an bariwa an da nau mwa teker; an gro sye wa sugum nde.

Titus 1:1

Ji gato gum do Paulus anato krom surat ré wa nan, Titus, gato ji bi pa. Ji anato Yefun Allah bi pakwerut. Ji anato Yesus Kristus bi yerasul. Yefun Allah bes ji, ete syogat ji mu duno yé gato Yefun Allah fro suga nyim wa An nai sok mo An bi rus-i ne. Ji mu duno án subere án jam sukdu gato sangge, subere án onyar kem mo Yefun Allah, subere án ben Yefun bi suk-i.

Titus 1:7

Yekwesu mo nu ari ne Yefun Allah fro wa ben Yefun bi suk-i mo bur ré, sane an ye gato ben an bi suk-i ndo sor, kwa gato ibit yo mo nde. An yo at nde, an yo maskwa dek nde. An yenau bu nde. An iwa ben sukndi nde. An gro sye wa sugum nde.

Filemon 1:1

Ji gato gum do Paulus, gato ye rai ete bok mo sel mo gato ji ben Yesus Kristus bi suk-i ne, ji si men bi nji, gato gum do Timotius, men ka we anato krom surat ré wa nan. Men ka we krom sukdu ré wa nan, Filemon, men bi yesyim gato men jimnotku, gato si men ka we ben Kristus bi suk-i sino.

Ibrani 13:23

Su ré, ji iwa nin jam do, men bi nji gato gum do Timotius, ye syesyar an kadit sel it. An do ma ku ji more it yo, bere ji si an, men ka we ba ku nin mone.

Yakobus 1:1

Ji gato gum do Yakobus, ji ben suk wa Yefun Allah si men bi Yekwesu Yesus Kristus. Ji anato krom surat ré wa nin yé gato sok mo Yefun Allah bi rus-i mo bur ré or sino. Ndo mo nin sino.

1 Petrus 2:25

Suga nyim neya nin jam nde os gato sangge sato domba gan gato muri, wo su ré sa, Yefun Allah kar nin satu, subere nin jammo Yefun Yesus gato mewa nin, tepsu suksi jammo ye gato mewa suksi ne sisu ndo ne. Yefun Allah kar nin satu ma mo Kristus subere Kristus uttok nin petok sor.

2 Petrus 1:1

Ji gato gum do Simon Petrus anato krom surat ré wa nin. Ji anato tepsu Yesus Kristus bi pakwerut. Yesus Kristus bes ji gum yerasul. Ji krom sukdu ré wa nin yé gato si men sino onyar kem mo Yesus Kristus. Yesus Kristus gato kak os wa men kem ndo kadit bot gesyos ne, Yesus Kristus gato tepsu Yefun Allah gato jom men ne, An ben An bi suk-i ri-roi su men sino anato nin onyar kem mo An tepsu men re.

Yudas 1:1

Ji gato gum do Yudas, gato Yesus Kristus bi pakwerut, gato bi nji mo Yakobus, ji anato krom surat ré wa nin yé gato men bi Ai, Yefun Allah nai sok mo An bi rus-i. Yefun Allah bi sukjimnut sye kas subot nin. Yesus Kristus mewa nin.

Wahyu 1:1

Sukdu mo buku ré anato sukdu gato Yesus Kristus kadum rer nai Yohanes subot suk gato bere men yetu me bor su kam sari ne ma. Yefun Allah kadum suk bok ne nyim nai Yesus Kristus, subere Yesus Kristus waii kadum rer nai Yefun Allah bi pakwerut mwa ne sino jam. Yo nam nde ge, bere Yefun Allah ben suk bok ré bor re. Yesus Kristus syogat An bi malaikat ge dik yo mu ki sukdu subot suk gato bere bor ne rer nai An bi pakwerut gato gum do Yohanes.

Wahyu 1:20

Ji ki rer subot bí mufit gato nan me mo Ji syim ge ne si suk gato ka sa dem sor gato ye ben kadit emas wa ye dum sukru bo mufit ne. Suk we ne bi sukjimnut ne Yefun gurik kadit yetu, wo su ré Ji ki bi sukjimnut ne rer wa nan jam. Bí mufit bi sukjimnut do, malaikat ge mufit gato mewa yé gato onyar kem mo Yefun Yesus mo nu ari mo kota mufit ne {Efesus e, Smirna e, Pergamus e, Tiatira e, Sardis e, Filadelfia si Laodikia ne}. Or o, suk gato ka sa dem sor wa ye dum sukru mufit mone bi sukjimnut do, yé gato onyar kem mo Yefun Yesus mo nu ari mo kota mufit ne.”

Wahyu 19:10

Ji jam sukdu ne sa, ji bare ji nggwa mo malaikat gwem wa ji bes malaikat ne gum kok, sarewo malaikat ki nai ji do, ”Nan bes ji gum kok nde. Ji si nan tepsu yu, men ka we Yefun Allah bi pakwerut sino. Men ka we si nan bi nji mo Yefun bi rus-i, gato jom Yefun Yesus bi sukdu-i ne pe, men sino tepsu Yefun Allah bi pakwerut. Sane nan bes ji gum kok nde, wo nan bes Yefun Allah gum kok sor re.” We sare, ye gato jom Yefun Yesus bi sukdu-i ne bere Yefun syo suktinggi nai ye ne, subere ye ne nggiwa kibot Yefun Allah bi suktaru-i rer nai ye yi jam.

Wahyu 2:12

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Pergamus sare do: Ji gato bi nyom gato ot de we ne bi sukdu-i anare:

Wahyu 2:8

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Smirna sare do: Ji gato ut suk kadit ketke ete jom suk mwa ne kom mo pe gato or mó, Ji gato kwop, orete sun satu o bi sukdu-i anare:

Wahyu 22:9

sarewo malaikat ne ki nai ji do, ”Nan bes ji gum kok nde. Ji si nan tepsu Yefun Allah bi pakwerut sino. Men ka we si nan bi nji, gato yenabi bok ne si yé mwa ne sino gato jammo sukdu mo buku ré, men sino tepsu Yefun Allah bi pakwerut. Sane nan bes ji gum kok nde, wo nan bes Yefun Allah gum kok sor re.”