Filemon 1:1 - Abun Scripture

¹ Ji gato gum do Paulus, gato ye rai ete bok mo sel mo gato ji ben Yesus Kristus bi suk-i ne, ji si men bi nji, gato gum do Timotius, men ka we anato krom surat ré wa nan. Men ka we krom sukdu ré wa nan, Filemon, men bi yesyim gato men jimnotku, gato si men ka we ben Kristus bi suk-i sino.

Filemon 1:1 Iomraidhean Croise

Suk Gato Yerasul Ben Ne 16:1

Paulus mu kom mo kota Derbe, orge an mu mo kota Listra. Yetu ge dik yo gato gum do Timotius kem mone. An onyar kem mo Yefun Yesus. Timotius bi im, ye Yahudi. Timotius bi im onyar kem mo Yefun Yesus dom, wo Timotius bi ai, an ye Yunani.

1 Korintus 3:9

Men ka we si Yefun Allah ben suk sino mo An bi nggwe. Nin anato tepsu Yefun Allah bi nggwe. Nin anato tepsu Yefun Allah bi nu dik yo dom.

2 Korintus 1:1

Ji gato gum do Paulus, gato Yefun Allah bes gum yerasul wa ben Yesus Kristus bi suk-i, ji si men bi nji, Timotius men ka we anato krom surat ré wa nin. Men ka we krom sukdu ré wa nin yé gato onyar kem mo Yefun Yesus mo kota Korintus. Men ka we krom sukdu ré wa nin sor nde, wo men ka we krom sukdu ré wa Yefun Allah bi rus-i mo bur Akhaya ne sino dom.

Galatia 3:26

Nin onyar kem mo Yesus Kristus, sane anato nin tepsu Yefun Allah bi pa-i mone it.

Efesus 3:1

Sane ji, gato gum do Paulus ré, ji werwa duno nin yewis yi subere nin onyar kem mo Yesus Kristus anato ye sok ji mo sel ne.

Efesus 4:1

Sane, ji gato gum do Paulus ré, gato yé bok mo sel, we ji ben Yefun bi suk-i, ji ki sare do, Yefun Allah nai nin wa nin sok mo An bi rus-i tepsu An bi pá-i. Sane nin ben suk tepsu Yefun bi pá-i ne et. Nin jammo suk gato ji ki ré et.

Efesus 6:20

Yefun Allah bes ji wa ji mu ki An bi sukdu-i subot os ndo gato Yesus Kristus kak wa men mo bur ré, anato ye rai ji, ete ye sok ji mo sel. Sane nin ki suk su Yefun wa ji subere ji nggiwa ji ki sukdu ne, ete ji yo nyu nde, wo ji ki sukdu ne tepsu pe gato Yefun Allah imo ne.

Filipi 1:1

Ji gato gum do Paulus, ji si Timotius, men ka we gato Yesus Kristus bi pakwerut anato krom surat ré wa nin. Men ka we krom sukdu ré wa nin yé gato onyar kem mo Yesus Kristus gato sum mo nu ari mo kota Filipi. Men ka we krom surat ré wa nin yé gato gum yekwesú mo nu ari si yé gato ós yekwesú mo nu ari ne sino.

Filipi 2:25

Sarewo ji nut do, ndo sa, ji syokom Epafroditus satu ba ku nin. Epafroditus ré, an tepsu ji bi yesyim, ji si an ben suk wa Yefun Yesus sino. Men ka we tepsu Yesus Kristus bi yesukmise gato ben An bi suk-i. Nin dakai syokom Epafroditus ma ku ji more wa ós ji mo suk gato ji yéwa,

Filipi 4:3

Sane dom, ji ndek mo Sunsugus do, ”Nan si ji ben Yefun Yesus bi suk-i sino mó re, ji onyar kem mo nan. Sane Sunsugus, ji ndekwa nan tepsu yegweswai wa nggon we ne et, we nggon we ne si ji ben suk sino, men ki sukdu subot os ndo gato Yesus Kristus kak ne nai ye yi jam re.” Sugane an we wergat nggwa wa ós ji ki subot sukdu ne. An we sor nde, wo Klemens si yetu ge bok yo ós ji ki subot sukdu ne. Yé bok gane, Yefun Allah krom án gum mo An bi Buku Yegesyos re.

Kolose 1:1

Ji, gato gum do Paulus, gato Yefun Allah bes gum yerasul wa ben Yesus Kristus bi suk-i, ji si men bi nji, Timotius anato bi sukdu mo surat ré wa nin. Ji bi nji, ji bi nyanggon, men ka we krom surat ré wa nin yé gato onyar kem mo Yesus Kristus mo kota Kolose. Men ka we krom surat ré wa nin yé gato ben Kristus bi suk-i sor sisu ri-roi, gato kem mone. Men bi Ai, Yefun Allah, ete mewa nin. Yefun Allah ete uttok nin petok sor.

Kolose 4:11

Yetu ge dik yo gato gum do Yesus, an gum yo o do Yustus, an ki ndo mo nin. Ye Yahudi ka gri ré sor ete si ji ben suk sino. An ka gri si ji mu kibot Yesus Kristus subere kar nje sok mo Yefun Allah bi rus-i. An ka gri ré sa, os ji su sangge.

1 Tesalonika 3:2

ete men syogat men bi nji, Timotius ba ku nin mo Tesalonika. Timotius ré, Yefun Allah bes an ben suk si men ka we wa mu ki sukdu subot os ndo gato Yesus Kristus kak ne. Men syogat an ba wa ós duno nin subere nin onyar kem mo Yefun Yesus nggi wai o.

2 Tesalonika 1:1

Men ka gri gato gum do, Paulus, Silas si Timotius anato krom surat ré wa nin. Men krom sukdu ré wa nin yé gato onyar kem mo men bi Yekwesu Yesus Kristus. Men krom sukdu ré wa nin yé gato sok mo men bi Ai, Yefun Allah bi rus-i gato kem mo kota Tesalonika.

2 Timotius 1:8

Sane nan nyuwa nan ki sukdu subot men bi Yekwesu Yefun Yesus nai nje nde. Nan damen wa ji gato ye grem mo sel ré nde, we ji ki subot os ndo gato Yesus Kristus kak ne anato ye grem ji mo sel more. Nan ki subot os ndo gato Yefun Yesus kak wa men yetu ne, nan nyuwa nde, wo Yefun Allah ete ben nan nggiwa nan waii ku sukye mone sato ji ku re.

Filemon 1:23

Epafras gato ye rai ete bok mo sel mo gato an ben Yesus Kristus bi suk-i ne, an si ji kem mo sel tó. An ki ndo mo nan.

Filemon 1:24

Sane dom, yé gato si ji ben suk sino gato gum do, Markus, Aristarkhus, Demas si Lukas ki ndo mo nan dom.

Filemon 1:9

ji yo syaugat nan nde, wo ji ndek mo nan sor re, we ji bi sukjimnut sye kas subot nan. Ji, gato gum do Paulus, ré ne ji yenggras rok it, ye rai ji, orete ye bok ji mo sel mo gato ji ben Kristus bi suk-i.