Tito 3:5 - O Novo Testamento na língua Kaingáng

⁵ Ẽg pijé vẽjykre kuryj han ja nĩgtĩ'. Hã ra tóg ge ra ẽg jagãgtãn ja nĩgtĩ, hã kỹ tóg ẽg kren han mũ sir. Ẽg han mãn ja tóg nĩ, ẽg kygpe kỹ nỹtĩn kỹ. Ti kuprĩg tỹ tóg ẽg han mãn, kỹ ẽg tãg nỹtĩ ha.

Tito 3:5 Iomraidhean Croise

Mateus 3:11

Kỹ tóg vẽnh kar mỹ: “goj hã tỹ sóg ãjag kygpég tĩ, ãjag tỹ ãjag jykre pãno tovãnh kỹ,” he mũ. “Cristo tóg inh nón kãtĩg ke mũ. Kỹ ti hã tóg Topẽ kuprĩg tỹ ãjag jagrẽ han ke mũ. Kỹ tóg tỹ pĩ ve nĩ. Ti tỹ ãjag kygpenh ken hã vẽ. Inh kãfór ti nĩ, jãvo sóg tỹ ti krẽm ke pẽ nĩ,” he tóg.

Lucas 1:50

Ẽg jagãgtãn tóg tĩ, ẽg jógjóg ve ag, ẽg han mũ fag, ẽg krẽ ke gé. Ũ tỹ ti vĩ kri fig mũ kar jagãgtãn tóg nĩgtĩ mỹr, ha mẽ.

Lucas 1:54

Israel ag jagãgtãn tóg mũ, ti mỹ rãnhrãj tĩ ag, ti tỹ vãsỹ ag jagãgtãn ke ẽn to jykrén kỹ. Ẽg hã vẽ, ẽg jagãgtãn tóg.

Lucas 1:72

Topẽ tỹ ẽg jógjóg ve ag mỹ tó ja ẽn han ja tóg nĩ, ẽg jagãgtãn kỹ. Ag mré tóg vẽjykre han ja nĩ, kỹ tóg vãhã ẽn ki króm mũ sir.

Lucas 1:78

“Topẽ tỹ ẽg jagãgtãn hã vẽ, ti tỹ ẽg to há tãvĩ nĩn kỹ. Ẽg ve jé tóg kãtĩg ke mũ, kỹ tóg rã tỹ jun ke ri ke nĩ, Cristo mur ke ti.

Roma 11:14

Isỹ ãjag mỹ Topẽ vĩ tó kỹ inh mré ke ag vỹ hẽn ri ke mũn ãjag kóm Jesus ki ge sór mũ gé, kỹ ag krenkren ke mũ sir, Judeu ag.

Roma 11:6

Ẽg tỹ vẽsóg ki han pijé'. Ẽg tỹ vẽsóg ki to vãsãn pijé'. Topẽ tỹ ẽg jagãgtãn hã vẽ, hã kỹ tóg tó ja nĩ.

Roma 12:2

Ẽprã ke ag jykre han sór tũg nĩ. Topẽ vỹ ãjag krĩ tãg han sór mũ. Kỹ ãjag tóg nén há han ki kanhró nỹtĩnh mũ. Vẽjykre kuryj han jé ãjag tóg ke mũ. Kygnẽnh ke tũ ãjag tóg nĩ. Tag ve sór tóg mũ, Topẽ ti. Tag hã to tóg ẽg kanhrãn ke mũ.

Roma 3:20

Topẽ vĩ ki króm kãn ja tũ ẽg tóg nỹtĩ, hã kỹ ẽg kuryj tũ nỹtĩ, Topẽ mỹ. Hã ra ẽg tóg Topẽ tỹ vãsỹ ẽg jyvẽn ja ẽn mẽ kỹ ti vĩ mranh ki kanhrãn mũ, ti tỹ ẽg mỹ: “tag han tũg ra,” hen kỹ. Ge ra ẽg tóg mranh tĩ.

Roma 3:28

Tag ki kanhró ẽg nỹtĩ, ha mẽ. Ẽg tỹ Topẽ tỹ vãsỹ ẽg mỹ tó ja ẽn han sór mũ ra ẽg jykre pãno vỹ ẽg kã kã nĩ nĩ. Ẽg tỹ Jesus ki gen kỹ tóg ẽg mỹ vẽnh pãte fón ke mũ hã ra.

Roma 4:5

Topẽ jykre vỹ ge tũ nĩgtĩ. Ẽg tỹ ti ki ge kỹ ẽg tóg ti mỹ tỹ ũn há nỹtĩ. Ẽg tỹ ti ki ge tugrĩn tóg ẽg mỹ vẽnh pãte fón tĩ, ẽg tỹ ti vĩ mranh ja ti. Ẽg rãnhrãj pijé'. Topẽ tỹ nén han mũn hã vẽ.

Roma 9:11

Kỹ ag mur tũg ki, ag tỹ ver nén ũ han tũg ki Topẽ tóg ag mỹnh fi mỹ: “ũn mur vén ke mũ vỹ tỹ ũ tỹ ti nón mur ke mũ ẽn krẽm ke jẽnh ke mũ, ha vem nĩ,” he ja nĩ. Topẽ tỹ fi mỹ tó mũ kã ag tóg nén ũ há mré nén ũ kórég han ja tũ nĩ ver. Ag mur tũg ki ke ja vẽ. Topẽ tỹ ẽg mỹ ti jykre ven sór ja vẽ. Hã kỹ tóg ag mur tũg ki tag tó ja nĩ. Ti tỹ nén to jykrén mũ ẽn han ti tĩ, Topẽ ti. Kỹ tóg ti tỹ ũn kuprẽg sór mũ ẽn hã kuprẽg tĩ gé, ag tỹ ver nén ũ han tũg ki.

Roma 9:16

Ẽg tỹ to vãsãn tũ vẽ, ẽg tỹ to tar nĩnh ke tũ vẽ. Topẽ tỹ vẽsóg ki ẽg jagãgtãn hã vẽ.

Roma 9:30

Oseias mré Isaías ag tỹ tó mũ vỹ ge nĩ, ha mẽ. Fóg mré kanhgág ag pijé vẽjykre kuryj nón mũ ja nĩgtĩ'. Ge ra Topẽ tóg ag jagãgtãn kỹ ag mỹ vẽnh pãte fón mũ ha, ag tỹ Jesus ki rã kỹ, fag ke gé.

1 Corinto 6:11

Ãjag kã mĩ ũ tóg vẽjykre tỹ ge han ja nĩgtĩ, vãsỹ. Hã ra ãjag tóg vẽnh kugpe kỹ nỹtĩ, ũri. Kykũnh kỹ ãjag tóg nỹtĩ. Kỹ Topẽ tóg ãjag mỹ vẽnh pãte fón ja nĩ sir, ẽg Senhor tỹ Jesus Cristo tugrĩn, Topẽ kuprĩg tugrĩn.

Galácia 2:16

Hã kỹ ẽg tóg Topẽ tỹ vãsỹ ẽg jyvẽn tĩ ẽn ki kanhró nỹtĩ. Hã ra ẽg pijé tag tugrĩn Topẽ mỹ há nỹtĩ'. Ẽg tỹ Jesus Cristo ki ge kỹ ẽg ti mỹ há nỹtĩ. Ti tỹ ẽg tỹ ti ki ge kỹ nỹtĩ tag tugrĩn ẽg mỹ vẽnh pãte fón vẽ sir. Topẽ pijé, Moisés tỹ ẽg mỹ vẽjykre nĩm ja ẽn tugrĩn ẽg mỹ vẽnh pãte fón ke mũ'. Jesus Cristo tugrĩn ke vẽ,” he sóg, Pedro mỹ.

Éfeso 2:4

Hã ra Topẽ tóg ẽg jagãgtãn pẽ han. Ẽg to tóg há tãvĩ nĩ, kỹ ẽg tóg tỹ ti fe nỹtĩ.

Éfeso 4:23

Kỹ Topẽ mỹ to vĩm nĩ, ti tỹ ãjag mỹ ãjag jykre kurynh kãn jé, ti tỹ ãjag fe jãnhkrig jé.

Éfeso 5:26

ẽg kar tỹ tỹ ti tũ nỹtĩ jé, fag ke gé. Goj tỹ ẽg kygpe kỹ nỹtĩ. Ti vĩ tỹ tóg ẽg jyvẽn tĩ, ẽg há nỹtĩ jé.

Colossos 3:10

Kỹ vẽjykre tãg hã han kãn nĩ gé. Kỹ tóg ẽg tỹ kur tãg tu ri ke nĩ. Ẽg tỹ tóg ũ tãg han sór mũ, Topẽ ti, ẽg tỹ tỹ ti kãnhvég ri ke nỹtĩ jé, ẽg tỹ ti ki kanhrãn pẽ han jé.

2 Timóteo 1:9

Ti hã ne ẽg kren han'. Ti hã ne ẽg kuprẽg', ẽg tỹ tỹ ti tũ nỹtĩ jé. Ẽg tỹ vẽsóg ki to vãsãn pijé'. Ti hã ne to jykrén'. Kỹ tóg ẽg jagãgtãn kỹ ẽg kuprẽg, Jesus Cristo tugrĩn. Nén kar han ke to hã tóg tag to jykrén ja nĩgtĩ.

Tito 3:4

Vãhã ẽg tóg ki kanhró nỹtĩ, Topẽ tỹ ẽg jagãgtãn kỹ, ẽg kren han tĩ ti. Ti tỹ ẽg to há nĩ mẽ ẽg tóg vãhã.

Hebreu 10:22

Kỹ jatun mỹ Topẽ mré vẽmén nĩ. Ti ki rã há han nĩ. Ãjag fe tỹ ti ki gem nĩ, ãjag tỹ ti nĩgja tá junjun jé. Ón kỹ ti ki ge sór tũg nĩ. Ẽg jykre pãno kar tỹ tóg tũ' hé, ẽg tỹ to jykrén mãn tũ nĩ jé. Ẽg jãnhkri han tóg, ẽg tỹ goj jãpri tỹ vẽnh kype ẽn ri ke. Kỹ ẽg há nỹtĩ.

Hebreu 4:16

Hã kỹ ẽg tóg Topẽ mré vẽmén ke mũ, jatun mỹ. Mũmẽg ke tũ ẽg tóg nĩ. Ẽg jagãgtãn jé tóg ke mũ. Kỹ tóg ẽg tar han ke mũ gé, ẽg krój nỹtĩn kỹ.

Hebreu 6:6

Ũ tỹ ti jykre tag ve kar kỹ ti tovãnh pẽ han kỹ tóg ti ki rã mãn ke tũ nĩ ha. Ti jykre kórég tovãnh mãn ke tũ ti nĩ ha. Ha vé, ẽg tỹ ti ki rã há han kar kỹ ti tovãnh pẽ han kỹ ẽg tóg ti tỹ krunh to sa mãn ri ke han mãn mũ sir, Topẽ kósin ti. Ẽg tỹ vẽnh kar tỹ ti to é he han mãn vẽ sir.

1 Pedro 1:3

Topẽ mỹ sóg vĩ há han tĩ, ẽg Senhor tỹ Jesus Cristo panh mỹ. Ẽg jagãgtãn tãvĩ han tóg tĩ. Jesus Cristo rĩn mãn tóg, ti ter kar kỹ, kỹ tóg Jesus tugrĩn ẽg mur mãn ri ke han tĩ gé. Kỹ tóg ẽg mỹ sér tĩ,

1 Pedro 2:10

Ãjag pijé vãsỹ tỹ ũ tũ ja nỹtĩgtĩ'. Ũri ãjag tóg tỹ Topẽ povo nỹtĩ, ti tũ. Ãjag pijé vãsỹ Topẽ tỹ ãjag jagãgtãn sór mũ tag mẽ ja nĩgtĩ'. Ũri tóg hã ra ãjag jagãgtãn, Topẽ ti.

1 Pedro 3:21

Goj tỹ ãjag tóg kygpe kỹ nỹtĩ, ãjag krenkren jé. Barco tỹ goj kri tĩg ri ken hã vẽ, hã vỹ: batismo, he mũ. Ãjag mro pijé'. Topẽ tỹ ẽg fe kavéj tỹ jãnhkri' he to ken hã vẽ. Ẽg tỹ Topẽ mỹ vẽnh fẽg to ken hã vẽ. Topẽ vỹ Jesus Cristo rĩn mãn ja nĩ, hã kỹ tóg ẽg krenkren han ke mũ gé.