Tito 3:3 - O Novo Testamento na língua Kaingáng

³ Ha vé, vãsỹ ẽg tóg kórég ja nỹtĩgtĩ gé. Ki kagtĩg ja ẽg nỹtĩgtĩ. Ti vĩ mranh ja ẽg tóg nĩgtĩ gé. Vãgfor mũ ja ẽg tóg nĩgtĩ, kỹ ẽg tóg ũ tỹ ón kỹ ẽg mỹ vẽjykre tó mũ ẽn vĩ han ja nĩgtĩ gé.

Tito 3:3 Iomraidhean Croise

Mateus 21:29

Kỹ tóg ti panh ti mỹ: “vó,” he mũ. Kar kỹ tóg to jykrén mãn kỹ tĩ mũ sir, ẽpỹ ra.

Lucas 21:8

Kỹ tóg ag mỹ: “ker ũ vĩ jẽmẽ hẽ',” he mũ. “Ũ tỹ hẽn ri ke ag vỹ ón kỹ ijiji tónh kãmũnh mũ. “Cristo vỹ tỹ inh nĩ. Inh kurã vỹ hur jun,” he jé ag tóg ke mũ. Ag nón mũ tũg nĩ.

João 8:34

Hã ra tóg: “ki hã sóg tó mũ,” he mũ. “Ãjag tỹ Topẽ vĩ mranh kỹ ãjag tóg tỹ ti vĩ mranh jafã nỹtĩ, kỹ tóg ẽg tỹ patrão kórég vég mũ ri ke nĩ.

Roma 11:30

Vãsỹ ãjag tóg Topẽ vĩ ki kagtĩg ja nỹtĩgtĩ gé. Hã ra Topẽ tóg ũri ãjag jagãgtãn, ãjag tỹ ti ki ge jé, Judeu tỹ ti vĩ mranh mũ ag nỹtĩg ja ki.

Roma 6:12

Ẽg jykre vỹ Topẽ vĩ mranh sór mũ, ẽg jykre ter ke tag. Ẽg jykre tỹ nén to én mũ ẽn han tũg nĩ. Topẽ vĩ mranh tũg nĩ.

Roma 6:17

Vãsỹ ãjag tóg tỹ Topẽ vĩ mranh jafã ja nỹtĩgtĩ. Hã ra ãjag tóg ũri Topẽ vĩ kri fig tĩ ha, ãjag fe tỹ ti ki ge kỹ. Ãjag tỹ Topẽ vĩ mẽ ja ẽn kri nĩm ãjag tóg tĩ. Kỹ sóg Topẽ mỹ vĩ há han tĩ, ãjag to.

Roma 6:22

Ũri ãjag tóg kygvar kỹ nỹtĩ, mỹr, ha mẽ, Topẽ vĩ mranh ja ẽn tỹ tóg tũ' he ja nĩ. Topẽ mỹ ãjag vẽnh fẽg kỹ nỹtĩ. Ãjag tỹ nén han mũ vỹ tỹ ti tũ nĩ, ti jykre kuryj. Kỹ ãjag tóg ter ke tũ nĩ ha. Ãjag kuprĩg vỹ rĩr nĩ ha.

Roma 6:6

Ti tỹ krunh to sa kỹ ẽg jykre pãno tóg ti mré to sa gé. Kỹ tóg tũ' he mũ, ẽg tỹ ti vĩ mranh mãn tũ nĩ jé. Topẽ vĩ mranh jafã vỹ tỹ ẽg nỹtĩ ja nĩgtĩ. Hã kỹ tóg tỹ tũ' he ja nĩ, Jesus Cristo ti. Hã kỹ ẽg tóg ũri Topẽ vĩ mranh tĩ ag ri ke tũ nỹtĩ ha.

2 Corinto 12:20

Tag hã to sóg jykrén mũ, ha mẽ: hẽn ri ke mũn ẽg tóg jagnẽ tỹ ũn mũ, sỹ ãjag ki jun kỹ. Hẽn ri ke mũn ãjag tóg jagnẽ to jũ mũ. Hẽn ri ke mũn ãjag tóg jagnẽ tũ ki vẽ'ĩ mũ. Hẽn ri ke mũn ãjag tóg jagnẽ to vĩ kónãn mũ. Hẽn ri ke mũn ãjag tóg jagnẽ to vĩ vĩ henh mũ. Hẽn ri ke mũn ãjag tóg jagnẽ kãfór nỹtĩ sór mũ. Hẽn ri ke mũn ãjag tóg vẽjykre e han sór mũ.

Galácia 6:3

Kejẽn ũ tóg vẽsóg ki vẽsỹ ũn mág han sór mũ. Hã ra tóg tỹ nén ũ tũ nĩ. Ti tỹ kygnẽ vẽ. Vẽnh hã mỹ tóg ón mũ sir.

Colossos 1:21

Hã kỹ tóg ãjag to há nĩ ha ke gé. Vãsỹ ãjag tóg vẽjykre kórég hã han ja nĩgtĩ, hã kỹ ãjag tóg Topẽ kato vãsãnsãn ja nĩgtĩ.

Colossos 3:7

Tag han ja ãjag tóg nĩgtĩ, vãsỹ, ãjag tỹ vẽjykre kórég tag mĩ mũn kỹ.

2 Timóteo 3:13

Ẽg jãvo ũn jykre pãno ag vỹ komẽr hã vẽjykre pãno han kãn kỹ nỹtĩ, ũn ónón mũ ag ke gé. Ũ ag lograr (ke) he ag tóg tĩ, hã ra ag tóg ag lograr (ke) he tĩ gé, vẽnh kato.

2 Timóteo 3:6

Ag kã mĩ ũ ag vỹ ĩn kar mĩ mũnh mũ. Kỹ ag tóg ũn tỹtá kórég fag mré vẽmén sór ke mũ, ũ tỹ Topẽ vĩ mranh tĩ fag, ũn én (ka)mẽ fag.

Tito 1:16

“Topẽ ki kanhró ẽg tóg nỹtĩ,” he ag tóg tĩ, ón kỹ. Hã ra ag tóg ti jykre han tũ nĩgtĩ. Ag tỹ ti jykre han vãnh ki ẽg tóg vég tĩ, ag ón mũ ti. Ũ tỹ ge to ti kórég nĩ, Topẽ ti.

Tito 2:12

Kỹ tóg ẽg kanhrãn sór mũ gé, ẽg tỹ ti kato tẽ tũ nĩ jé, ẽg tỹ nén to én sór mũ ẽn han tũ nĩ jé gé, ẽg tỹ ga kri mũn kỹ, ẽg tỹ vẽso jykrén jé, vẽjykre kuryj han jé, Topẽ jykre ti.

Tiago 1:26

Ũ ag tóg Topẽ to: “ti to sóg há nĩ,” he tĩ. Hã ra ag tóg ũ to vĩ kónãn tĩ, ag vĩ to jykrén tũ nĩn kỹ. Kỹ ag tóg ón kỹ: “ti to sóg há nĩ,” he ja nĩgtĩ. Kygnẽg ẽg tóg tĩ, ẽg tỹ gen kỹ.

1 Pedro 1:14

Vãsỹ ãjag tóg ãjag tỹ nén to én mũ ẽn han ja nĩgtĩ, ãjag tỹ Topẽ vĩ mẽ ja tũ nỹtĩn kỹ. Ũri Topẽ vĩ hã han nĩ. Ãjag tỹ vãsỹ nén han ja ẽn tovãnh kãn nĩ.

Nén Venh Ke 12:9

Mĩg fẽr ẽn kutẽm ag tóg mũ sir. Pỹn ve tỹ ũn ve fag krĩn kónãn mũ ẽn hã vẽ. Japon hã vẽ. Satanás hã vẽ. Ẽprã ke ag tỹ Topẽ kato vãsãnsãn han mũ ẽn hã vẽ, hã vỹ: mĩg fẽr, he mũ. Ag tỹ kanhkã tá ti kutẽm kỹ ag tóg ga kri ti fón mũ sir, ti krẽm ke kar ag mré hã.

Nén Venh Ke 13:14

Ti tỹ ẽg tỹ nén han vãnh tỹ hẽn ri ke hynhan kỹ tóg ẽprã ke kar mỹ ón mũ, ag tỹ ti kamẽg jé. Goj kã tá mĩg ẽn rĩnve tóg milagre tỹ hẽn ri ke hynhan mũ. Kỹ tóg ẽprã ke ag mỹ: “ag tỹ mĩg ẽn fynh mũ ra tóg ter ja tũ nĩ. Ha ti kãgrá han',” he mũ, ga kã tá mĩg ẽn ti.

Nén Venh Ke 18:2

Ẽn vỹ prẽr mũ. “!..Kókén kỹ ti nỹ ha..!“ he tóg mũ, prẽr kỹ. “!..Babilônia vỹ kókén kỹ nỹ, ẽmã mág ẽn ti..!“ he tóg. “!..Japo ag, vẽjagrẽ kórég ag vỹ tá ẽmã nỹtĩ ha..! Sẽsĩ kavéj kar, ũn kórég kar vỹ tá nỹtĩ ha, ẽmã jy ró ẽn kã ki..!