Tito 3:2 - O Novo Testamento na língua Kaingáng

² “Ũ to vĩ kónãn tũg nĩ,” hem nĩ ag mỹ. “Ũ vĩ kafãn tũg nĩ. Vẽnh kar mỹ vĩ há han nĩ. Vẽnh kar mỹ komẽr hã vĩm nĩ,” hem nĩ ag mỹ.

Tito 3:2 Iomraidhean Croise

Mateus 11:29

“Inh mré kãmũ jẽg. Ãjag kanhrãn jé sóg ke mũ. Komẽr hã sóg vĩ tĩ. Inh pijé vẽsỹ ũn mág han tĩ'. Vĩ tar han vãnh sóg nĩ. Ãjag tỹ iso kãmũ kỹ ãjag krĩ vỹ há' henh mũ, ha vem nĩ.

Han Kãme 23:5

Kỹ tóg: “mẽ',” he mũ. “Ti tỹ tỹ pã'i mág nĩ ki sóg kagtĩg ja nĩ. Sỹ ki kanhró nĩ ra sóg ti mỹ vĩ kónãn ke tũ nĩ vẽ. Topẽ vĩ ki tag tóg rán kỹ nĩ, hã vỹ: ã povo tỹ tỹ pã'i mág nĩn kỹ to vĩ kónãn tũg nĩ, he mũ,” he tóg.

1 Corinto 6:10

Ũn tũ péju(g) tĩ ẽn pijé venh ke mũ'. Ũ tỹ nén kar to én mẽ pijé venh ke mũ'. Ũn kron mẽ pijé venh ke mũ'. Ũ tỹ ẽg to vĩ kónãn tĩ pijé venh ke mũ'. Ũ tỹ ẽg vatánh tá ẽg tũ mãg tĩ pijé venh ke mũ'. Topẽ tỹ tỹ ẽg pã'i nĩ venh ke tũ ag tóg nĩ, vẽjykre tỹ ge han tĩ ag.

1 Corinto 9:19

Ũ pijé tỹ inh kri ke nĩ'. Ge ra sóg vẽsỹ vẽnh kar krẽm ke han. “Hẽn ri ke mũn ũ tóg Jesus ki rã sór mũ, isỹ tỹ ti krẽm ke nĩn kỹ,” he sóg tĩ. Hã jé sóg vẽsỹ ag krẽm ke han tĩ, ũ tỹ ti ki ge mũ ag e nỹtĩ jé, isugrĩn.

2 Corinto 10:1

Ha vé, ãjag jyvẽn sór inh mũ, inh, hã vỹ: Paulo, he mũ. Sỹ ãjag mré nĩn kỹ sóg nẽji komẽr hã vĩ tĩ. Kỹ, isỹ kór há tá nĩn kỹ isóg nẽji vĩ jũ han tĩ, ãjag mỹ. Cristo ne komẽr hã vĩ tĩ'. Ũn há vẽ, Cristo ti. Ti jykre hã han sór inh nĩgtĩ.

2 Corinto 12:20

Tag hã to sóg jykrén mũ, ha mẽ: hẽn ri ke mũn ẽg tóg jagnẽ tỹ ũn mũ, sỹ ãjag ki jun kỹ. Hẽn ri ke mũn ãjag tóg jagnẽ to jũ mũ. Hẽn ri ke mũn ãjag tóg jagnẽ tũ ki vẽ'ĩ mũ. Hẽn ri ke mũn ãjag tóg jagnẽ to vĩ kónãn mũ. Hẽn ri ke mũn ãjag tóg jagnẽ to vĩ vĩ henh mũ. Hẽn ri ke mũn ãjag tóg jagnẽ kãfór nỹtĩ sór mũ. Hẽn ri ke mũn ãjag tóg vẽjykre e han sór mũ.

Galácia 5:22

Topẽ kuprĩg tỹ ẽg kanhrãn mũ vỹ kórég tũ nĩ. Há kar ti nĩ. Ti tỹ ẽg kanhrãn to ken hã vẽ, hã vỹ: jagnẽ to há, he mũ, mỹ sér tĩ, krĩ kuprã, jagnẽ to fe há nỹtĩ, komẽr hã vĩ, jagnẽ jagãgtãn tĩ, jagnẽ mỹ ón vãnh,

Galácia 6:1

Inh kanhkã', kejẽn ãjag kã mĩ ũ tóg kygnẽg tĩ, vẽnh vatánh tá. Kỹ ti mỹ: “ã mỹ kygnẽ ja tũ?“ hem nĩ, ãjag tỹ Topẽ kuprĩg tỹ jagrẽ nỹtĩn kỹ. Komẽr hã ti mỹ tóm nĩ. Kỹ vẽso jykrén há han nĩ gé, ãjag tỹ ti kóm kygnẽg tũ nĩ jé.

Galácia 6:10

Hã kỹ ẽg tóg vẽnh kar jagãgtãn ke mũ, ũ tỹ ẽg mré Jesus ki ge kỹ nỹtĩ fag mré hã.

Éfeso 4:2

à régre to: “ti kãfór vỹ tỹ inh nĩ,” he sór tũg nĩ. Jagnẽ mỹ komẽr hã vĩm nĩ. Jagnẽ to fe nỹtĩm nĩ. Jagnẽ to há nỹtĩm nĩ. Jagnẽ ajudar hem nĩ.

Éfeso 4:31

Jagnẽ to jykrén kónãn tũg nĩ. Jagnẽ to krĩ rỹ han tũg nĩ. Ãjag fe tỹ gỹm ke mẽ nỹtĩ tũg nĩ. Féfén tũg nĩ. Jagnẽ to vĩ kónãn tũg nĩ. Vẽjykre pãno tovãnh kãn nĩ.

Filipos 4:5

Vẽnh kar to fe nỹtĩm nĩ. Ẽg Senhor kãtĩg mãn ke vỹ kakó tĩ ha, ha mẽ.

1 Tessalônica 2:7

Cristo hã vỹ inh jẽnẽ ja nĩ. Hã kỹ tóg, sỹ ãjag mỹ vĩ tar han há tĩ vẽ. Hã ra sóg ke ja tũ nĩ. Komẽr hã sóg vĩ ja nĩgtĩ. Ẽg tỹ ẽg krẽ kãsir mré vĩ ri ke han ja sóg nĩgtĩ.

1 Timóteo 3:11

Kỹ ũ tỹtá tỹ igreja to kófa mré rãnhrãj tĩ fag vỹ ge nỹtĩnh mũ gé. Fag tỹ nén ũ há han kãn kỹ tóg há tĩ, fag tỹ ũ mỹ vĩ kónãn tũ nĩn kỹ, fag tỹ fag rãnhrãj ki rĩr há han kỹ. Kỹ fag tóg Topẽ rãnhrãj han ke mũ.

1 Timóteo 3:3

ũ tỹ goj fa kron vãnh, ũ tỹ ti fe tỹ gỹm ke vãnh, ũ tỹ vẽnh kar mỹ komẽr hã vĩ tĩ, ũ tỹ vẽnh kar krĩ kuprã nĩ ve sór tĩ, ũ tỹ riko nĩ sór vãnh,

Tiago 3:17

Ẽg tỹ hã ra Topẽ tỹ ẽg kanhrãn mũ han kỹ ẽg tóg jãnhkri nỹtĩ, kavéj tũ mỹr. Jagnẽ to ẽg tóg krĩ kusa nỹtĩ. Jagnẽ mỹ ẽg tóg komẽr hã vĩ tĩ gé. Jagnẽ jagãgtãn ẽg tĩ sir. Nén kar há han ẽg tĩ. Topẽ vĩ to ẽg tar nỹtĩ. Jykre régre tũ ẽg nỹtĩ.

Tiago 4:11

Inh kanhkã', jagnẽ to vĩ kónãn tũg nĩ. Ãjag tỹ jagnẽ to vĩ kónãn kỹ ãjag tóg Topẽ jykre to vĩ kónãn mũ sir. Kỹ ãjag tóg to: “nén ũ tũ vẽ,” he mũ sir, Topẽ tỹ ẽg mỹ vẽjykre nĩm ja ẽn to. Ãjag tỹ hã ra ti jykre to vĩ kónãn kỹ ãjag tóg ki króm ke tũ pẽ nĩ sir.

1 Pedro 2:1

Hã kỹ ãjag jykre kórég tovãnh kãn nĩ. Ón mãn tũg nĩ. Ũ lograr he mãn tũg nĩ. Ũ tũ to én mãn tũg nĩ. Ũ to vĩ kónãn mãn tũg nĩ gé.

1 Pedro 3:10

Hã kỹ tag tóg rán kỹ nĩ, ha mẽ: “ãjag mỹ jatun mỹ nỹtĩ sór mũ', nén ũ kar tỹ ãjag mỹ sér tĩ jé'? Kỹ vĩ kónãn mãn tũg nĩ. Ón mãn tũg nĩ gé.

1 Pedro 3:8

Vãhã sóg ãjag mỹ: “jagnẽ mré vẽjykre pir han nĩ,” he mũ. “Ũ fỹ kỹ ti mré fỹm nĩ. Ũ mỹ sér tĩn kỹ ti mré mỹ sér nĩm nĩ. Jagnẽ to há tãvĩ nỹtĩm nĩ. Jagnẽ mré komẽr hã vĩm nĩ. Jagnẽ kãfór han sór tũg nĩ.

1 Pedro 4:4

Ũri ãjag tóg tag han mãn sór tũ nỹtĩ ha. Hã kỹ tóg ag mỹ e tĩ, ũ tỹ vẽjykre kórég to tar nỹtĩ ag mỹ, ãjag tỹ ag mré ag jykre pãno han mãn sór tũ nỹtĩn kỹ, ãjag tỹ ag krĩ tũ jãvo krĩ há nỹtĩn kỹ. Hã kỹ ag tóg ãjag to vĩ kónãn tĩ, ũri.

2 Pedro 2:10

Ũ ag vóg kónãn mág pẽ han jé tóg ke mũ, hã vỹ: ũ tỹ ag tỹ nén to én mũ han tĩ ẽn ag, he mũ, ũn vẽnh kavénh tĩ ag, he mũ, ũ tỹ: “Topẽ pijé tỹ ẽg Senhor nĩ',” he mũ ẽn ag, he mũ. Ón kỹ Topẽ vĩ tó tĩ tag ag vỹ ẽg vĩ kafãn tĩ. “Inh hã tóg ki kanhró nĩ,” he ag tóg tĩ. Kỹ ag tóg kanhkã tãn ag kamẽg vãnh nỹtĩ gé. Ag to ag tóg vĩ kónãn tĩ.

Judas 1:10

Hã ra ũn ón tĩ tag ag vỹ kanhkã tãn ag to vĩ kónãn tĩ, ag tỹ ag ki kagtĩg hã ra. Misu ri ke ag nỹtĩ, ag tỹ ag tỹ nén to én mũ ẽn han mũn kỹ. Krĩ tũ ag nỹtĩ, hã kỹ ag tóg nén ũ vẽnhmỹ kar han tĩ. Hã ra Topẽ vỹ ag vóg kónãn ke mũ.

Judas 1:8

Kỹ ũ tỹ Topẽ to ón mũ ag vỹ vẽjykre kórég han mũ ẽn ag ri ke han tĩ gé. Topẽ vĩ mranh kỹ ag tóg nỹtĩ. Ag vẽnh péti tóg ag mỹ sér tĩ. Hã ra ag tóg vẽnh kavénh tĩ, ag jykre pãno tugrĩn. “Ẽg pijé tỹ ũ krẽm ke nỹtĩ',” he ag tóg tĩ. Kỹ ag tóg ẽg tỹ ũn vég tũ ag to vĩ kónãn tĩ gé, ũ tỹ kanhkã tỹ tỹ ũn mág nỹtĩ ag mỹ.