Tito 1:9 - O Novo Testamento na língua Kaingáng

⁹ Topẽ vĩ mẽ ja tóg nĩ. Kỹ ti tỹ tag kã jatu tũ nĩn kỹ tóg há tĩ gé. Kỹ tóg ũ tỹ ti vĩ mẽg mũ ag kanhrãn há han ke mũ gé. Ũ tỹ ti vĩ kafãn mũ mỹ tóg tó há han ke mũ gé.

Tito 1:9 Iomraidhean Croise

Han Kãme 18:28

Judeu ag mré tóg vĩ tĩ, vẽnh kar jo. Ag mỹ tóg Topẽ vĩ tó tĩ, vãsỹ rán kỹ nĩ ẽn ti. Kỹ tóg ag mỹ Cristo kãmén mũ sir. “Cristo vỹ tỹ Jesus ti nĩ,” he tóg mũ, ag mỹ, Apolo ti.

1 Corinto 14:24

Ãjag tỹ ẽg vĩ ki jagnẽ jykre ki kanhrãn kỹ jagnẽ jyvẽn kỹ tóg hã ra há tĩ. Kỹ ũ tỹ Jesus ki rã tũ vỹ jun mũ. Kỹ tóg ãjag vĩ mẽnh mũ, kỹ tóg to jykrén ke mũ sir. Ãjag vĩ to tóg: “hỹ, hã vẽ,” henh ke mũ. Ti jykre pãno to tóg jykrén ke mũ gé.

1 Tessalônica 5:21

Ũ tỹ ãjag mỹ vĩn kỹ to: “vẽnh vĩ há mỹ'?“ hem nĩ. Ti tỹ tỹ ãjag mỹ vẽnh vĩ há nĩn kỹ jẽmẽm nĩ.

2 Tessalônica 2:15

Inh kanhkã', tar nỹtĩm nĩ, sỹ ãjag kanhrãn to, ãjag tỹ ki króm jé. Isỹ ãjag mỹ Jesus jykre tó mũ ẽn to tar nỹtĩm nĩ, sỹ ãjag mỹ nén rán mũ tag to ke gé.

1 Timóteo 1:10

ag prũ tũ fag mré ag tóg nỹ tĩ, fag mén tũ ag mré, jagnẽ mỹ ag tóg ón tĩ, jagnẽ to ag tóg ón tĩ gé. Vẽjykre pãno kar han ag tóg tĩ. Topẽ tỹ nén ũ to: “kórég ti nĩ,” he mũ ẽn han kãn ag tóg tĩ.

1 Timóteo 1:15

Tag vỹ tỹ vẽnh vĩ há nĩ, ha mẽ. Kỹ vẽnh kar tỹ tag to há nỹtĩ ran jé há tĩ vẽ, hã vỹ: “Jesus Cristo vỹ ga kri mur, ti tỹ Topẽ vĩ mranh tĩ ag krenkren han jé,” he mũ. Ti vĩ mranh tĩ ag kar kórég kãfór vỹ tỹ inh nĩ.

1 Timóteo 1:19

Ti ki rã to krónh ke tũg nĩ. Vẽjykre pãno han sór tũg nĩ. Ũ ag tóg vẽjykre pãno han mãn ja nĩgtĩ. Hã ra ag tóg kykũnh sór ja tũ nĩgtĩ. Hã kỹ ag tóg ti ki rã kar kỹ ti tovãnh ja nĩgtĩ.

1 Timóteo 4:9

Tag vỹ tỹ vẽnh vĩ há nĩ. Vẽjykre kuryj tỹ vẽnh kar mỹ há nĩ ra tóg há tĩ vẽ.

1 Timóteo 6:3

Ũ tóg vyr mỹ jykrén kỹ nén ũ tó sór tĩ. Topẽ vĩ rán kỹ nĩ ẽn tó sór tũ tóg nĩgtĩ. Ẽg Senhor tỹ Jesus Cristo tỹ nén tó mũ ẽn tovãnh kỹ tóg nĩ ha, vẽnh vĩ há ẽn, Topẽ jykre ẽn.

2 Timóteo 1:13

Isỹ nén tỹ ã kanhrãn ja ẽn kã jatu tũg nĩ. Vẽnh vĩ há vẽ, sỹ ã mỹ nén tó ja ti. Tag ki króm kỹ inh ri kén kãmén nĩ. Ti ki rã to tar nĩm nĩ, vẽnh kar to há nĩm nĩ gé. Jesus Cristo tỹ nén han ja ẽn ri ke han nĩ.

2 Timóteo 2:2

Inh vĩ mẽ ã, sỹ ũn e ag kanhrãn kỹ. Tag tóm nĩ gé, inh kóm, ũ tỹ krónh ke tũ ag mỹ.

2 Timóteo 2:25

Ũ tóg ti vĩ kafãn sór mũ. Ẽn mỹ ã tóg vĩ há han ke mũ. Komẽr hã ã tóg ag mỹ Topẽ vĩ tónh ke mũ, Topẽ tỹ ag jagãgtãn jé, ag tỹ ag jykre pãno tovãnh kỹ vẽnh vĩ há hã nón mũ jé.

2 Timóteo 3:14

Ag jãvo isỹ ã mỹ nén tó ja ẽn mĩ tĩg nĩ, ã tỹ nén mẽ ja kar ẽn mĩ, ã tỹ ki rã kỹ jẽ ẽn mĩ. Isỹ ã kanhrãn ja ẽn to tar nĩm nĩ. Inh jykre ki kanhró ã tóg nĩ.

2 Timóteo 4:3

Kurã tỹ ẽgno to hã ag tóg jẽmẽ sór ke tũ pẽ nĩ, vẽnh vĩ há ti, ha vem nĩ. Kỹ ag tóg vẽnh vĩ kórég nón mũ sór mũ, ag tỹ nén to én mũ ẽn ti. Ũ tỹ ón kỹ ag mỹ tónh ke mũ ẽn vỹ vẽme sér tónh ke mũ. Kỹ tóg ag mỹ sér tĩnh mũ.

Tito 1:11

Ẽg tỹ ag vĩ tỹ tũ' henh ke vẽ. Ha vé, ũ fag ne ag vĩ kri fi sór mũ', kỹ fag tóg Topẽ vĩ tovãnh sór mũ, fag mén mré hã, fag krẽ mré hã. Un'ón ag tóg tĩ, ũ tỹ fag kanhrãn sór mũ ag. Hã ra ag tóg hã to jãnkamy ve sór mũ, ag tỹ riko nỹtĩ jé.

Tito 2:1

Ag jãvo Topẽ vĩ kãmén há han nĩ, ã tỹ ag jyvẽn kỹ, Tito'.

Judas 1:3

Inh krẽ', ãjag mỹ sóg Topẽ tỹ ẽg kar kren han tag tónh ke nĩ vẽ, inh vẽnh rá tag ti ki. Hã ra vãhã ũ ag tóg ãjag krĩn kónãn sór mũ ha. Hã kỹ sóg ãjag mỹ: “Topẽ ki rã to tar nỹtĩm nĩ,” he mũ. Topẽ tỹ ẽg mỹ nén tó mũ vỹ pir nĩ, hã vỹ: “Topẽ jykre to tar nĩ,” he mũ. Ti tũ ag kar mỹ tóg tag tó ja nĩ. Ũ tỹ tag kato vĩ kỹ ti vĩ jẽmẽ sór tũg nĩ.

Nén Venh Ke 2:25

Ãjag tỹ nén han mũ to tar nỹtĩm nĩ. Gen kỹ inh kãtĩg mãn ke tag jãvãnh nỹtĩm nĩ.

Nén Venh Ke 3:11

Kãnhmar inh kãtĩg ke mũ. Ãjag tỹ inh ki ge kỹ nỹtĩ tag tovãnh tũg nĩ. Ke tũ nĩ mũ ra ũ ag tóg ãjag nỹtĩg ja ki nỹtĩn kỹ nén tỹ ãjag mỹ sér tĩnh ke mũ ẽn venh ke mũ, inhhã.

Nén Venh Ke 3:3

Vẽnh vĩ sér mẽ ãjag mỹr. Kỹ to jykrén há han nĩ. To tar nỹtĩm nĩ. To vãsãn nĩ. Ãjag nũgnũr kỹ sóg ãjag krĩg mỹ jun ke mũ. Ũ tỹ ẽg tỹ nén péju tĩ tỹ ẽg nũr krĩg mỹ jun ẽn ri ke han jé sóg ke mũ. Inh jun ke kurã ki kagtĩg ãjag tóg nỹtĩ mỹr.