Tito 1:8 - O Novo Testamento na língua Kaingáng

⁸ Ti tỹ ũ tỹ kuvar há tá kãmũ ag mỹ: “inh mré jẽ,” hen kỹ tóg há tĩ, ti tỹ vẽjykre há to há nĩn kỹ, ti tỹ vẽso jykrén kỹ, vẽjykre kuryj han kỹ, Topẽ vĩ hã ki króm kỹ.

Tito 1:8 Iomraidhean Croise

Lucas 2:25

Hã ra Jerusalém tá ũ tóg nĩ nĩ, ti jiji hã vỹ: Simeão, he mũ. Ũn jykre kuryj vẽ. Topẽ kamẽg tóg tĩ, ti kuprĩg tỹ tóg jagrẽ nĩ. Ti tỹ Israel ag krenkren han ke mũ ẽn jãvãnh tóg tĩgtĩ.

Han Kãme 24:25

Kỹ tóg fag mỹ vẽjykre kuryj kãmén há han mũ sir. Ẽg tỹ vẽso jykrén kỹ nén ũ vẽnh mỹ han ke tũ kãmén tóg mũ gé. Topẽ tỹ kar kỹ ẽg jykre tugnỹm ke tó tóg mũ. Kỹ Félix tóg jũrũn' ke mũ sir, ti tỹ ti jykre pãno to jykrén kỹ. Kỹ tóg ti mỹ: “ha ver tĩg. Kejẽn sóg ã ki jẽmẽ mãn mũ gé,” he mũ.

1 Tessalônica 2:10

Isỹ nén han mũ ve kãn ãjag tóg, kỹ Topẽ vỹ inh vég tĩ gé. Topẽ jykre hã han isóg tĩ, vẽjykre kuryj ti. Nén ũ vẽnhmỹ han vãnh sóg nĩgtĩ. Ãjag rĩnve sóg han, ãjag tỹ Jesus ki ge kỹ nỹtĩn kỹ.

1 Timóteo 3:2

Ũ tỹ kygnẽ mẽ tũ vỹ há nĩ, ũ tỹ prũ pir han kỹ nĩ, ũ tỹ nén ũ há to jykrén tĩ, ũ tỹ vẽso jykrén tĩ, ũ tỹ kór há tá ke ag mỹ: “inh ĩn ki nũr kãtĩg,” he tĩ, ũ tỹ ag kanhrãn há han tĩ,

1 Timóteo 4:12

Kyrũ ã tóg jẽ. Ũ jé ã to é he tũg. Nén kar há ẽn han nĩ, ag tỹ ve jé, ag tỹ ã kóm han sór jé, ã vĩ ri ke ẽn ti, ã tỹ vẽnh kar to há nĩ ri ke, ã tỹ Jesus ki rã kỹ jẽ ri ke, ã tỹ nén ũ jãnhkri han ri ke ke gé.

1 Timóteo 6:11

Ag jãvo ã hã vỹ tỹ Topẽ tũ nĩ. Kỹ vẽjykre kórég tag tovãnh kãn. Ã tỹ nén han ken hã vẽ, hã vỹ: vẽjykre kuryj, he mũ, Topẽ kamẽg mũ, ti ki rã kỹ tĩ, vẽnh kar to há nĩ, he mũ, komẽr hã vĩ, he mũ gé.

2 Timóteo 2:22

Kyrũ ag vỹ nén ũ kar to én (ka)mẽ nỹtĩ. Ẽn tovãnh kãn nĩ. Vẽjykre há hã mĩ tĩg sórm nĩ. Jesus ki rã há han nĩ. Vẽnh kar to há nĩm nĩ. Krĩ kuprã nĩm nĩ, ũ tỹ tỹ ẽg Senhor mré ke ag to, ũn jãnhkri ag to, vẽnh kar to ke gé.

2 Timóteo 3:3

Jagnẽ to kórég ag nỹtĩnh mũ, ag krẽ to ke gé. Jagnẽ mỹ vẽnh pãte fón ke tũ ag nĩ gé. Jagnẽ to ag ónón ke mũ. Vẽso jykrén ke tũ ag tóg nĩ. Ag tỹ ũ vóg kónãn kỹ tóg ag mỹ sér tĩnh mũ. Vẽjykre há kato tẽ jé ag tóg ke mũ.

Tito 2:7

Tag han nĩ gé, Tito', vẽnh kar tỹ ã jykre há tag ve kỹ ã kóm vẽjykre há han sór jé gé. Ã tỹ ag kanhrãn kỹ ki hã tóm nĩ. Kanhir kỹ vĩ tũg nĩ.

1 João 3:14

Ha vé, jykre tãg ẽg nỹtĩ, kỹ ẽg tóg ẽg rĩr krỹg ja tũ venh ke mũ. Ẽg jykre pãno tovãnh ẽg huri. Tag ki kanhró ẽg nỹtĩ, ẽg tỹ ũ tỹ ẽg mré ti ki rã kỹ nỹtĩ kar ag to há nỹtĩn kỹ. Ũ tỹ ẽg mré Jesus ki rã mũ to há tũ nĩ ẽn vỹ, ẽg rĩr krỹg ja tũ ti venh ke tũ nĩ.

1 João 5:1

Ẽg tỹ Jesus to: “Cristo vỹ tỹ ti nĩ, Topẽ kósin vỹ tỹ ti nĩ,” hen kỹ ẽg tóg tỹ ti jãvy nỹtĩ. Ẽg jóg mág to há nỹtĩn kỹ ẽg tóg ti krẽ ũ ag to há nỹtĩnh ke mũ gé, ũ tỹ ẽg mré ti ki ge kỹ nỹtĩ ag to.