Tito 1:5 - O Novo Testamento na língua Kaingáng

⁵ Ã mỹ sóg: “ ver goj vãso tỹ Creta tá nĩm nĩ,” he ja nĩgtĩ, ã tỹ tá isỹ nén han kãn ja tũ ẽn han kãn jé. Hã kỹ sóg ã mỹ: “ẽmã kar ki ũ ag kuprẽg, ag tỹ tỹ igreja to kófa nỹtĩ jé,” he ja nĩ.

Tito 1:5 Iomraidhean Croise

Han Kãme 11:30

Kỹ ag tóg Barnabé jẽnẽg mũ, Saulo ke gé, ag tỹ gé(g) mũ jé, igreja to kófa ag mỹ vin jé, ag tỹ Jesus ki ge kỹ nỹtĩ ag mỹ kãnhkrén jé.

Han Kãme 14:23

Kỹ ag tóg ag mỹ igreja to kófa ag kuprẽg mũ, ag tỹ Jesus ki ge kỹ nỹtĩ ag ki rĩr jé. Ag to ag tóg Topẽ mré vĩ mũ gé, nén ũ ko mẽ kã. Kỹ ag tóg: “Topẽ vỹ ãjag ki rĩr há han mũ,” he mũ. Kỹ ag tóg mũ mũ sir.

Han Kãme 2:11

Ũ ag tóg tỹ Judeu nỹtĩ, kar kỹ ũ ag tóg tỹ fóg tỹ Judeu jykre han mũ nỹtĩ gé. Ũ ag tóg goj vãso tỹ Creta tá kãmũ mũ, ũ ag tóg ga tỹ Arábia tá kãmũ mũ gé. Ẽg kar tóg ẽg vĩ pẽ ki ag tỹ Topẽ kãmén mũ mẽg mũ,“ he ag tóg.

Han Kãme 27:12

Canoa sag ja ẽn tóg há sĩ nĩ, hã kỹ ag tóg tá kusa kã pa vãnh nỹtĩ. Hã kỹ ũn e ag tóg tá pa sór mũ, ag tỹ ẽmã tỹ Fenice tá kusa kã pa jé. Goj vãso tỹ Creta tá ẽmã ũ vẽ, canoa sag ja há ũ vẽ.

Han Kãme 27:13

Hã ra kãka sĩ tóg komẽr hã kraug he mũ sir. Kỹ tóg ag mỹ há tĩ. Hã kỹ ẽg tóg tá pa kỹ Creta fyr kakó ra mũ mũ sir.

Han Kãme 27:21

Hã ra ẽg tóg jẽg tũ ja nĩ, kurã tỹ hẽn ri ke ki. Kỹ Paulo tóg ag to tĩg kỹ: “ãjag tỹ inh vĩ kri finh ke vẽ vẽ,” he mũ. “Ẽg tỹ Creta tá kãpa tũ nĩ ra ẽg jagtar ke tũ nĩ vẽ, kỹ ãjag tóg ãjag tỹ nén ũ kren ke tũ nĩ vẽ.

Han Kãme 27:7

Kỹ ẽg tóg kã mĩ mũ mũ. Komẽr hã ẽg tóg mũ mũ, kurã tỹ hẽn ri ke ki. Kỹ ẽg tóg vãhã goj vãso tỹ Cnido tá junjun mũ. Hã ra kãka tóg ẽg kato tẽ mũ gé. Kỹ ẽg tóg tá fĩn rãm tũ nĩ. Kỹ ẽg tóg goj vãso tỹ Creta kakãm mũ mũ, kãka tỹ ẽg tỹ vĩrĩn ke kỹ. Krĩ tỹ Salmona kakãm ẽg tóg mũ mũ, kãka krẽfĩn.

1 Corinto 11:34

Ãjag kã mĩ ũ kókĩr nĩn kỹ tóg ti ĩn tá ti jẽn tỹ vẽnh fãn ke mũ. Ke tũ nĩ mũ ra tóg ãjag vóg kónãn ke mũ, ẽg Senhor ti, ãjag tỹ vẽnh mãn kỹ vẽnh fónfãn kỹ. Sỹ ãjag mỹ nén tónh ke mũ ũ tóg nỹtĩ gé, hã ra sóg rán ke tũ nĩ. Sỹ ãjag mré nĩn kỹ sóg ãjag mỹ kãmén ke mũ.

1 Corinto 14:40

Hã ra ũ vẽmén jẽ ra ã tỹ nén tónh ke mũ ẽn tó sór tũg nĩ. To jykre kusa nỹtĩm nĩ.

1 Corinto 4:17

Hã jé sóg Timóteo jẽnẽ, ãjag to. Inh kósin ri ke ti nĩ. Ti to inh há tãvĩ nĩ. Kỹ tóg ẽg Senhor jykre to tar nĩ. Ẽn hã vỹ ãjag mỹ tó mãn ke mũ, isỹ Jesus Cristo japry jagma tĩ ti, isỹ ti jamĩn jagma tĩ ti, isỹ igreja kar ki ke ag kanhrãn tĩ ti, ẽmã kar mĩ hã.

Colossos 2:5

Ãjag vég tũ sóg nĩ. Hã ra sóg ãjag ki ẽkrég tĩ, kỹ tóg sỹ ãjag ve ẽn ri ke nĩ. Inh mỹ tóg sér tĩ, ãjag tỹ Cristo ki ge tovãnh tũ nĩn kỹ, ãjag tỹ ti to tar tãvĩ nỹtĩn kỹ.

1 Timóteo 1:3

Isỹ ẽmã tỹ Éfeso tá kãkutẽ kỹ ga tỹ Macedônia ra tĩg kỹ sóg ã mỹ to vĩ, ã tỹ ver Éfeso tá ke ag ki rĩr jé. Ón kỹ ag tóg Topẽ jykre kãmén sór tĩ. Tag to ag mỹ: “han tũg nĩ,” hem nĩ.

2 Timóteo 2:2

Inh vĩ mẽ ã, sỹ ũn e ag kanhrãn kỹ. Tag tóm nĩ gé, inh kóm, ũ tỹ krónh ke tũ ag mỹ.

Tito 1:12

Ag kã mĩ ũ vỹ ki hã tó ja nĩ, ag jyvẽn tĩ ũ. Ti tỹ ag kato tẽ kỹ tóg: “Creta tá ke ag vỹ tỹ ũn ón mé nỹtĩ,” he mũ. “Mĩg jũ ri ke ag nỹtĩ. Rãnhrãj vãnh ag nỹtĩ. Hã ra ag tóg jẽn mág tãvĩ han sór tĩ,” he ja tóg nĩgtĩ.