Tito 1:4 - O Novo Testamento na língua Kaingáng

⁴ Hã kỹ sóg ã mỹ tó mũ, Tito'. Inh kósin pẽ vỹ tỹ ã nĩ, ã tỹ inh mré Jesus ki rã kỹ jẽn kỹ. Ẽg jóg tỹ Topẽ mỹ sóg to vĩ tĩ, ti tỹ ã tar han jé, ã krĩ kuprã nĩ jé ke gé.

Tito 1:4 Iomraidhean Croise

Lucas 2:11

Ãjag krenkren han tĩ vỹ ũri mur, hã vỹ: Cristo, he mũ. Davi jamã ja tá tóg mur. Tỹ tóg ẽg Senhor nĩ ha mỹr.

João 4:42

Fi mỹ ag tóg: “ã vĩ tugrĩn ẽg tóg ti ki ge ja nĩ. Hã kỹ ẽg tóg ũri ti vĩ mẽg mũ. Kỹ ẽg tóg ti vĩ tugrĩn ti ki ge pẽ han kỹ nỹtĩ, ũri. Ti ki kanhró ẽg tóg nỹtĩ ha. Vẽnh kar kren han tĩ ẽn vẽ mỹr,” he mũ.

Roma 1:12

Kỹ ẽg tóg jagnẽ tar han ke mũ sir, ẽg tỹ jagnẽ jykre ven kỹ, ãjag tỹ isỹ Jesus ki rã kỹ nĩ ven kỹ, isỹ ãjag tỹ ti ki ge kỹ nỹtĩ ven kỹ ke gé.

Roma 1:7

Kỹ sóg ãjag mỹ vẽnh rá jẽnẽg mũ, Topẽ tỹ ãjag to há nĩn kỹ. Roma tá ãjag tóg nỹtĩ. Hã kỹ sóg ẽg jóg tỹ Topẽ mỹ: “ag tar han nĩ, ag mỹ vẽjykre kusa nĩm nĩ,” he tĩ. Ẽg Senhor tỹ Jesus Cristo mỹ sóg ãjag tó tĩ gé.

2 Corinto 12:18

Tito mỹ sóg to vĩ, ti tỹ ẽg régre ũ ẽn mré ãjag venh tĩg jé. Kỹ Tito mỹ inh mỹ ãjag tũ ma kãtĩg ja nĩ'? Ke tũ tóg nĩ, ki kanhró ãjag tóg nỹtĩ. Inh jykre hã han tóg tĩ gé, Tito ti.

2 Corinto 2:13

Hã ra sóg ẽg mré ke tỹ Tito ve ja tũ nĩ, tá. Isỹ tá ti venh ke vẽ vẽ. Hã ra tóg ki tũ nĩ, isỹ tá jun mũ ra. Hã kỹ sóg ti to krĩ kufy nĩ ja nĩgtĩ. Hã kỹ sóg ag mỹ: “isĩg ke vẽ,” he kỹ tĩg ja nĩ sir, ga tỹ Macedônia ra, ti nón.

2 Corinto 4:13

Tag vỹ Topẽ vĩ ki rán kỹ nĩ, ha mẽ: “Topẽ vĩ kri nĩm inh, hã kỹ sóg tó,” he ja tóg nĩgtĩ. Topẽ vĩ tag hã vỹ inh jykre han tĩ, hã kỹ sóg tó tĩ gé.

2 Corinto 7:6

Hã ra Topẽ tóg inh mỹ Tito jẽnẽ. Kỹ ti hã tóg inh krĩ tỹ kãnhvy' hé. Ũn vẽsỹrénh mũ ẽn mỹ tóg vĩ há han tĩ, hã kỹ tóg inh mỹ Tito jẽnẽ, ẽn kã.

2 Corinto 8:16

Topẽ hã ne Tito krĩn, ti tỹ ãjag venh tĩg sór jé.

2 Corinto 8:23

Kỹ Tito ne, ãjag venh kãtĩg ke mũ'. Inh mré rãnhrãj tĩ vẽ. Kỹ tóg inh mré ãjag to vãsãn tĩ. Ti mré kãmũ tag ag vỹ tỹ ũn há nỹtĩ gé. Ũ tỹ igreja krẽm vẽnhmãn tĩ ag vỹ ag jẽgnẽ ja nĩ, ãjag to.

2 Corinto 8:6

Kỹ Tito tóg ãjag ki jãnkamy sĩ vé huri, ti tỹ Jerusalém tá ke ag mỹ jẽnẽ jé. Kỹ sóg ti mỹ: “Corinto tá ke ag mỹ tó mãn nĩ, ag tỹ ag mỹ ag tũ vẽnh kãpãm jé, ẽg tỹ ũn jagtar ag mỹ ma mũ jé,” he mũ.

Galácia 2:3

Kỹ tóg ag mỹ há tĩ, sỹ fóg ag mỹ, kanhgág ag mỹ Jesus hã tó mũ ti, sỹ ag mỹ Moisés tó tũ ra, sỹ ag mỹ: “ha ãjag gré fár junun kym,” he tũ ra. Hã kỹ ag tóg Tito mỹ: “ha kym,” he ja tũ nĩ gé. Fóg tỹ Grego vẽ, Tito ti. Inh mré tóg Jerusalém ra vyr.

Galácia 3:26

Topẽ krẽ vỹ tỹ ẽg nỹtĩ ha, ẽg tỹ Jesus Cristo ki ge kỹ nỹtĩn kỹ.

Galácia 3:28

Hã kỹ ẽg tóg tỹ jagnẽ ri ke nỹtĩ gé. Kỹ Judeu ag vỹ fóg mré tỹ jagnẽ ri ke nỹtĩ ha, kanhgág ag ke gé. Ũ camarada ag vỹ ag patrão ag ri ke nỹtĩ gé. Ag vỹ fag ri ke nỹtĩ gé. Nén ũ pir vỹ tỹ ẽg nỹtĩ, ẽg tỹ Jesus Cristo ki ge kỹ nỹtĩn kỹ.

Éfeso 1:2

Ẽg jóg tỹ Topẽ jé ãjag tar han, ti jé ãjag krĩ kuprãg, ẽg Senhor tỹ Jesus Cristo ti ke gé.

Colossos 1:2

Ẽg tỹ ẽmã tỹ Colossos tá Topẽ tũ ag mỹ rán hã vẽ, ẽg kanhkã ag mỹ, ũ tỹ Cristo ki ge tovãnh tũ ag mỹ. Ẽg jóg tỹ Topẽ jé ãjag tar han, ti jé ãjag krĩ kuprãg.

1 Timóteo 1:12

Ẽg Senhor tỹ Jesus Cristo ne isar han tĩ'. Hã kỹ sóg ti hã mỹ vĩ há han tĩ. Ti hã ne iso jykrén kỹ inh kuprẽg', sỹ ti rãnhrãj han jé. Kỹ tóg vég mũ, sỹ to tar nĩ ti, ti tỹ isar han kỹ.

2 Timóteo 1:1

Paulo tỹ rá vẽ. Topẽ ne inh fẽg', isỹ tỹ Jesus Cristo apóstolo jẽ jé. Inh mỹ tóg tó, isỹ vẽnh kar mỹ ẽg tỹ Jesus Cristo tugrĩn rĩnrĩr nỹtĩnh ke tag tó jé. Topẽ tỹ ẽg mỹ nén han sór mũn hã vẽ.

2 Timóteo 1:2

Isỹ inh kósin tỹ Timóteo mỹ rán hã vẽ, isỹ ũ to há tãvĩ nĩ ẽn mỹ. Ẽg jóg tỹ Topẽ mỹ sóg to vĩ tĩ, ti tỹ ã tar han jé, ti tỹ ã jagãgtãn jé, ti tỹ ã krĩ kuprãg jé ke gé.

2 Timóteo 4:10

Demas vỹ isovãnh kỹ vyr. Ẽprã vẽjykre han sór ti nĩ, hã kỹ tóg isovãnh kỹ Tessalônica ra vyr. Crescente vỹ Galácia ra vyr, kỹ Tito vỹ Dalmácia ra vyr.

Tito 1:3

Vãhã tóg ẽg mỹ ti vĩ tag jẽnẽ ja nĩ, ti tỹ ẽg mỹ jẽnẽnh ke kurã ki. Jesus tỹ tóg ẽg mỹ jẽnẽ ja nĩ. Hã to Topẽ tóg inh mỹ: “ha vẽnh kar mỹ tónh tĩg,” he ja nĩ, ẽg kren han tĩ ẽn ti.

Tito 2:13

Ti kãtĩg ve sór ẽg nỹtĩ, hã kỹ tóg ẽg mỹ sér tĩ. Tỹ ti pã'i mág tãvĩ nĩ, Topẽ ti. Tar tãvĩ ti nĩ, ẽg kren han tĩ tỹ Jesus Cristo ti ke gé. Ti ve jé ẽg tóg ke mũ. Kỹ tóg sér tãvĩ tĩnh mũ.

2 Pedro 1:1

Simão Pedro tỹ ãjag mỹ carta rán hã vẽ. Jesus Cristo tỹ inh fẽ vẽ, sỹ ti rãnhrãj han jé, sỹ tỹ ti apóstolo jẽ jé. Isỹ ũ tỹ inh mré Jesus Cristo ki ge kỹ nỹtĩ kar ag mỹ rán hã vẽ. Topẽ vỹ ẽg kuprẽg, ũn jykre kuryj ẽn, ẽg tỹ ẽg krenkren han mũ tỹ Jesus Cristo ki ge jé.

2 Pedro 1:11

Kanhkã ve jé ãjag tóg ke mũ, ha vem nĩ, ẽg Senhor tỹ Jesus Cristo tũ ti, ẽg krenkren han tĩ ẽn tũ ti. Tũ' henh ke tũ ti nĩ, ti tỹ tá tỹ ũn mág nĩ ti.

2 Pedro 2:20

Ẽg Senhor tỹ Jesus Cristo ki kanhró ja ag tóg nỹtĩ vẽ, ẽg kren han mũ ẽn ti. Ti tugrĩn ag tóg ẽprã vẽjykre kavéj kar tovãnh ja nĩgtĩ vẽ. Hã ra ag tóg ag tỹ nén tovãnh mũ ẽn han mãn mũ, kỹ tóg tỹ ag jagrẽ nĩ mãn mũ sir. Kỹ tóg ũri kórég kãfór nĩ, ag mỹ.

2 Pedro 3:18

Ẽg Senhor ki kanhrãn ke hã to tar nỹtĩm nĩ. Ti tỹ ẽg tar han mũ tag hã ve sórm nĩ, ẽg kren han tĩ tỹ Jesus Cristo ti. Ti hã mỹ ẽg tóg vĩ há han ke mũ, ũri, kar kỹ kanhkã tá ke gé. Kỹ tóg tũ' henh ke tũ pẽ nĩ. Hã vẽ.

2 Pedro 3:2

Topẽ vĩ tó tĩ ag vỹ vãsỹ Topẽ vĩ tó ja nĩgtĩ. Ẽn mĩ ẽkrén nĩ. Kỹ apóstolo ag vỹ ãjag mỹ tó ja nĩgtĩ gé, ẽg Senhor tỹ nén to ẽg jyvẽn mũ ti, ẽg kren han tĩ ẽn vĩ ti. Ẽn mĩ ẽkrén nĩ gé.

1 João 5:14

Ẽg tỹ ti mré vẽjykre pir han kỹ ẽg tóg jatun mỹ ti mré vẽmén ke mũ gé. Kỹ ẽg tóg ti mỹ nén ũ kar to vĩ tĩ. Nén tỹ ti mỹ há nĩ ẽn hã to vĩ jé ẽg tóg ke mũ. Kỹ tóg ẽg vĩ mẽnh ke mũ sir.

Judas 1:3

Inh krẽ', ãjag mỹ sóg Topẽ tỹ ẽg kar kren han tag tónh ke nĩ vẽ, inh vẽnh rá tag ti ki. Hã ra vãhã ũ ag tóg ãjag krĩn kónãn sór mũ ha. Hã kỹ sóg ãjag mỹ: “Topẽ ki rã to tar nỹtĩm nĩ,” he mũ. Topẽ tỹ ẽg mỹ nén tó mũ vỹ pir nĩ, hã vỹ: “Topẽ jykre to tar nĩ,” he mũ. Ti tũ ag kar mỹ tóg tag tó ja nĩ. Ũ tỹ tag kato vĩ kỹ ti vĩ jẽmẽ sór tũg nĩ.