Tito 1:12 - O Novo Testamento na língua Kaingáng

¹² Ag kã mĩ ũ vỹ ki hã tó ja nĩ, ag jyvẽn tĩ ũ. Ti tỹ ag kato tẽ kỹ tóg: “Creta tá ke ag vỹ tỹ ũn ón mé nỹtĩ,” he mũ. “Mĩg jũ ri ke ag nỹtĩ. Rãnhrãj vãnh ag nỹtĩ. Hã ra ag tóg jẽn mág tãvĩ han sór tĩ,” he ja tóg nĩgtĩ.

Tito 1:12 Iomraidhean Croise

Han Kãme 17:28

Ti tỹ ẽg han ja vẽ mỹr, hã kỹ ẽg tóg rĩnrĩr nỹtĩ, ti tugrĩn. Ti tugnĩn ẽg tóg mũgtĩ. Hã kỹ ãjag kã mĩ vẽnhrán tĩ ag tóg: tỹ ẽg Topẽ krẽ nỹtĩ, he ja nĩgtĩ.

Han Kãme 2:11

Ũ ag tóg tỹ Judeu nỹtĩ, kar kỹ ũ ag tóg tỹ fóg tỹ Judeu jykre han mũ nỹtĩ gé. Ũ ag tóg goj vãso tỹ Creta tá kãmũ mũ, ũ ag tóg ga tỹ Arábia tá kãmũ mũ gé. Ẽg kar tóg ẽg vĩ pẽ ki ag tỹ Topẽ kãmén mũ mẽg mũ,“ he ag tóg.

Han Kãme 27:12

Canoa sag ja ẽn tóg há sĩ nĩ, hã kỹ ag tóg tá kusa kã pa vãnh nỹtĩ. Hã kỹ ũn e ag tóg tá pa sór mũ, ag tỹ ẽmã tỹ Fenice tá kusa kã pa jé. Goj vãso tỹ Creta tá ẽmã ũ vẽ, canoa sag ja há ũ vẽ.

Han Kãme 27:13

Hã ra kãka sĩ tóg komẽr hã kraug he mũ sir. Kỹ tóg ag mỹ há tĩ. Hã kỹ ẽg tóg tá pa kỹ Creta fyr kakó ra mũ mũ sir.

Han Kãme 27:7

Kỹ ẽg tóg kã mĩ mũ mũ. Komẽr hã ẽg tóg mũ mũ, kurã tỹ hẽn ri ke ki. Kỹ ẽg tóg vãhã goj vãso tỹ Cnido tá junjun mũ. Hã ra kãka tóg ẽg kato tẽ mũ gé. Kỹ ẽg tóg tá fĩn rãm tũ nĩ. Kỹ ẽg tóg goj vãso tỹ Creta kakãm mũ mũ, kãka tỹ ẽg tỹ vĩrĩn ke kỹ. Krĩ tỹ Salmona kakãm ẽg tóg mũ mũ, kãka krẽfĩn.

Roma 16:18

Ag pijé ẽg Senhor tỹ Cristo rãnhrãj han sór tĩ'. Ag nug hã ki rĩr ag tóg tĩ'. Ón kỹ ag vĩ vỹ mẽ há tĩ, kỹ ũ tỹ hẽn ri ke ag tóg kri fi sór mũ, ũ tỹ nén ũ vẽnh mỹ to jykrén tũ ag. Inh mỹ tóg ag tỹ ũ tỹ ge krĩn kónãn ha mẽ tĩ. Kỹ ag vĩ mẽ sór tũg nĩ.

Filipos 3:19

Nũgme ki ag tóg vár ke mũ, inferno ki, ha mẽ. Jẽn há tãvĩ han sór ag tóg mũ. Tag hã tóg ag mỹ sér tĩ. Nén tỹ ẽg mỹ'a han tĩ tag hã tóg ag mỹ sér tĩ. Ẽg tỹ tag mĩ vég tĩ ẽn hã to ag tóg jykrén sór tĩ.

1 Timóteo 4:2

Ũ tỹ tỹ Japo mré ke nĩ hã vỹ ónón tĩ. Hã kỹ ag tóg ũn tỹ ge vĩ jẽmẽ kỹ Jesus tovãnh ke mũ, fag ke gé. Jykre régre han ag tóg tĩ. Ag jykre há tỹ tũ' he ja ag nĩgtĩ, kỹ ag tóg ki kagtĩg nỹtĩ ha. “Vẽnh vĩ há vẽ,” he ag tóg tĩ ha, vẽnh ó to.

Tito 1:5

à mỹ sóg: “ ver goj vãso tỹ Creta tá nĩm nĩ,” he ja nĩgtĩ, ã tỹ tá isỹ nén han kãn ja tũ ẽn han kãn jé. Hã kỹ sóg ã mỹ: “ẽmã kar ki ũ ag kuprẽg, ag tỹ tỹ igreja to kófa nỹtĩ jé,” he ja nĩ.

2 Pedro 2:12

Ag jãvo ũ tỹ ón kỹ ti vĩ tó tĩ ẽn ag vỹ krĩ tũ nỹtĩ, vãnh kã mĩ sẽ ag jykre tũ ri ke ag nỹtĩ. Vãnh kã mĩ tóg tĩgtĩ, sẽ ti, ẽg tỹ ti to vãji kỹ ti tén jé. Tag ri ke ag nỹtĩ. Ag tỹ kanhkã tãn ag ki kagtĩg nỹtĩn kỹ ag tóg ag to vĩ kónãn tĩ. Hã kỹ Topẽ tóg ag tỹ tũ' henh ke mũ, ẽg tỹ sẽ tén tĩ ẽn ri ke.

2 Pedro 2:15

Topẽ japry ti tovãnh ag tóg. Vãgfor kỹ ag nỹtĩ. Beor kósin tỹ Balaão ẽn ri ke han ag tóg tĩ. Ẽn vỹ jãnkamy to há tãvĩ nĩ ja nĩgtĩ. Hã kỹ tóg povo tỹ Israel mỹ vĩ kónãn ke ẽn to jãnkamy ve sór mág ja nĩ, pã'i mág tỹ ti mỹ: “ha ag mỹ vĩ kónãn tĩg, inh jagfy,” hen kỹ.