Biblia Todo Logo
Bìoball air-loidhne

- Sanasan -




Tito 1:11 - O Novo Testamento na língua Kaingáng

11 Ẽg tỹ ag vĩ tỹ tũ' henh ke vẽ. Ha vé, ũ fag ne ag vĩ kri fi sór mũ', kỹ fag tóg Topẽ vĩ tovãnh sór mũ, fag mén mré hã, fag krẽ mré hã. Un'ón ag tóg tĩ, ũ tỹ fag kanhrãn sór mũ ag. Hã ra ag tóg hã to jãnkamy ve sór mũ, ag tỹ riko nỹtĩ jé.

Faic an caibideil Dèan lethbhreac




Tito 1:11
22 Iomraidhean Croise  

“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ũ ag tóg ũ tỹ kanhkã tá nĩ ẽn tỹ tỹ ẽg pã'i nĩ ve sór nỹtĩ, hã ra ãjag tóg ag mỹ kanhkã ti nenh tĩ. Ag jãvo ãjag tóg, ve sór tũ nĩgtĩ,” he tóg.


Kỹ ũ tóg ti ki jẽmẽ mãn sór tũ nĩ sir. Ti kamẽg ag tóg mũ. Hã kỹ ag tóg ti ki jẽmẽ mãn sór tũ nĩ ha.


Kỹ ũ camarada vỹ tag ri ke tũ nĩgtĩ. Mĩg kamẽg jé tóg ke mũ. Ti tỹ mĩg ve kỹ tóg vẽnhvãg tĩg ke mũ, ti patrão mẽg tovãnh kỹ. Kỹ mĩg vỹ fag kugmĩnh ke mũ. Kỹ fag tóg vẽnh kãpugpóv ke mũ gé, mĩg tugrĩn. Ti camarada mẽg pijé', ti patrão mẽg vẽ, hã kỹ tóg fag jy nĩgãn há han tũ nĩ.


Hã ra ẽg kar vỹ tag ki kanhró nỹtĩ, ha mẽ. Ẽg hã mỹ ti rán kỹ nĩ, Topẽ vĩ ti, ẽg tỹ ki króm jé. Hã ra ẽg tóg mranh kãn. Kỹ Topẽ tỹ ẽg mỹ: “ti kórég han ã,” he mũ ra, ẽg tỹ ti mỹ ne tónh ke tóg tũ tĩ. Hã jé tóg ẽg mỹ ti vĩ jẽnẽ ja nĩgtĩ, ẽg tỹ to ẽg kórég nĩ tag ki kanhrãn jé.


Ki hã tó sóg tĩ. Cristo tỹ ki hã tó tĩ ẽn ri ke han sóg tĩ. Kỹ sóg ãjag to: “ga tỹ Acaia tá ke ag jãnkamy mãn ke tũ inh nĩ, ag tỹ iso vĩ vĩ he tũ nĩn jé,” he mũ.


Kỹ tytãg fag jiji rán tũg nĩ. Jãvo fag tóg rãnhrãj mẽ kã ĩn kar mĩ pasa' he sór mũ, ha vem nĩ. Kỹ fag tóg fagrĩnh mỹ vẽmén ke mũ gé sir. Nén tó vãnh tó jé fag tóg ke mũ gé. Kỹ tóg há tũ nĩnh mũ.


Ũn mén ter ja ũ fi krẽ vỹ nỹtĩ, fi krẽ'krẽ mré hã. Kỹ fi krẽ hã vỹ fi ki rĩr ke mũ'. Ag tỹ tỹ gĩr nỹtĩ mũn kã fi tóg ag jẽ'ỹn ja nĩgtĩ. Kỹ ag tóg vẽnh kaja jé fi jẽ'ỹn mũ ha. Topẽ jykren hã vẽ.


jagnẽ mỹ féfén ke gé. Krĩ tũ nỹtĩ ve ag nĩ. Vẽnh vĩ há ki kagtĩg ag nỹtĩ. Kỹ ag tóg ón kỹ Topẽ kãmén to rikon sór nỹtĩ.


Tag ag vỹ ónón tĩ, Topẽ vĩ to. “Rĩr mãn ri ke han ẽg huri, ẽg tỹ Cristo ki gen kỹ. Hã kỹ ẽg rĩnrĩr mãn ke tũ nĩ ha, ẽg ter kar kỹ, Jesus kãtĩg mãn kỹ,” he ag tóg tĩ. Ag tỹ tag tó kỹ ag tóg ũ ag tỹ Jesus to krónh ke han tĩ. Kỹ ag tóg Cristo tovãnh mũ, ag tugrĩn.


Ag kã mĩ ũ ag vỹ ĩn kar mĩ mũnh mũ. Kỹ ag tóg ũn tỹtá kórég fag mré vẽmén sór ke mũ, ũ tỹ Topẽ vĩ mranh tĩ fag, ũn én (ka)mẽ fag.


Ha vé, ũ tỹ tỹ igreja to kófa jẽ sór kỹ tóg tỹ ũn jykre há nĩnh mũ. Ti tỹ ti mré ke ag to: “ag kãfór vỹ tỹ inh nĩ,” henh ke tũ vẽ. Ũn fe tỹ gỹm ke (ka)mẽ vỹ há tũ nĩ, ũ tỹ vinho kron (ka)mẽ ti, ũn jũ (ka)mẽ ti. Kỹ tóg ti tỹ riko nĩnh ke hã to én ke tũ nĩ gé.


Topẽ vĩ mẽ ja tóg nĩ. Kỹ ti tỹ tag kã jatu tũ nĩn kỹ tóg há tĩ gé. Kỹ tóg ũ tỹ ti vĩ mẽg mũ ag kanhrãn há han ke mũ gé. Ũ tỹ ti vĩ kafãn mũ mỹ tóg tó há han ke mũ gé.


Ũ tỹ vyr mỹ vẽjykre han sór kỹ ti mỹ: “ke tũg ra,” hem nĩ. “Ke tũg ra,” he régre han nĩ, ti tỹ kãnhmar ã vĩ jẽmẽg tũ nĩn kỹ. Tag pãte ti tovãnh nĩ, ti tỹ mẽ jãvãnh nĩn kỹ.


Lean sinn:

Sanasan


Sanasan