Mateus 9:8 - O Novo Testamento na língua Kaingáng

⁸ Kỹ vẽnh kar ẽn ag tóg vég mũ. Kỹ tóg ag mỹ e tãvĩ tĩ. Topẽ mỹ ag tóg vĩ há han mũ, ti tỹ Jesus mỹ vẽjykre há nĩm kỹ, ti tỹ tỹ ẽprã ke nĩ ra.

Mateus 9:8 Iomraidhean Croise

Mateus 12:23

Kỹ tóg vẽnh kar mỹ e tãvĩ tĩ. Kỹ ag tóg jagnẽ mỹ: “Davi krẽ'krẽ ẽn tũ mỹ'?“ he mũ sir, Jesus to. “Ũ tỹ vãsỹ rán kỹ nĩ ẽn tũ mỹ'?“ he ag tóg mũ. Ag mỹ tóg tỹ ti hã ve nĩ.

Mateus 15:31

Kỹ tóg vẽnh kar ẽn mỹ e tĩ. Ũn vĩ vãnh ag tóg vĩ há nỹtĩ, ũn kãnhgrĩ ag tóg mũ há nỹtĩ, ũn kyvó ag tóg ẽvãnh há nỹtĩ gé. Kỹ ag tóg Topẽ mỹ vĩ há han mũ sir.

Mateus 28:18

Kỹ Jesus tóg, ag rã hã jẽ kỹ, ag mỹ: “nén kar vỹ tỹ, inh krẽm ke nĩ ha, kanhkã tá ke kar, ga tá ke kar ke gé,” he mũ.

Mateus 5:16

Gem nĩ, néj gru ri ke nỹtĩm nĩ. Topẽ jykre han nĩ, vẽnh kar tỹ ãjag jykre há ve jé. Kỹ ag tóg, Topẽ mỹ vĩ há han ke mũ, ẽg jóg tỹ kanhkã tá nĩ ẽn mỹ,” he tóg, Jesus ti.

Mateus 9:7

Kỹ tóg vym ke nĩ mũ. Jẽgnẽ kỹ tóg tĩ mũ sir, ti ĩn ra.

Marcos 2:12

Kỹ tóg vãhã jẽgnẽ mũ sir. Ti kur gég tóg mũ sir, kỹ tóg ag rĩnve tĩg há han mũ sir, ũn kãnhgrĩn kỹ nỹ ja ẽn ti. Vẽnh kar mỹ tóg e tĩ, kỹ ag tóg Topẽ to: “ẽg jykre kãfór ti nĩ,” he mũ. “Ge ve ja tũ ẽg nỹtĩ,” he ag tóg mũ sir.

Marcos 7:37

Kỹ ag fe tóg hẽn ri ke mũ. “Ti tỹ nén han mũ vỹ tóg há tãvĩ nĩ,” he ag tóg. “Ũn kutu ag ẽmẽ han tóg, ũn vĩ vãnh ag vĩ han tóg mũ gé,” he ag tóg.

Lucas 13:13

Kỹ tóg ti nĩgé tỹ fi kri fig mũ. Kỹ fi tóg vẽnh ra hã jẽg há' he mũ, ha mẽ. Kỹ fi tóg Topẽ mỹ vĩ há han mũ sir.

Lucas 17:15

Kỹ ag kã ũn pir tóg kyrã mũ, ti to. Topẽ mỹ tóg vĩ há han mũ, ti tỹ há' hen kỹ. Kỹ vẽnh kar vỹ ti vĩ mẽg mũ.

Lucas 17:18

“Fóg tag hã vỹ ti pir mỹ kyrã, Topẽ to: ũn mág vỹ tỹ ti nĩ, he jé,” he tóg.

Lucas 18:43

Kỹ tóg vẽsỹmér ẽvãnh há' he mũ sir. Ti hã mré tóg tĩ mũ sir. Topẽ mỹ tóg vĩ há han mũ. Kỹ tóg vẽnh kar mỹ há tĩ. Topẽ mỹ ag tóg vĩ há han mũ gé sir.

Lucas 2:20

Kỹ ag tóg sir ag mẽg to vỹnvỹn ke mũ gé. Topẽ mỹ ag tóg vĩ há han mũ. “Ti hã ne tóg ẽg mỹ ti tỹ jẽgnẽ jafã ag tỹ vẽnh vĩ jẽnẽ ja nĩ', hã kỹ ẽg tóg vé,” he ag tóg mũ sir.

Lucas 23:47

Hã ra fóg tỹ capitão tóg ti ter vég mũ. Kỹ tóg Topẽ mỹ vĩ há han mũ. “Vẽnh vĩ ja vẽ, ũn há ja vẽ,” he tóg mũ.

Lucas 7:16

Kỹ tóg vẽnh kar mỹ e tĩ, kỹ ag tóg Topẽ to vĩ há han mũ sir. “Topẽ vĩ tó tĩ kãfór vỹ ẽg ki jun,” he ag tóg mũ. “Topẽ vỹ ẽg ve há han, hã kỹ tóg ti jẽnẽ,” he ag tóg mũ.

João 15:8

Ãjag tỹ vẽjykre há han kỹ tóg uva pẽ tỹ kanẽ e han ri ke nĩ. Kỹ vẽnh kar tóg ãjag jykre ve kỹ Topẽ to: “ũn há vỹ tỹ ti nĩ,” henh ke mũ. Hã ki ag tóg ki kanhró nỹtĩnh mũ, ãjag tỹ tỹ inh mré ke nỹtĩ ti.

Han Kãme 11:18

Ag tỹ tag mẽ kỹ ag krĩ tóg kusa' he mũ. Kỹ ag tóg: “Topẽ vỹ fóg ag krĩn mũ gé, ag tỹ ag jykre kórég tovãnh jé, ag tỹ ẽg rĩr krỹg ja tũ ve jé,” he mũ.

Han Kãme 21:20

Kỹ ag tóg Topẽ mỹ vĩ há han mũ. Kỹ ag tóg Paulo mỹ: “régre', Judeu tỹ hẽn ri ke ag vỹ Jesus ki ge kỹ nỹtĩ, ũ tỹ mil tỹ hẽn ri ke ag. Ẽn ag kar tóg Moisés tỹ ẽg mỹ vẽjykre nĩm ja ẽn han tĩ,” he mũ.

Han Kãme 4:21

Hã ra pã'i ag tóg: “ker tó hẽ', ker tó hẽ',” he mãn mũ gé. Kỹ ag tóg ag kygvãg mũ sir. Ag tỹ ag vóg kónãn há ra ag tóg ke tũ nĩ, vẽnh kar tỹ ag to há nỹtĩn kỹ, vẽnh kar tỹ Topẽ to: “há ti nĩ, hã kỹ tóg ũn kãnhgrĩ ẽn tỹ há' he mũ',” hen kỹ.

2 Corinto 9:13

Hã ki ag tóg ãjag tỹ Topẽ vĩ kri fig mũ vég mũ. Kỹ ag tóg tag to Topẽ to vĩ há han ke mũ gé sir, ha vem nĩ, ãjag tỹ ag jagãgtãn mág kỹ.

Galácia 1:24

Kỹ ag tóg isugrĩn Topẽ to vĩ há han ja nĩgtĩ, ag tỹ mẽ kỹ.

1 Pedro 2:12

Jesus ki ge tũ ag kã mĩ ãjag tóg nỹtĩ. Hã kỹ vẽjykre há tãvĩ han nĩ. Ãjag to ón sór ag tóg tĩ. Ãjag to ag tóg: “jykre pãno ag nỹtĩ,” he sór tĩ. Kỹ vẽnh kar tỹ ãjag jykre há ve kỹ ag ón ẽn tóg ve há tĩnh mũ. Kỹ ag tóg: “Topẽ jykre vỹ há nĩ,” henh ke mũ, hẽn ri ke mũn, Topẽ tỹ ag kutãn kỹ.