Mateus 9:5 - O Novo Testamento na língua Kaingáng

⁵ “Ũ tĩg vãnh tag mỹ sóg: ã tỹ Topẽ vĩ mranh ja tỹ tũ' hen vẽ ha,” he mũ. “Sỹ ti mỹ: nĩ ra, tĩg ra, henh ke vẽ gé. Hã ran mỹ ãjag mỹ vẽnh mỹ?” he tóg.

Mateus 9:5 Iomraidhean Croise

Mateus 9:2

Ti tỹ ti jamã tá jun kỹ ag tóg vãhã, ti mỹ ũn kãnhgrĩ vyn kỹ junjun mũ. Kỹmỹ kri tóg nỹ nĩ. Kỹ Jesus tóg, ag tỹ ti ki ge kỹ nỹtĩ vég mũ sir. Hã kỹ tóg ũn kãnhgrĩ ẽn mỹ: “inh kósin',” he mũ. “Ã fe tỹ há' hé. Ã tỹ Topẽ vĩ mranh ja ẽn tỹ tũ' hen hã vẽ ha,” he tóg.

Mateus 9:6

“Isỹ ãjag mỹ inh jykre ven sór vẽ. Tỹ sóg ẽprã ke fi kósin nĩ. Tá sóg krỹg ke mũ, Topẽ vĩ mranh tỹ vẽnh pãte fón ke tá. Hã kỹ sóg ũn kãnhgrĩ mỹ: nĩ ra, jẽg ra, ã kur gé tĩg, ã ĩn ra, he mũ,” he tóg.

Marcos 2:5

Kỹ Jesus tóg ag tỹ ti ki ge kỹ nỹtĩ vég mũ sir. Kỹ tóg ũn kaga ẽn mỹ: “inh kósin, ã tỹ Topẽ vĩ mranh ja ẽn vỹ tũ tĩ ha,” he mũ.

Lucas 5:20

Kỹ tóg ag tỹ ti ki ge kỹ nỹtĩ vég mũ. Hã kỹ tóg ũn kãnhgrĩ mỹ: “ã tỹ Topẽ vĩ mranh ja ẽn tỹ tũ' he vẽ ha, vỹ,” he mũ.

Lucas 7:48

Kỹ tóg fi mỹ: “ã tỹ Topẽ vĩ mranh ja ẽn tỹ sóg vẽnh pãte fón mũ,” he mũ.

Han Kãme 3:16

“Kỹ ẽg tóg Jesus ki ge mũ. Hã kỹ Jesus tóg ũn kãnhgrĩ ja tag tỹ tar' he mũ, ãjag tỹ ũn vég mũ tag ti. Jesus vỹ ti tỹ ti ki rã han. Hã kỹ tóg ti tỹ Jesus ki rã kỹ há' he mũ sir, ãjag rĩnve,” he tóg.

Han Kãme 9:34

Kỹ Pedro tóg ti mỹ: “Enéias', Jesus Cristo vỹ ã han. Jẽgnẽ ra, ã nỹg ja fi han ra,” he mũ.