Mateus 9:3 - O Novo Testamento na língua Kaingáng

³ Hã ra Topẽ vĩ to ẽg kanhrãn tĩ ag vỹ tá nỹtĩ gé. Ti vĩ mẽ kỹ ag tóg: “Topẽ to vĩ kónãn tóg mũ mỹr. Vẽsỹ tóg Topẽ han mũ mỹr,” he mũ. Kỹ ti jykre tóg ag mỹ tỹ ũ nỹ.

Mateus 9:3 Iomraidhean Croise

Mateus 26:65

Kỹ pã'i mág tóg, jũ kỹ ti kur tỹ jaran' ke mũ sir. Kỹ tóg: “Topẽ kato vĩ kónãn ti huri,” he mũ. “Mẽ kãn ẽg tóg, kỹ ẽg tóg ũ tỹ ti jykre kórég tónh ke mũ ũ jãvãnh mãn ke tũ nĩ ha.

Mateus 7:29

Ti vĩ tóg vẽnh kar vĩ kãfór nĩ, Topẽ vĩ to ẽg kanhrãn tĩ ag vĩ kãfór ti nĩ, kỹ tóg pã'i vĩ kãfór pẽ nĩ gé, ti vĩ ti. Hã kỹ tóg ki hã tó mũ. Kỹ tóg ag mỹ e tĩ sir, fag mỹ ke gé.

Marcos 14:64

“Ti tỹ Topẽ kato vĩ kónãn tag mẽ ẽg huri. Ẽg hỹn ti tỹ hẽ ri kenh mũ ha?“ he tóg. Kỹ ag kar ẽn tóg: “ter jé tóg ke mũ, ti vĩ tag tugrĩn,” he mũ.

Marcos 3:28

“Sỹ ke há vẽ, hã kỹ sóg tó mũ. Topẽ vỹ ãjag mỹ vẽnh pãte fón kãn mũ, ãjag tỹ ti vĩ mranh ja kar ẽn tỹ, ãjag tỹ ti to vĩ kónãn ẽn mré hã.

Marcos 3:29

Jãvo ãjag tỹ Topẽ kuprĩg to vĩ kónãn kỹ tóg ãjag mỹ vẽnh pãte fón mãn ke tũ nĩ. Ẽn vỹ ãjag hã kã nĩ nĩ. Kurã tũ ti nĩ,” he tóg.

Marcos 7:21

“hã vỹ: jykrén kónãn, ũn mén tũ fag to én, nén ũ péju, ũ tén, ti prũ tũ fi mré nỹ, fi mén tũ mré nỹ,

Lucas 5:21

Hã ra ti vĩ tóg pã'i ag mỹ e tĩ. Kỹ ag tóg ti to jykrén kónãn mũ. “Ti tỹ ne tó nẽ hỹn'? Topẽ to vĩ kónãn vẽ mỹr. Topẽ hã ne ti pir mỹ ũ tỹ ti vĩ mranh mũ ẽn mỹ tỹ tũ' he há nĩnh mũ',” he ag tóg mũ.