Mateus 9:23 - O Novo Testamento na língua Kaingáng

²³ Kỹ tóg tĩg mãn mũ. Kỹ ag tóg vãhã, pã'i ẽn ĩn tá junjun mũ sir. Hã ra tóg tá fór nĩ, ũn kygfỹ mũ fag, ũn vãkynkyn nỹtĩ ẽn ag ke gé, ti kósin fi ter kỹ.

Mateus 9:23 Iomraidhean Croise

Mateus 11:17

“Ãjag mỹ ẽg tóg vãkyn tĩ, kanhinnhir kỹ, hã ra ãjag ne, vẽnh gringrén jãvãnh nỹtĩ'. Kỹ ẽg tóg vẽsỹrénh mũ sir, kanhinnhir kỹ, hã ra ãjag tóg, ẽg mré kygfỹ jãvãnh nỹtĩ gé,” he ag tóg tĩ, ón kỹ jagnẽ to jũ kỹ.

Lucas 7:32

Gĩr ri ke ag tóg nỹtĩ. Gĩr ag vỹ jagnẽ mré kanhinnhir mũgtĩ. Kỹ ag tóg kejẽn jũ tĩ. “Ãjag mỹ ẽg tóg vãkyn tĩ, hã ra ãjag tóg vẽnh gringrén jãvãnh nỹtĩ. Kar kỹ ẽg tóg kygfỹ mũ gé sir, hã ra ãjag tóg ẽg mré kygfỹ jãvãnh nỹtĩ gé,” he ag tóg tĩ, ón kỹ jagnẽ to jũ kỹ.

Han Kãme 20:10

Kỹ Paulo tóg tére mũ gé sir. Ti kri tóg pãnh ke mũ. Kỹ tóg ti kãgũg mũ, ti nĩgnó tỹ. Kỹ tóg ag mỹ: “fe kaj tũg ra,” he mũ. “Ti kuprĩg vỹ ti kã kã nĩ nĩ,” he tóg.

Han Kãme 9:39

Kỹ tóg vẽsỹmér tĩ mũ. Kỹ tóg tá jun mũ. Hã ra Dorcas fi tóg ĩn to jãpry jafã tá nỹ nĩ. Pedro jun kỹ ag tóg ĩn to jãpry jafã to jãpry mũ, ti mré. Kỹ ũn mén ter ja ẽn fag kar vỹ ti to kãmũ mũ. Kygfỹ kỹ fag tóg ti mỹ fag kur venven mũ, camisa, vestido ke gé, Dorcas fi tỹ fag mỹ kugrỹn ja ẽn ti.

Nén Venh Ke 18:22

Kã ki ag tóg harpa kyn mãn ke tũ nĩ ha. Tỹnh mãn ke tũ ag nĩ ha. Vãn tỹ vãkyr ẽn kyn mãn ke tũ ag nĩ ha, trombeta ti ke gé. Vãkyr mẽ mãn ke tũ ẽg nĩ ha, ẽmã tỹ Babilônia tá. Ũ tóg tá rãnhrãj mãn ke tũ nĩ ha. Ũ tóg tá nĩ mãn ke tũ nĩ ha.