Mateus 9:2 - O Novo Testamento na língua Kaingáng

² Ti tỹ ti jamã tá jun kỹ ag tóg vãhã, ti mỹ ũn kãnhgrĩ vyn kỹ junjun mũ. Kỹmỹ kri tóg nỹ nĩ. Kỹ Jesus tóg, ag tỹ ti ki ge kỹ nỹtĩ vég mũ sir. Hã kỹ tóg ũn kãnhgrĩ ẽn mỹ: “inh kósin',” he mũ. “Ã fe tỹ há' hé. Ã tỹ Topẽ vĩ mranh ja ẽn tỹ tũ' hen hã vẽ ha,” he tóg.

Mateus 9:2 Iomraidhean Croise

Mateus 14:27

Hã ra Jesus tóg ag mỹ: “inh kamẽg tũg nĩ, inh hã vẽ, jũrũn ke tũg nĩ,” he mũ.

Mateus 4:24

Hã kỹ ti kãme tóg vẽnh kar kri rũm mũ sir, ga tỹ Síria tá ke kar kri. Kỹ ag tóg sir ũn kagyga ag tatĩ kãmũ mũ, ti to, vẽnh kaga vẽnh mỹ han mũ ag mré hã, kỹ tóg ag tỹ há' he kãn mũ sir. Vẽjagrẽ kórég ag pan kãn tóg mũ gé. Ũ ter tĩ han tĩ ag tỹ tóg há' he mũ gé, ũn kãnhgrĩn kỹ nỹtĩ ag tỹ ke gé, fag kar tỹ ke gé.

Mateus 6:12

Kỹ ẽg mỹ vẽnh pãte fón nĩ, ẽg tỹ ã vĩ mranh ja ti. Hã jé ẽg tóg, ẽg tỹ jagnẽ to jũ tỹ jagnẽ mỹ vẽnh pãte fón ke mũ gé.

Mateus 8:10

Kỹ tóg ti mỹ e tĩ. Kỹ tóg ti mré mũ ag mỹ: “ha mẽ, Israel ag vỹ ti ri ke tũ nỹtĩ,” he mũ. “Ki kanhró tóg nĩ mỹr, kỹ tóg inh ki rã kỹ jẽ. Ge ve ja tũ sóg nĩ,” he tóg.

Mateus 8:16

Kuty ẽn kã ag tóg ũn jagrẽ kórég ag tatĩ kãmũ mũ, ti to. Kỹ tóg ag mỹ vĩ mũ, kỹ ag jagrẽ tóg pa kãn mũ sir. Ũn kagyga ag tỹ há' há' he tóg mũ gé sir, fag ke gé.

Mateus 9:22

Hã ra Jesus tóg vĩrĩn ke kỹ fi vég mũ. Kỹ tóg fi mỹ: “inh kósin',” he mũ. “Kamẽg tũg nĩ. Ã tỹ inh ki rã kỹ ã tóg há' henh ke mũ,” he tóg. Kỹ fi tóg há' he mũ sir vẽsỹmér, ha mẽ.

Mateus 9:5

“Ũ tĩg vãnh tag mỹ sóg: ã tỹ Topẽ vĩ mranh ja tỹ tũ' hen vẽ ha,” he mũ. “Sỹ ti mỹ: nĩ ra, tĩg ra, henh ke vẽ gé. Hã ran mỹ ãjag mỹ vẽnh mỹ?” he tóg.

Mateus 9:6

“Isỹ ãjag mỹ inh jykre ven sór vẽ. Tỹ sóg ẽprã ke fi kósin nĩ. Tá sóg krỹg ke mũ, Topẽ vĩ mranh tỹ vẽnh pãte fón ke tá. Hã kỹ sóg ũn kãnhgrĩ mỹ: nĩ ra, jẽg ra, ã kur gé tĩg, ã ĩn ra, he mũ,” he tóg.

Marcos 1:32

Kurã ẽn kã kuty tá ag tóg ũn kagyga ag tatĩ kãmũ mũ, ũn jagrẽ kórég ag mré hã.

Marcos 10:49

Kỹ tóg ti to krỹg he mũ. Kỹ tóg ti jé prẽr mũ sir. Kỹ ag tóg ti mỹ: “ã fe tỹ há' hé, jẽg ra, ã jé tóg prẽr mũ,” he mũ.

Marcos 5:34

Hã ra tóg fi mỹ: “inh kósin,” he mũ. “Ã tỹ inh ki rã hã kỹ ã tóg há' hé. Ha tĩg, jatun mỹ. Ã tỹ há' he vẽ ha,” he tóg.

Marcos 6:50

Ag kar tỹ ti ve kỹ ag tóg jũrũn ke mũ. Hã ra tóg vẽsỹmér ag mỹ: “kamẽg tũg nĩ, inh hã vẽ,” he mũ.

João 16:33

Tag kãmén inh ãjag mỹ, ãjag tỹ krĩ kãnhvy nỹtĩ jé, ãjag tỹ inh ki ge kỹ nỹtĩ tugrĩn. Tag ki ãjag tóg nén ũ jagy kar vég tĩ ver. Hã ra to krĩ kufy han tũg nĩ. Ẽprã ke kar kri ke vỹ tỹ inh nĩ, ẽprã ke kri pã'i ẽn. Japo ẽn kutẽm inh huri,” he tóg, Jesus ti.

João 2:25

Kỹ ũ tỹ ti mỹ: “ũ ẽn jykre vỹ ge nĩ,” hen kỹ tóg: “hỹ, ki kanhró inh nĩ,” he tĩ. Vẽsóg ki tóg ag jykre ki kanhró nĩgtĩ.

João 21:5

Kỹ tóg ag mỹ: “ãjag mỹ pirã ũ kãgmĩg tũ?“ he mũ. Kỹ ag tóg ti mỹ: “hỹ,” he mũ.

Han Kãme 14:9

Ẽn tóg sir Paulo vĩ mẽg mũ. Kỹ Paulo tóg ti tugnỹm mũ. Kỹ tóg ti tỹ Jesus vĩ kri fig mũ vég mũ, Jesus tỹ ti tỹ há' he jé.

Han Kãme 19:12

Kejẽn ag tóg Paulo kur mãn kỹ ũn kaga ag mỹ ven mũ. Kỹ ag tóg ag tỹ mẽgmẽ kỹ hághá' he mũ. Kỹ vẽjagrẽ kórég ag vỹ gen kỹ pa mũ gé.

Han Kãme 23:11

Tỹ kuty kỹ Jesus tóg Paulo mré vĩ mũ. “Kamẽg tũg ra. Jerusalém tá ã tóg inh vĩ tó há han. Ge jé ã tóg ke mũ, ẽmã tỹ Roma tá,” he tóg.

Roma 5:11

Kurã ẽn kã tóg ẽg kren han ke mũ, hã ra tóg ũri ẽg to há nĩ gé. Kỹ tóg ẽg mỹ sér tĩ. Ẽg Senhor tỹ Jesus Cristo tugnĩn ke vẽ. Ti hã ne Topẽ tỹ ẽg to há nĩnh ke han'. Ti hã ne Topẽ tỹ ẽg to jũ tỹ tũ' he mũ'.

Tiago 2:18

Ãjag kã mĩ ũ tóg hẽn ri ke mũn: “ũ tóg Jesus ki rã kỹ nĩ, jãvo ũ tóg ti jykre han tĩ,” he sór mũ, ãjag tỹ ti jykre han sór tũ nỹtĩn kỹ. Ã tỹ ti jykre ki króm vãnh nĩn kỹ sóg ki kagtĩg nĩ. “Ti mỹ Jesus ki rã kỹ nĩ vỹ?“ he jé sóg ke mũ, ã to. Ã jãvo sóg ti jykre han tĩ inhhã. Hã to ã tóg ki kanhró nĩ, sỹ ti ki rã kỹ nĩ ti,” he jé sóg ke mũ, ãjag mỹ.