Mateus 9:13 - O Novo Testamento na língua Kaingáng

¹³ “Ha vé, Topẽ vĩ tag to jykrén, ha mẽ. “Ãjag tỹ jagnẽ jagãgtãn kỹ tóg, inh mỹ há tĩ inhhã. Ãjag tỹ inh mỹ nén ũ pũn kãfór tóg nĩ,” he tóg. Hã kỹ jagnẽ jagãgtãn nĩ, jagnẽ to vĩ tũg nĩ,” he tóg. “Inh pijé, ũ tỹ vẽjykre kuryj han mũ ag mỹ: ãjag jykre tovãnh nĩ, he sór tĩ'. Ũ tỹ Topẽ vĩ mranh tĩ ẽn ag hã mỹ sóg: ãjag jykre kórég tovãnh nĩ, he sór tĩ,” he tóg, Jesus ti.

Mateus 9:13 Iomraidhean Croise

Mateus 12:3

Hã ra tóg: “vó,” he mũ. “Davi tỹ nén han mũ to jykrén nĩ. Ti kókĩr nĩn kỹ tóg, ti tỹ nén han ke tũ han gé, ti mré mũ tĩ ag mré, hã ra Topẽ pijé ti to jũ mũ'.

Mateus 12:5

“Kỹ Topẽ tũ ki rĩr tĩ ag jykre to jykrén nĩ gé. Tỹ vẽnhkán ke kurã ra ag tóg rãnhrãj mũgtĩ, Topẽ ĩn krẽm ti tũ ki rĩr kỹ. Hã kỹ ag tóg, tỹ vẽnhkán ke kurã ra ki vẽnhkán tũ nĩgtĩ gé, ge ra ag jykre tóg Topẽ mỹ há nĩ. Hã kỹ tóg rán kỹ nĩ gé.

Mateus 12:7

“Kỹ Topẽ vĩ tag to jykrén nĩ gé, ha mẽ. Ãjag tỹ jagnẽ jagãgtãn kỹ tóg ãjag tỹ inh mỹ nén ũ pũn kãfór nĩ, he ja tóg nĩ. Ãjag tỹ tag to jykrén ra ãjag tóg, inh mré ke ag to jũnh ke tũ nĩ vẽ. Ag kókĩr vẽ mỹr. Nén ũ kórég han ja tũ ag nĩ.

Mateus 19:4

Kỹ tóg ag mỹ: “Topẽ vĩ rá ki vem nĩ,” he mũ. “Ki tóg rán kỹ nĩ, Topẽ tỹ nén han mũ ti. Ti tỹ nén kar han ve ki tóg ti mré fi han. Hã kỹ tóg tag tó mũ, ha mẽ. “Hã kỹ ũn gré tóg ti prũ fi to ti panh tovãnh kỹ tĩg mũ, ti mỹnh fi tovãnh kỹ ke gé. Ti prũ fi mré tóg tĩnh mũ. Fi mré tóg tỹ ũn pir nĩ sir, ti prũ fi mré,” he tóg, Topẽ ti.

Mateus 21:42

Kỹ tóg ag mỹ: “hỹ,” he mũ. “Kỹ Topẽ vĩ rá tag to jykrén nĩ gé, ha mẽ: “pó tỹ ĩn han jafã fón ag tóg, pó tỹ ĩn han tĩ ag. Ag mỹ tóg kórég ja nĩ. Hã ra Topẽ tóg hã tỹ ĩn nũna han mũ. Ẽg Senhor mág tỹ há vẽ mỹr, hã kỹ tóg ẽg mỹ e tĩ,” he ja tóg nĩ, Topẽ vĩ rá ki,” he tóg, Jesus ti.

Mateus 3:2

“Ãjag jykre pãno tovãnh nĩ, Topẽ tỹ tỹ ãjag pã'i nĩ jé,” he tóg.

Mateus 3:8

Ãjag jykre pãno tovãnh nĩ, ti tỹ ãjag to jũ tũ nĩ jé. Vẽjykre há han nĩ, ẽg tỹ ãjag jykre tãg hã ve jé.

Mateus 4:17

Ga ẽn tá nĩ kỹ tóg, ag mỹ Topẽ vĩ tó mũ, kỹ tóg ag mỹ: “ãjag jykre pãno tovãnh ra,” he mũ, “ãjag tỹ ũri ũ tỹ kanhkã tá nĩ ẽn tỹ tỹ ẽg pã'i nĩ ve jé,” he tóg, Jesus ti.

Marcos 12:26

“Topẽ vĩ ũ to jykrén nĩ. Topẽ tóg vãnh pũr kã ki Moisés mỹ: “Abraão vỹ iso: Topẽ, he tĩ, Isaque ke gé, Jacó ke gé,” he ja nĩ. Kãgter ag huri, hã ra Topẽ tóg: “tỹ inh ag Topẽ nĩ,” he ja nĩ, ag kãgter mũ ra.

Marcos 12:33

“Ẽg jé ti to fe há nỹtĩ, ẽg jé ti to krĩ há nỹtĩ gé, jykre pir ke gé. Ẽg jé ti to tar nỹtĩ gé. Ẽg jé ẽg régre ki rĩr há nỹtĩ gé, ẽg tỹ vẽnh ki rĩr há han ri ke,” he tóg. “Tag tóg ti tỹ ẽg jyvẽn kãfór nĩ. Ẽg tỹ Topẽ mỹ nén ũ pũn kãfór tóg nĩ gé,” he tóg.

Marcos 2:17

Hã ra Jesus tóg mẽg mũ. Kỹ tóg ag mỹ: “ũn kagyga tũ ag vỹ médico venh mũ tũ nĩgtĩ'. Hã ra ũn kagyga ag hã vỹ ti venh mũ tĩ,” he mũ. “Inh pijé ũ tỹ vẽjykre kuryj han mũ ag mỹ: ãjag jykre tovãnh nĩ, he sór tĩ'. Ũ tỹ Topẽ vĩ mranh mũ ẽn ag hã mỹ sóg: ãjag jykre tovãnh nĩ, he sór tĩ,” he tóg.

Lucas 10:26

Kỹ tóg ti mỹ: “ne nỹ hỹn rán kỹ nĩ, Topẽ vĩ ki?” he mũ. “Topẽ jykre tỹ ne han jé ã ke mũ, hỹn'? To ke há ã tóg nĩ, ha inh mỹ tó,” he tóg.

Lucas 19:10

“Tỹ sóg ẽprã ke fi kósin nĩ. Ũn vãfor mũ ẽn jãvãnh jé sóg kãtĩg, sỹ ag krenkren han jé, ũn jykre pãno ẽn,” he tóg.

Lucas 24:47

“Kỹ ũ ag tỹ vẽnh kar mỹ inh kãmén ke vẽ. Ijiji tó jé ag tóg ke mũ. Vẽnh kar mỹ ag tóg: “ãjag jykre pãno tovãnh ra. Kỹ Topẽ vỹ ãjag mỹ vẽnh pãte fón ke mũ, ãjag tỹ ti vĩ mranh ja ti,” henh ke mũ. Povo kar mỹ ag tóg tónh ke mũ, hã ra ag tóg tag ki tó vén ke mũ, Jerusalém ki.

Lucas 5:31

Hã ra tóg ag mỹ: “hỹ, ag mré sóg jẽg mũ,” he mũ. “Hã mẽ, ũn kaga tũ ag vỹ médico venh mũ tũ nĩgtĩ. Ũn kaga ag hã vỹ ti venh mũ tĩ,” he tóg.

Lucas 5:32

“Inh pijé ũ tỹ vẽjykre kuryj han mũ ag mỹ: ãjag jykre tovãnh ra, he sór tĩ'. Ũ tỹ Topẽ vĩ mranh tĩ ẽn ag hã mỹ sóg: ãjag jykre kórég tovãnh ra, he sór tĩ. Hã jé sóg ãjag mỹ vẽnh ven,” he tóg, Jesus ti.

João 10:34

Kỹ tóg ag mỹ: “Topẽ vĩ tỹ rán kỹ nĩ ki tóg ẽprã ke ag to: “Topẽ ri ke ag nỹtĩ,” he tĩ.

Han Kãme 11:18

Ag tỹ tag mẽ kỹ ag krĩ tóg kusa' he mũ. Kỹ ag tóg: “Topẽ vỹ fóg ag krĩn mũ gé, ag tỹ ag jykre kórég tovãnh jé, ag tỹ ẽg rĩr krỹg ja tũ ve jé,” he mũ.

Han Kãme 2:38

Kỹ Pedro tóg ag mỹ: “ãjag jykre pãno tovãnh ra. Kỹ ẽg tóg ãjag kygpenh ke mũ, Jesus Cristo jiji tó kỹ,” he mũ. “Kỹ Topẽ tóg ãjag mỹ ãjag tỹ ti vĩ mranh ja tỹ vẽnh pãte fón ke mũ. Kỹ ãjag tóg Topẽ kuprĩg tỹ jagrẽ nỹtĩnh mũ gé.

Han Kãme 20:21

Judeu ag mỹ sóg tó ja nĩgtĩ, inh mré ke ag mỹ, fóg ag mỹ ke gé, ag tỹ ag jykre pãno tovãnh jé, Topẽ jykre han jé, ẽg Senhor tỹ Jesus Cristo ki ge jé,” he tóg.

Han Kãme 3:19

Kỹ ãjag jykre pãno tovãnh nĩ. Topẽ jykre ki gem nĩ, Topẽ tỹ ãjag tỹ ti vĩ mranh tỹ tũ' he jé.

Han Kãme 5:31

Kỹ Topẽ tóg ti tỹ pã'i mág han mũ, ti tỹ ti mỹ: kunĩg, inh pẽgja tá nĩ, hen kỹ. Jesus tỹ tóg ẽg kar krĩn sór mũ, ẽg kar tỹ vẽjykre pãno tovãnh jé, ti tỹ ẽg tỹ ti vĩ mranh tỹ vẽnh pãte fón jé.

2 Pedro 3:9

Kỹ tóg ti tỹ ẽg mỹ nén tó mũ ẽn tovãnh ke tũ nĩ. Ũ tóg: “han sór tũ ti nĩ, hã kỹ ẽg tóg vég tũ nĩgtĩ,” he tĩ, ón kỹ. Hã ra ag tóg hã tũ tó tĩ. Ti tỹ ver ẽg to fe nĩ vẽ. Hã kỹ tóg kãtĩg vãnh nĩ. Ti pijé ẽg kã mĩ ũ tỹ nũgme ki kutẽ ẽn ve sór mũ'. Hã kỹ tóg ver ẽg mỹ kurã ũ nĩm mãn', kurã ũ nĩm mãn' he mũ. Kỹ vẽnh kar jé ag jykre kórég tovãnh, ag krenkren jé.