Mateus 8:4 - O Novo Testamento na língua Kaingáng

⁴ Kỹ Jesus tóg ti mỹ: “ker ũ mỹ tó hẽ',” he mũ. “Ha tĩg. Topẽ tũ ki rĩr tĩ hã mỹ tóm nĩ. Kỹ Topẽ mỹ Moisés tỹ vãsỹ ẽg mỹ nén tó ja ẽn nĩm nĩ. Hã tugrĩn vẽnh kar vỹ ã tỹ há' he mũ tag ki kanhrãn mũ,” he tóg ti mỹ. Kỹ tóg tĩ mũ sir.

Mateus 8:4 Iomraidhean Croise

Mateus 10:18

Fóg tỹ pã'i mág mỹ ag tóg, ãjag ven ke mũ, pã'i mág ũ ag mỹ ke gé. Isugrĩn ãjag tóg, vẽnh jagtar tag venh ke mũ, ãjag tỹ ag mỹ inh vĩ ti tó jé, fóg ag kar mỹ, kanhgág ag kar mỹ ke gé.

Mateus 16:20

Kỹ tóg ti mré mũ tĩ ag tỹ ti kãmén kamẽg mũ ver. “Ker ũ mỹ sỹ tỹ Cristo nĩ tó hẽ'“ he tóg mũ ag mỹ.

Mateus 17:9

Kỹ ag tóg pãnónh tá kãre mũ sir. Ag mũn kỹ Jesus tóg ag mỹ: “ker ũ mỹ tó hẽ', ãjag tỹ ũri nén vég mũ tag ti. Isỹ iser ja tá vỹn ke kar hã kãmén nĩ,” he mũ.

Mateus 3:15

Hã ra Jesus tóg ti mỹ: “hỹ,” he mũ. “Hã ra tóg isỹ Topẽ tỹ nén tó mũ han kãn há tĩ,” he tóg. Kỹ tóg vãhã ti kypég mũ sir.

Mateus 5:17

“Ãjag hỹn iso: “Moisés tỹ ẽg mỹ nén tó ja ẽn tỹ tóg, tũ' he sór mũ',” he mũ. “Hã tũ vẽ. Sỹ ki króm kãn sór vẽ,” he tóg.

Mateus 6:1

“Kỹ ãjag tỹ Topẽ jykre han sór kỹ ũ tỹ vẽjykre pãno han mũ ag jykre ri ke han tũg nĩ. Ón kỹ ag tóg, vẽnh kar rĩnve Topẽ jykre han sór tĩ, vẽnh kar tỹ ag ve jé. Kar kỹ ag tóg hã ra, hã tũ han tĩ sir, fag ke gé. Kỹ ag ri ke han tũg nĩ, ke tũ nĩ mũ ra ẽg jóg tỹ kanhkã tá nĩ ẽn vỹ tóg, ãjag mỹ ti kaja ven ke tũ nĩ,” he tóg.

Mateus 9:30

Kỹ ag kanẽ tóg há' he mũ sir. Ẽvãnh há' he ag tóg mũ sir. Kỹ tóg ag mỹ vĩ tar han kỹ: “ker ũ mỹ tó hẽ',” he mũ.

Marcos 13:9

“Rẽngag nĩ. Ãjag jyvẽn tar han jé ag tóg ke mũ. Vẽnh kanhrãn jafã krẽm ag tóg ãjag mrãnmrãn ke mũ, isũgrĩn. Ãjag jé ag tóg prẽr ke mũ gé, pã'i mág tỹ ãjag ve jé, pã'i mág kar ti, ãjag tỹ ag mỹ inh vĩ tugtó jé.

Marcos 3:12

Kỹ tóg ag mỹ vĩ tar han mũ. “Ker inh kãmén hẽ',” he tóg.

Marcos 5:43

Hã ra tóg ag mỹ: “ker ũ mỹ tó hẽ'!“ he mũ. “Ha fi mỹ vẽjẽn ven,” he tóg.

Marcos 6:11

“Ẽmã ũ tá ke ag tóg kejẽn ãjag mỹ: “kãgem nĩ,” henh ke tũ nĩ, ag tỹ ãjag kãmén mẽ sór tũ nỹtĩn kỹ. Kỹ ãjag pẽn hã kykũnh nĩ, ãjag tỹ tá pa kỹ. Kỹ ag tóg Topẽ tỹ ag to kórég nĩ ki kanhrãn mũ, ha mẽ. Ki hã sóg tó mũ. Kurã tỹ ẽgno kã, isỹ vẽnh kar jykre tugnỹm ke kurã ẽn kã ag tóg jagtar nỹtĩnh mũ, ag tỹ ãjag vĩ jẽmẽ jãvãnh nỹtĩn kỹ,” he tóg.

Marcos 7:36

Kỹ tóg ag tỹ tó kamẽg mũ, hã ra ag tóg tugtó kãn mũ, ti tỹ: “ker tó hẽ', ker tó hẽ',” he mũ ra.

Marcos 8:30

Kỹ tóg ag mỹ: “hỹ,” he kar kỹ ag jyvẽn mũ, ag tỹ ũ mỹ ti kãmén tũ nĩ jé.

Marcos 9:9

Kỹ ag tóg pãnónh tá kãre mũ sir. Kỹ tóg: “ker ũ mỹ ãjag tỹ ũri nén vég mũ tó hẽ'. Ẽprã ke fi kósin tỹ ti ter ja tá vỹn ke kar hã inh kãmén nĩ,” he mũ.

Lucas 17:14

Kỹ tóg ag mỹ: “Topẽ tũ ki rĩr tĩ ag mỹ vẽnh ven mũjẽg,” he mũ. Ag mũn kỹ ag tóg hághá' he kãn mũ sir, ag tỹ tá junjun to hã.

Lucas 21:13

Ãjag tỹ inh vĩ tó jé, hã jé ag tóg ãjag tỹ genh ke mũ.

Lucas 4:41

Vẽjagrẽ kórég pan kãn tóg mũ gé, ag to jũ kỹ. Ag panh ke to hã ag tóg prẽr tĩ, kỹ ag tóg: “Topẽ kósin vỹ tỹ ã nĩ,” he tĩ. Ti ki kanhró ag tóg nỹtĩ, ti tỹ tỹ Cristo nĩ ti. Hã ra tóg ag mỹ: “vĩ tũg ra,” he mũ.

Lucas 5:14

Kỹ tóg ti mỹ: “ker ũ mỹ tó hẽ',” he mũ. “Topẽ tũ ki rĩr tĩ hã mỹ tóm nĩ. Kỹ Topẽ mỹ Moisés tỹ vãsỹ nén tó ja ẽn nĩm nĩ. Hã tugrĩn vẽnh kar vỹ ã tỹ há' he mũ tag ki kanhrãn mũ,” he tóg.

Lucas 8:56

Kỹ tóg fi han mũ fag mỹ e tãvĩ tĩ sir. Hã ra tóg fag mỹ: “ker ũ mỹ fi rĩr mãn tag tó hẽ',” he mũ.

Lucas 9:21

Kỹ tóg ti mỹ vĩ tar han mũ, ag tỹ ũ mỹ tó tũ nĩ jé ver, ti tỹ tỹ Cristo nĩ ẽn.

João 5:41

“Ẽprã ke ag tỹ inh mỹ vĩ há han tũ ra tóg inh mỹ tỹ nén ũ tũ nĩ.

João 7:18

Ũ tỹ vẽsóg ki ti tỹ nén to jykrén mũ ẽn tó kỹ tóg tỹ ũn mág nĩ sór mũ. Hã ra sóg ũ tỹ inh jẽnẽg mũ ẽn to: ũn mág vỹ tỹ ti nĩ, he mũ. Inh pijé vẽjykre vẽnh mỹ tó tĩ'.

João 8:50

Inh pijé vẽsỹ ũn mág han sór mũ'. Ũ tỹ isỹ ũn mág han ke mũ vỹ nĩ nĩ, ẽn vỹ vẽnh kar jykre tugnỹm ke mũ.