Mateus 8:12 - O Novo Testamento na língua Kaingáng

¹² Ag jãvo Israel krẽ'krẽ ag tóg, kuty ki vár ke mũ. Ag tỹ ũ tỹ kanhkã tá nĩ ẽn tỹ tỹ ẽg pã'i nĩ venh ke vẽ vẽ, hã ra ag tóg venh ke tũ nĩ. Kỹ ag tóg vẽsỹrénh ke mũ, ag jã tỹ ag tóg gángán kenh mũ, vẽso jũn kỹ, fag ke gé,” he tóg, Jesus ti.

Mateus 8:12 Iomraidhean Croise

Mateus 13:38

“Ga hã to sóg: ẽpỹ, he mũ. Kỹ inh jakré vỹ tỹ, Topẽ krẽ ag ri ke nỹtĩ, kỹ vãnh vỹ tỹ, Nén-Kórég krẽ ag ri ke nỹtĩ gé.

Mateus 13:42

Ag génh kỹ ag tóg, pĩ gru mág ẽn ki ag vãm ke mũ sir. Tá ag tóg vẽsỹrénh tãvĩ han ke mũ. Ag jã tỹ ag tóg gyngyn kenh ke mũ, jũ kỹ, vẽsỹrénh kỹ ke gé.

Mateus 13:50

Ũn jykre pãno ag vãvãm jé ag tóg ke mũ, pĩ gru mág ẽn ki. Tá ag vẽsỹrénh ke vẽ sir. Ag jã tỹ ag tóg gyngyn kenh ke mũ, tỹ ag gangan kenh ke mũ, jũ kỹ, vẽsỹrénh kỹ,” he tóg, Jesus ti.

Mateus 21:43

“Hã kỹ sóg ãjag mỹ: ãjag tỹ Topẽ tỹ tỹ ẽg pã'i nĩ venh ke vẽ vẽ, hã ra ãjag tóg venh ke tũ nĩ,” he mũ. “Ũ ag hã vỹ venh ke mũ, povo ũ ag, ag tỹ inh vĩ kri fi kỹ,” he tóg.

Mateus 24:51

Ti kãtĩg kỹ tóg ti kapãn mũ sir, kỹ tóg ti fón ke mũ gé, ũn jykre régre ag mré. Tá ag tóg jagtar ke mũ, ag jã tỹ ag tóg gyngyn kenh mũ, jũ kỹ, ũn jykre kórég ẽn ag,” he tóg, Jesus ti. Ti tỹ ũ tỹ ti rãnhrãj han kónãn mũ kãmén hã vẽ.

Mateus 25:30

“Kỹ inh camarada kórég tag fón, kutyg ja ẽn kã tá. Tá ag tóg jagtar tĩ, ag jã tỹ ag tóg gangan ke tĩ, vẽso jũ kỹ,” he tóg, patrão ti,” he tóg, Jesus ti, ti tỹ ti kãtĩg mãn ke kãmén kỹ.

Lucas 13:28

Ãjag tỹ ra mũnh ke tá ãjag tóg vẽsỹrénh ke mũ, tá ãjag tóg ãjag jã tỹ gángán kenh ke mũ. Kór há tá ãjag tóg Abraão venh ke mũ, tá, Isaque ke gé, Jacó ke gé, Topẽ vĩ tó tĩ ag kar ke gé. Ẽn ag kar vỹ, Topẽ tỹ tỹ ẽg pã'i nĩ venh mũ sir, ãjag jãvo.

Han Kãme 3:25

Topẽ vĩ tó tĩ ẽn krẽ vỹ tỹ ãjag nỹtĩ. Ãjag jógjóg ve ag hã mré tóg jykrén ja nĩgtĩ, Topẽ ti, Abraão hã mré. Hã kỹ tóg Abraão mỹ: ã kósin ũ hã tugrĩn sóg vẽnh kar to há nĩnh mũ, he ja nĩgtĩ, Topẽ ti.

Roma 9:4

isỹ tỹ ag mré Judeu nĩn kỹ. Tỹ ag tóg Topẽ krẽ ja nỹtĩ vẽ, ti tỹ ag kuprẽg kỹ. Kỹ tóg ag mỹ ti jykre tar ven ja nĩ gé. Ag mré tóg vẽjykre tỹ hẽn ri ke han ja nĩgtĩ. Ag jyvẽn ja tóg nĩgtĩ gé. Ti ĩn pẽ han ja ag tóg nĩgtĩ, Jerusalém tá, krẽm nén ũ kar pũn jafã. Ag mỹ tóg ti tỹ nén han ke ti kãmén ja nĩgtĩ.

2 Pedro 2:17

Ón kỹ Topẽ vĩ tó tĩ ag vỹ goj nĩhỹg ja ki goj tũ ẽn ri ke nỹtĩ. Kanhkã góg ri ke ag tóg nỹtĩ gé. Kãka tỹ vẽjo vóg kỹ tỹ tũ' he ẽn ri ke ag nỹtĩ, ũ tỹ ón kỹ Topẽ vĩ tó tĩ ag. Topẽ vỹ kuty tãvĩ tá ag vin ke mũ.

2 Pedro 2:4

Topẽ tỹ jẽgnẽ jafã ũ ag vỹ Topẽ vĩ mranh. Ẽn ag vóg kónãn tóg huri, ag pijé krenkren'. Nũgme ki tóg hur ag vãm, Topẽ ti. Tá ag tóg sigse kỹ nỹtĩ, ferro tỹ corrente tỹ. Tá tóg kuty nỹ. Tá ag tóg Topẽ tỹ vẽnh kar jykre tugnỹm ke kurã ẽn jãvãnh nỹtĩ.

Judas 1:13

Kejẽn goj kafã tũ tóg krém ke mũ, kỹ tóg jẽngéj tĩ. Tag ri ke ag nỹtĩ gé. Ti jẽngéj vỹ tỹ ag jykre pãno nĩ. Vẽnh ven ti tĩ. Krĩg tĩ tĩ ri ke ag tóg nỹtĩ gé. Sĩnvĩ nĩ ve tóg nĩ, krĩg ti. Hã ra tóg ón kỹ tĩ tĩ. Tag ri ke ag nỹtĩ. Topẽ vỹ kuty ki ag vãm ke mũ, kỹ ag tóg tá kãpa mãn ke tũ pẽ nĩ, ũ tỹ Topẽ to ón mũ ag.

Nén Venh Ke 22:15

Hã ra ũ ag tóg ẽn ra genh ke tũ nĩ, hã vỹ: ũ tỹ vẽjykre pãno tỹ vẽnh kavénh tĩ ag, kujá ag, curandeiro ag, ũ tỹ ag prũ tũ fag mré nỹgnỹ mũ ag, ũ tỹ fag mén tũ ag mré nỹgnỹ mũ fag, ũ tỹ ũ tén mũ ag, ũ tỹ vẽnh kãgrá jykre mĩ mũ mũ ag, ũn ón mũ ag, ũ tỹ ũ ag lograr he mũ ag, he mũ. Ẽn ag vỹ ẽmã ẽn ra genh ke tũ pẽ nĩ,” he tóg, Jesus ti.