Mateus 7:7 - O Novo Testamento na língua Kaingáng

⁷ “Topẽ mỹ nén kar to vĩm nĩ, kỹ tóg ãjag mỹ han ke mũ. Ãjag tỹ ti mỹ nén ũ to vĩ mũ ẽn jãvãnh nĩ, kỹ ãjag tóg venh ke mũ. Ti mré vĩ kỹ ẽg tỹ ti jãnkã tỹ tórón tórón ke ẽn ri ke han nĩ. Kỹ tóg ãjag mỹ nón ri ke han mũ sir, ti tỹ ãjag mỹ ãjag tỹ nén to vĩ mũ ẽn han kỹ.

Mateus 7:7 Iomraidhean Croise

Mateus 18:19

“Ha mẽ, sỹ ãjag mỹ nén tónh ke mũ ti. Kejẽn ãjag kã mĩ ũn régre ag tóg nén ũ to jykrén mũ, ag tỹ Topẽ mỹ nén ũ to vĩ jé. Kỹ ag tóg ti mỹ to vĩ mũ sir. Kỹ inh jóg tỹ kanhkã tá nĩ tóg ag mỹ han ke mũ, ag tỹ nén to vĩ mũ ẽn ti, fag mỹ ke gé,” he tóg.

Mateus 21:22

Kỹ ãjag tỹ Topẽ mỹ nén ũ to vĩn kỹ to: “han jé tóg ke mũ,” hem nĩ. Kỹ tóg ãjag mỹ han ke mũ, ha vem nĩ,” he tóg, Jesus ti.

Mateus 6:33

Topẽ tỹ tỹ ẽg pã'i nĩ ẽn hã ve sórm nĩ. Kỹ tag hã to vãsãn nĩ. Ti jykre kuryj tag hã to jykrén mág nĩ. Kỹ tóg ãjag mỹ ãjag tỹ nén ve sór mág mũ ẽn vin ke mũ sir.

Mateus 7:11

Jykre pãno ãjag nỹtĩ. Ge ra ãjag tóg ãjag krẽ mỹ nén ũ há vin tĩ. Ge ti nĩ gé, ãjag tỹ Topẽ mỹ nén ũ to vĩn kỹ. Nén ũ há tãvĩ hã vin jé tóg ke mũ. Hã ra tóg ãjag kãfór han tĩ, ẽg jóg tỹ kanhkã tá nĩ ẽn ti,” he tóg, Jesus ti.

Mateus 7:8

Hỹ, hã vẽ. Ãjag tỹ ti mỹ nén ũ to vĩn kỹ tóg, ãjag mỹ han mũ sir. Ãjag tỹ jãvãnh kỹ ãjag tóg, venh ke mũ sir,” he tóg.

Marcos 11:24

“Hã kỹ sóg ãjag mỹ ke mũ. Ãjag tỹ Topẽ mỹ nén ũ to vĩ kỹ to: han jé tóg ke mũ, hem nĩ, kỹ ãjag tóg venh ke mũ sir,” he tóg.

Lucas 13:25

Ðn ki rĩr tĩ ẽn tỹ nĩfénh ja vẽ mỹr, hã kỹ ag tóg, kã ra genh ke tũ nĩ ha. Kanhkã to ken hã vẽ, ĩn ti. Ðn ki rĩr tĩ ẽn hã ne nĩfénh ke mũ', kỹ ãjag tóg sir re tá nỹtĩ kỹ tỹ tórón' tórón' kenh ke mũ.“Senhor', ẽg mỹ róm, ẽg jy nón, jãnkã ti,” he jé ãjag tóg ke mũ. Hã ra tóg sir ãjag mỹ: “ãjag ki kagtĩg sóg nĩ,” henh ke mũ.

Lucas 18:1

Kỹ tóg ag kanhrãn mũ, ag tỹ kurã kar ki Topẽ mré vẽmén jé, to krónh ke tũ nĩ jé. Kỹ tóg:

João 15:16

Ãjag pijé inh kuprẽg'. Inh hã ne ãjag kuprẽg'. Kỹ sóg ãjag mỹ: kanẽ e han nĩ, he mũ ha, hã vỹ: vẽjykre há, he mũ. Vẽjykre há hã vỹ tũ' henh ke tũ nĩ. Ãjag tỹ ẽn han kỹ jatun mỹ Topẽ mỹ nén kar to vĩm nĩ, inh jiji tó kỹ. Kỹ tóg ãjag tỹ ti mỹ nén to vĩ mũ ẽn han ke mũ.

João 15:7

Ãjag tỹ isovãnh tũ nĩn kỹ, ãjag tỹ isỹ ãjag mỹ nén tó mũ ẽn to jykrén kỹ nỹtĩn kỹ, kỹ inh mỹ nén kar to vĩm nĩ. Han jé sóg ke mũ, ãjag mỹ, ãjag tỹ inh mỹ nén to vĩ mũ ẽn ti, ha vem nĩ.

João 4:10

Kỹ tóg fi mỹ: “Topẽ tỹ ã mỹ nén han sór mũ tag ki kagtĩg ã nĩ ver,” he mũ. “Kỹ ã tóg inh ki kagtĩg nĩ gé. Ã tỹ inh mỹ: “inh mỹ goj nĩm,” henh ke vẽ vẽ, kỹ sóg ã mỹ goj ror tỹ goj nĩm ke mũ vẽ,” he tóg mũ.

Roma 2:7

Ẽn kã tóg ẽg mỹ ẽg rĩr krỹg ja tũ ven ke mũ, ũn jykre kuryj ag mỹ, fag mỹ ke gé. Ẽg tỹ ti jykre há to tar nỹtĩn kỹ tóg ẽg mỹ ẽg rĩr krỹg ja tũ ven ke mũ, ẽg tỹ tá tỹ ũn mág nỹtĩ jé.

Roma 3:11

Vẽjykre há han ki kagtĩg kar ẽg nỹtĩ. Ũ tỹ Topẽ jykre han sór mũ vỹ tũ tĩ.

Hebreu 11:6

Ẽg tỹ Topẽ ki ge tũ nỹtĩn kỹ tóg, ẽg to há nĩnh ke tũ nĩ. Ẽg tỹ Topẽ to mũ sór kỹ ẽg tóg, tag to jykrén ke mũ, ha mẽ. “Topẽ vỹ nĩ,” he jé ẽg tóg ke mũ. Kỹ ẽg tóg ti to: “ẽg tỹ ti to mũ kỹ tóg, ẽg mỹ nén ũ há ẽn nĩm ke mũ, ti tỹ ẽg mỹ nén tó ja ẽn ti,” henh ke mũ gé. Kỹ tóg ẽg mỹ han ke mũ, ha vem nĩ.

Tiago 5:15

Ag tỹ ẽg Senhor mré vĩn kỹ tóg ũn kaga ẽn tỹ há' henh ke mũ sir, ag tỹ ti tỹ há' henh ke to: “hỹ mỹ vỹ?“ he tũ nĩn kỹ. Kỹ ũ tỹ ti vĩ mranh kỹ Topẽ vỹ ti mỹ vẽnh pãte fón ke mũ gé sir.

1 João 3:22

Kỹ tóg ẽg mỹ nĩm ke mũ, ẽg tỹ ti mỹ nén to vĩ mũ ti. Ti tỹ ẽg mỹ nén tó mũ ẽn hã han ẽg tóg tĩ. Nén tỹ ti mỹ há nĩ ẽn hã ki króm ẽg tóg tĩ. Hã kỹ ẽg tóg jatun mỹ ti mỹ nén ũ to vĩ tĩ.