Mateus 7:6 - O Novo Testamento na língua Kaingáng

⁶ “Hã ra kasor jykre ri ke ag mỹ Topẽ jykre sĩnvĩ ẽn tó tũg nĩ. Porko jykre ri ke ẽn ag mỹ ke gé, fag mỹ ke gé. Jykre kavéj ag nỹtĩ, hã kỹ ag tóg, Topẽ jykre to é henh ke mũ. Tỹ tũ' he sór ag tóg tĩ, ti sãn kỹ, kar kỹ ag tóg sir, ã to jũ sór mũ gé, ha vem nĩ, ã tỹ ag mỹ Topẽ jykre sĩnvĩ tó ja hã ra,” he tóg, Jesus ti.

Mateus 7:6 Iomraidhean Croise

Mateus 15:26

Hã ra Jesus tóg fi mỹ: “há tũ tóg nĩ, ã tỹ nén to vĩ mũ ti,” he mũ. “Ẽg krẽ jamĩ vỹ tỹ ẽg krẽ tũ nĩ, kỹ ẽg tóg kasor mỹ fón tũ nĩgtĩ,” he tóg.

Mateus 24:10

Kỹ ũ tỹ hẽn ri ke vỹ, isogvãnh ke mũ sir, ẽn kã. Ãjag mré ke fag tó jé ag tóg ke mũ, inh kato vãsãnsãn mũ ag mỹ, kỹ ag tóg jagnẽ to vĩ kónãn ke mũ gé.

Mateus 7:5

Ke tũg nĩ. Ke tũ nĩ mũ ra ã tóg jykre régre nĩ. Kỹ ã jykre kurynh vén nĩ. Kar kỹ ã tóg sir ã régre jykre kurynh há han ke mũ,” he tóg.

2 Corinto 11:26

Kuvar há ra tĩg tỹ hẽn ri ke han inh. Kỹ goj var tóg inh jagtar han. Ẽg tũ péju tĩ ag vỹ inh jagtar han' he ja nĩgtĩ gé. Inh mré Judeu ag vỹ inh vóg kónãn sór tĩ ja nĩgtĩ, fóg ag ke gé, ẽmã ki ke ag ke gé, ẽmã tũ tá ke ag ke gé. Goj kafã tũ kri inh jagtar han. Ón kỹ ẽg kanhkã ag vỹ inh jagtar han' he ja nĩ gé.

Filipos 3:2

Vẽnh ki rĩr. Ón kỹ Topẽ vĩ tó tĩ ag vỹ junjun ke mũ, vẽjykre pãno han mũ ag, ha vem nĩ. Inh mỹ ag tóg kasor ri ke nỹtĩ. Ón kỹ ag tóg ãjag gré fár junun kym sór mũ. Hã kỹ vẽnh ki rĩr.

Hebreu 10:29

Hã ki ẽg tóg vég mũ, Topẽ tỹ ẽg vóg kónãn pẽ han ke mũ ti, ẽg tỹ Topẽ kósin to é he kỹ. Ẽg tỹ ti vĩ mranh sór kỹ ẽg tóg ti kyvénh to é he tĩ, ti jykre to. Ẽg mỹ tóg tỹ nén ũ tũ nĩ sir, Topẽ kuprĩg tỹ ẽg jagãgtãn ja ẽn ti. Ũ tỹ tag han mũ vóg kónãn jé tóg ke mũ, ha vem nĩ.

Hebreu 6:6

Ũ tỹ ti jykre tag ve kar kỹ ti tovãnh pẽ han kỹ tóg ti ki rã mãn ke tũ nĩ ha. Ti jykre kórég tovãnh mãn ke tũ ti nĩ ha. Ha vé, ẽg tỹ ti ki rã há han kar kỹ ti tovãnh pẽ han kỹ ẽg tóg ti tỹ krunh to sa mãn ri ke han mãn mũ sir, Topẽ kósin ti. Ẽg tỹ vẽnh kar tỹ ti to é he han mãn vẽ sir.

2 Pedro 2:22

Ag to ẽg tóg tag tó tĩ, ha mẽ: “cachorro vỹ ti tũgtũv ẽn ko mãn tĩ,” he ẽg tóg tĩ. “Porco tóg ti vẽnh kype há han kỹ jẽ ra óré mĩ vẽsĩn mãn tĩ. Kỹ tóg vẽnh kavénh mãn tĩ,” he ẽg tóg tĩ gé. Ũ tỹ vẽjykre kórég tovãnh kar kỹ han mãn tĩ ag to ken hã vẽ.

Nén Venh Ke 22:15

Hã ra ũ ag tóg ẽn ra genh ke tũ nĩ, hã vỹ: ũ tỹ vẽjykre pãno tỹ vẽnh kavénh tĩ ag, kujá ag, curandeiro ag, ũ tỹ ag prũ tũ fag mré nỹgnỹ mũ ag, ũ tỹ fag mén tũ ag mré nỹgnỹ mũ fag, ũ tỹ ũ tén mũ ag, ũ tỹ vẽnh kãgrá jykre mĩ mũ mũ ag, ũn ón mũ ag, ũ tỹ ũ ag lograr he mũ ag, he mũ. Ẽn ag vỹ ẽmã ẽn ra genh ke tũ pẽ nĩ,” he tóg, Jesus ti.